CEIP de Arzúa

Quen di que unha biblioteca é só para ler? Este ano actualizamos a nosa biblioteca escolar con algúns "recunchos creativos" como a mesa de luz ou o Kapla, pero somos moi ambiciosas e queremos potenciar aínda máis a vosa creatividade e introducirvos no mundo da arte e a fotografía. Por iso, para terminar o curso cunha boa sorpresa, anunciamos o concurso de fotografía de Fin de curso para os alumnos e alumnas de Educación Primaria. Aproveitamos a celebración do Día Mundial do Medio Ambiente para traballar coa natureza e apreciar as paisaxes tan fermosas que nos rodean e as cales debemos atesourar e protexer.

Fixádevos ben nas indicacións para participar! e PREME AQUÍ para acceder ao blogue e ver a publicación completa coas imaxes das pinturas, das cales escolleredes unha para o voso proxecto. A data límite para a entrega é o 1 de Xuño, e o gañador/gañadora anunciarase na semana seguinte á entrega. 

1) Escolle unha das pinturas que publicamos no blogue

2) Inspírate nela para crear a túa versión e fai unha fotografía (non vale unha foto antiga)

3) Imprime a foto en papel fotográfico ou cartolina e escribe o teu nome e curso por detrás para entregala na Biblioteca. Tamen podes enviala por correo a ceiparzuabiblioteca@gmail.com

Non esquezades poñer nome e curso!

- O gañador/gañadora do primeiro premio recibirá unha cámara de fotos instantánea e un libro.

- O gañador/a do segundo premio recibirá un libro.

Moita sorte!

Esta semana comezamos no noso colexio coas actividades que xiran arredor da conmemoración das Letras Galegas. 

A primeira delas é este concerto didáctico que deron Mero, Pakolas e Manolo Dopico o luns, 8 de maio; ao que asistiu todo o alumnado do centro. Con eles fixemos un repaso polo folclore popular galego e acompañamos varias cancións cantando con eles o retrouso das mesmas. Moitas cantigas populares teñen unha morea de anos e fixeron as ledicias das nenas e nenos que asistiron ao concerto.

Ao final, o alumnado de quinto e sexto ata se animou e bailou algúns temas. 

Esta actividade é subvencionada polo Concello de Arzúa.

Ata aquí chegou a Semana do Libro! E xa temos o blogue actualizado coas fotografías das nosas actividades, como a visita de Claudia Castro, as lecturas interactivas, a feira da espurga e o teatriño "Princesa Kevin".

Podedes ver a publicación completa e máis fotos no blogue, PULSA AQUÍ

Unha das actividades organizadas con motivo da celebración do Día do Libro é este obradoiro de poesía, dirixido ao alumnado de 3º, 4º, 5º e 6º E.Primaria.

Durante este mes de abril, os nenos e nenas de 3º e 4º EP leron o libro de poemas "Galicia, o país das marabillas" e da man do Rato Amelio e do Gato Pepe descubriron moitos lugares de Galicia que merece a pena visitar. As mestras xa tomamos boa nota dalgún destes sitios que lles gustaría coñecer!

Esta mañá tivemos a sorte de escoitar como esta escritora nos recitaba algún poema do libro e, despois, deixamos voar a nosa imaxinación para encher un folio cun debuxo que nos recordaba algún poema do libro, o lugar que máis nos gusta de Galicia, o debuxo do Rato Amelio ou do Gato Pepe... e así convertémonos por un intre en ilustradoras e ilustradores. 

Este foi o mural que fixeron os nenos e nenas de 3º A.

E este é o mural que se fixo na clase de 3ºB.

E así de fermoso quedou o mural de 4ºA.

Co alumnado de 5º e 6º de E.Primaria, Claudia Castro traballou o libro "Amiga lúa, amigo mar". As nenas e nenos recibírona con este mural que previamente fixeron na súa clase, pois tamén dedicaron varias sesións á lectura deste libro.

Claudia explicoulles a razón pola que escolleu este título e faloulles da súa ilustradora, Luz Beloso. Despois de recitar xunto a Claudia algún dos seus poemas, viron un vídeo e remataron facendo voar os avións de papel que contiñan os seus soños.

