Mirade que ben o pasamos no Festival de Fin de Curso, no que non quedou ninguén sen bailar e cantar!!!
Tamén se entregaron os merecidos premios aos nosos deportitas, que participaron nos XV Xogos de Primavera.
Preme aquí para ver o Festival en imaxes
A Semana do 18, 19 e 20 de xuño pasamos uns días nos que a Asociación Santiagüiños de Boimorto nos fixo desfrutar da música tradicional.
Por uns momentos convertémonos en pandereteiras/os e tamén cantamos e bailamos. Tamén nos ensinaron outros moitos instrumentos: gaita, pandeiro, bombo,...e algún outro moito máis sinxelo como unha folla, si, si,...das follas tamén sae música!!
Graciñas a estes profes tan especiais por facernos vivir a música e contaxiarnos o voso entusiasmo!!
Xentes de todos os lugares do mundo viñeron visitarnos este Entroido.
Xuntáronse no cole para desfilar e poder ensinarnos as Marabillas do Mundo.
Comeza o tempo das orellas, das filloas, do cocido...comeza o tempo do entroido!!!
Temos un Peliqueiro no cole que nos vai mandar traer algunha "vestimenta especial" durante esta semana. Estade ben atentos e non lle perdades ollo!!
Este ano construimos o noso propio muro da PAZ, cargado de boas accións e desexos. Preme aquí para ver algunha foto do momento
O Apalpador estivo no cole!! Graciñas á ANPA por chamalo e pedirlle que viñese, encantáronnos os agasallos que nos trouxo!!!
Din que habelas hainas....pois ben, de merendola nun recuncho e de contacontos noutro, pero houbo quen viu meigas no cole!
Se ti tamén as queres ver preme aquí.
Neste curso, no que estamos recuperando as máis vellas tradicións galegas, tamén festexamos no cole o magosto.
Un magosto no que non podemos deixar a parte os agradecementos ás familias por traernos as castañas para asar, a un antigo alumno por agasallarnos co son da súa gaita, a Confecciones Lage por prestarnos un dos seus maniquies para lucir a nosa castañeira ben fermosa e ao Concello de Arzúa por deixarnos desfrutar das súas instalacións nas que poidemos xogar á petanca e á chave. Graciñas a todos!!!!
Durante esta xornada, pasámolo en grande cos xogos populares (a ra, os aros, os bolos, a carreira de sacos, o tiro da corda, as botellas, as cadeiras musicais, as tartarugas, a petanca, a chave,...) para, posteriormente, desfrutar dunhas ricas castañas asadas.
Nestes días, todo o cole, tivemos oportunidade de visitar unha exposición sita na Capela da Madalena, sobre as "Xornadas do pan". Ali, poidemos coñecer o proceso de fabricación do pan, dende a súa sega ata que o sacan do forno....parace que arrecende!!
Aos nenos e ás nenas de 4 anos pilláronnos cas mans na masa.....Preme aquí para descubrilo.
Xunta de Galicia - Consellería de Educación, 2013 | ||
