Conmemoracións
A semana do Libro
Do 11 ao 15 de abril conmemoramos o Día do Libro cunha serie de actividades impulsadas dende a biblioteca do colexio. Na seguinte presentación podedes ver unha mostra.
Semana do Medio ambiente
Ata o 12 de abril conmemoramos a semana do medio ambiente cunha exposición sobre o cambio climático, vídeos, xogos, actividades didácticas nas aulas, exposición de libros e recollida selectiva de pilas e papel. Animamos dende aquí as familias a visitar a exposición e contribuir á toma de conciencia sobre o coidado do planeta.
Festival do Entroido
O pasado venres 4 de marzo celebramos no colexio a festa de entroido que este curso adicamos ao mundo do cine. Colorido, alegría e fantásticas coreografías fixeron disfrutar a todos, alumnado e familias. Grazas a todos pola vosa participación e asistencia. VER FOTOS
- APIs de Blogue
Carreira Solidaria
Aquí deixamos as FOTOS e o vídeo da Carreira Solidaria pola infancia de Haiti coa que conmemoramos o Día da Paz. Grazas a todos
Conmemoración do Día da Paz
O venres 28 de xaneiro conmemoramos o Día da paz. Nesta ocasión levaremos a cabo unha carreira solidaria en colaboración coa ONG Save de children "Kilómetros de solidaridade". Básicamente consistirá en que cada alumno buscará padriños entre os seus familiares que lle darán X euros por cada kilómetro que recorran na carreira. Todo o diñeiro recaudado o enviaremos a esta ONG para axudar á infancia de HAITÍ.
Tamén deixamos unhas actividades elaboradas no Colexio para traballar dun xeito lúdico a paz a través da lectura.
No seguinte enlace podedes xogar con outra actividade para o 2º e 3º ciclo de primaria http://www.edu.xunta.gal/centros/ceipfernandezlatorre/node/294
Tamén dende a Biblioteca do cole nos deixan unha recopilación de videos e cancións relacionados co día da paz
Festival das Letras Galegas
O martes 18 de maio celebramos o festival para conmemorar o Día das Letras Galegas. Fixemos un adicado aos máis pequenos e outro para o resto do alumnado. Como sabedes este ano contamos coa colaboración da cantante do grupo Luar na Lubre e dende aquí dámoslle as gracias pola súa desinteresada participación. A continuación podedes ver imaxes do festival AQUÍ ou nos seguintes videos.
Máis vídeos nos seguintes enlaces:
http://www.youtube.com/watch?v=uVnkRLj1dyY
Festival de Entroido
O pasado venres 12 de febreiro celebramos o tradicional festival de entroido. Nesta ocasión o motivo serían os distintos paises do mundo, complementando o proxecto da biblioteca escolar "A volta o mundo en 365 libros".
Podedes ver unha mostra da celebración nos seguintes vídeos:
3º Indios americanos de segundo
5º. Árabes de cuarto
6º. Masais de quinto
Por útimo se queredes podedes Ver fotos da celebración
O Festival de Nadal
O martes 22 de decembro, último día de clase antes das festas, celebramos no salón de actos do colexio dous festivales , un para o alumnado de educación infantil e 1º e 2º de primaria e o segundo para o resto dos alumnos.
Houbo un pouco de todo, obras de teatro, panxoliñas, cantares de reis, música e cancións. O certo e que disfrutamos moito porque as actuacións estiveron estupendas. Parabéns pola vosa participación.
Para ver o album de fotos picade na imaxe desta noticia
Tamén queremos deixar constancia do noso agradecemento á sucursal de La Caixa de Jose Mª Hernansaez que subvenionou a actuación do grupo Tanxarina o venres 18 e que podedes ver en fotos aquí.
Por último dar as grazas a todos os que participaches na campaña de recollida de alimentos para o albergue do Pai Rubinos no Paseo Marítimo. Este ano todavía superamos a cantidade recollida o curso anterior, e por isto a encargada do albergue, Sor Clara, insistiunos en que trasladara a toda a nosa comunidade educativa o seu agradecemento.
Persoas con Discapacidade
O 3 de decembro está adicado ás persoas con discapacidade. Un curso máis o colexio quixo estar presente nesta conmemoración e para esta ocasión montamos un circuito no patio, para que o alumnado de primaria tivese a oportunidade de poñerse no lugar das persoas que teñen que utilizar cadeiras de rodas por mor da súa discapacidade.
Tamén o alumnado de infantil experimentou as dificultades coas que se atopan as persoas cegas recorrendo outro circuito no patio cuberto.
Agradecer dende aquí a colaboración da Cruz Vermella que nos cedeu as cadeiras de rodas,
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »