Skip to Content

Actividades

DÍA DAS BIBLIOTECAS ESCOLARES (24 de Outubro)

Álbum: 1.1 Conmemoracións /celebracións e otras actividades -> DÍA DAS BIBLIOTECAS

 

“Biblioteca escolar, viveiro de cidadanía” é o lema proposto para as bibliotecas escolares galegas para o presente curso 2019-2020. Nesta ocasión é o ilustrador Óscar Villán quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar. 

Cómpre sementar, crear ese hábitat axeitado para que os pequenos e as pequenas, os mozos e mozas vaian desenvolvendo a estima por si mesmos e polos recursos naturais e culturais á súa disposición, aprendan a convivir cos outros, adquiran paulatinamente os valores democráticos, o respecto polos Dereitos Humanos e a Cultura de Paz imprescindible para unha convivencia xusta, pacífica e enriquecedora para todos e todas. 

A Biblioteca escolar pode chegar a ser ese "viveiro de cidadanía" no que medren en confianza as xeracións novas e poidamos forxar esperanza fronte aos retos que o mundo actual nos presenta. 

Por eso no noso centro as lecturas que se fixeron xiraron entorno a valores de convivencia:

  • Educación Infantil: "Un agasallo diferente"

 

  • Educación Primaria: entre outros moitos contos, "A aguia e a Paz", "o Tigre e a Tolerancia", "O coello e a Sinceridade", "O elefante e a Xenerosidade",...

Amosámosvos unhas fotos nosas na biblioteca, nas que saímos todos/as moi guapos/as.

Esperamos que vos gusten!!!!Ata a próxima!

DÍA DO LIBRO (23 de Abril)

Álbum: 2.1.Conmemoracións /celebracións e outras actividades -> DÍA DO LIBRO (23 ABRIL 2019)

(FAI CLIC NA IMAXE)

O martes 23 de abril celebramos no colexio o Día do Libro realizando diversas actividades:

  • lemos un capítulo de Don Quijote de la Mancha para niños para recordar a figura de Cervantes e da súa grande obra;
  • montamos un mural con traballos de libros lidos ao longo do curso polos diferentes cursos;
  • vimos vídeos de Don Quijote;
  • cantamos cancións de Don Quijote;
  • elaboramos marcapáxinas relacionadas co proxecto "Pequenos Pintores".

 Unido a esta celebración, o día 24 de abril recibimos a visita da escritora Ánxela Loureiro para os cursos de 3º, 4º, 5º e 6º de Primaria.

Os cursos restantes asistiremos a unha sesión de contacontos o día 30 de abril.

Recordade:

"A lectura é a fábrica da imaxinación", como di Carmen Posadas.

 

 (FAI CLIC NA IMAXE PARA VER A SELECCIÓN DE CONTOS E LIBROS) 

 

 

 

DÍA DA BIBLIOTECA ESCOLAR (24 de Outubro de 2018)

Para celebrar o Día da Biblioteca Escolar, baixo o lema “ POÉTICAS DIVERSAS”, todo o alumnado do centro acudiu a biblioteca en quendas de 25 minutos para gozar da lectura da poesía, seleccionada previamente polo equipo encargado. 

                                   Que ben o pasamos!

 (FAI CLIC NA IMAXE PARA VER AS ACTIVIDADES)

Desde outubro de 2008, a Consellería de Educación edita un cartel específico para celebrar este Día da Biblioteca tamén nas Bibliotecas Escolares, cun lema para dar a coñecer e difundir as múltiples oportunidades que ofrece unha biblioteca escolar activa, e que este ano foi interpretado pola ilustradora Nuria Díaz. Este fermoso cartel de 2018 xa está presente en todos os centros galegos para a celebración do 24 de outubro.  

Distribuir contido


by Dr. Radut