Skip to Content

Colectivas

PROGRAMA ESCOLAR DE FROITA E LEITE NA ESCOLA

O noso centro solicitou a participación, neste curso 2023-2024, no Programa escolar de suministro de froitas e leite, coa concesión de axudas da Unión Europea, do FOGGAA actividade está encamiñada a promover hábitos de alimentación saudable.

O alumnado recibirá froita, diaramente na hora do tentempé, durante 10 días consecutivos, comezando despois das vacacións de Entroido.

A distribución do leite comezará na última semana de xaneiro (comezando o martes) e extenderase durante 20 días lectivos. Proporcionaranse dende o colexio vasos de cartón para o alumnado.

As froitas frescas que se consumirán serán de tempada e o leite de marca 100% galega.

AGASALLOS DA ANPA

Pinchade na imaxe para ampliar

Queremos agradecer a ANPA por escribirlle aos Reis Magos para que trouxera cousiñas para os nenos e nenas do cole! Seguro que pasarán bos momentos con estas cousiñas!Moitas grazas.

SAÍDA 3º E 4º EP

Este venres o alumnado de 3º e 4º tivo a sorte de pasar un soleado día en Santiago de Compostela. Primeiro fixemos un roteiro polas prazas máis importantes da cidade e pola Catedral. Rematamos o día facendo unha visita ao Museo de Historia Natural da USC, onde os monitores/as nos acompañaron nunha viaxe a través da diversidade dos seres vivos do noso planeta.

TEATRO GHAZAFELHOS

(Pinchade na imaxe para ampliar)

Hoxe o alumnado de Primaria asistiu ao edificio de usos múltiples para ver a obra de teatro "Travesía unicornio" da compañía teatral Ghazafelhos.

Esta obra é unha adaptación ao teatro do libro homónimo de María Canosa, unha peza moi divertida, chea de humor onde se tratan temas sobre escoitarse, aceptarse e o máis importante, aceptar tamén os desexos das demais persoas para que se cumpran os propios.

Queremos agradecer a ANPA  por ofrecerlle aos nenos e nenas a posibilidade de gozar desta peza. 

 

TALLERES "SAÚDE NA ESCOLA"


(Pinchade na imaxe para ampliar)

A través da Consellería de Sanidade ponse en marcha o Proxecto Ardora encamiñado á prevención de condutas aditivas ao longo da vida. Parte deste proxecto realiza unha labor de prevención no eido educativo.

Con este programa desenvolvéronse diferentes charlas ao longo do trimestre co título de "Saúde na escola".

As actividades deste programa están enfocadas á intervención co alumnado de 6º de EP coa finalidade de promover estilos de vida saudables.

Dende o Departamento de Orientación adaptáronse os diferentes materiais utilizados nestes talleres para darlle acceso a todo o alumnado.

 

Distribuir contido


by Dr. Radut