Grazas Claudia por compartir esta xornada connosco e axudarnos a descubrir outro xeito de achegarnos á poesía. 

Xa temos o cartel da Semana do Libro na Biblioteca do CEIP de Arzúa! Celebraranse varias actividades para fomentar a lectura e traballar coa literatura infantil e xuvenil, e tamén actualizaremos o recuncho das lecturas recomendadas coa temática correspondente a esta semana.

E para calquera dúbida estamos na Biblioteca nos recreos :)

En 1948, a Primeira Asamblea Mundial da Saúde propuxo que se establecera un DÍA MUNDIAL DA SAÚDE para conmemorar a fundación da OMS (Organización Mundial da Saúde).

Todos os países do mundo uníronse e fundaron a OMS para promover a saúde, manter o mundo seguro e servir aos máis vulnerables, para que todos e todas, en todas partes, poidan alcanzar o máis alto nivel de saúde e benestar.

Desde 1950, todos os anos o Día Mundial da Saúde celébrase cada 7 de abril.

Desde o colexio, tamén quixemos traballar e profundizar máis sobre esta conmemoración e elaboramos un mural colectivo baixo o lema “Somos Auga” onde quixemos relacionar a importancia da auga , eixe vertebrador deste curso, coa nosa saúde.

Deste xeito, os nenos e nenas de Primaria decoramos diferentes órganos do noso corpo humano, explicando cal é a súa función e indicando o seu porcentaxe de auga. Colocámolos ao redor dunha silueta humana que indica a porcentaxe de auga que contén o corpo humano coloreando unha parte da mesma.

Os nenos e nenas de Infantil decoraron flores como símbolo da importancia da auga para a vida. Regando as plantas hai vida, bebendo auga hai vida e saúde.

Dentro do programa Ti si que es un bo peixe! o alumnado de 2º de EP desprazouse ata Porto do Son para mergullarse in situ nalgunhas das actividades relacionadas co mundo mar e da pesca. En concreto, tiveron o privilexio de coñecer de primeira man a importante labor das redeiras; así coma o crecente uso do plástico para confeccionar as redes de pesca e á contaminación que iso conleva para o mar.

Bo día amantes da música! Este segundo trimestre os alumnos de 5º traballaron de novo no proxecto dos podcast, esta vez investigando e traballando con diferentes estilos musicais.

Temos ao grupo "Os de Galiza" falando do Rock'n Roll:

O grupo "Los músicos del bosque" falando do Pop e do Pop rock:

E por último, o grupo "Stranger Music" falando do Blues e o Jazz! :

Un aplauso para todes eles! Cada vez traballan mellor buscando información e recursos e vanse adaptando ao traballo en equipo, que non é nada doado!

Para as nosas investigacións utilizamos blogues de internet como a Wikipedia, e un libro moi interesante sobre a evolución da música e os grandes artistas de cada un dos diferentes estilos musicais, " Maestros de la música. Una historia de la música para niños" de Mick Manning e Brita Granström. 

Desfrutade da música!

O Concello de Arzúa programa esta Semana Santa unha nova edición da actividade "A vila do mañá".

A Vila do Mañá é un proxecto educativo e de divulgación no que a través do xogo e da creatividade se transforma o lugar que habitamos dando voz aos que normalmente non a teñen, os nenos e os adolescentes, impulsando o seu dereito para formarse un xuízo propio do hábitat no que viven e a poder expresalo e poñelo de manifesto. Ao mesmo tempo, esta iniciativa serve como medida para axudar á conciliación en periodo de vacacións escolares,

Datas
O programa levarase a cabo os días 3, 4, 5 e 6 de abril.

Horarios e quendas
- Quenda 1: polas mañás de 10:00 a 13:30 para menores de 5 a 11 anos
- Quenda 2: polas tardes de 16:30 a 20:00h para rapazada de 12 anos en diante.

Inscricións
Para participar é obrigatorio inscribirse previamente nas oficinas do Departamento de Cultura ou chamando ao teléfono 981500222 desde mañá, martes 28, ata este venres 31 de marzo en horario de 8:30 a 14:00h. A inscrición é gratuíta e as prazas limitadas. As mesmas iranse cubrindo por rigorosa orde de inscrición.

https://arzua.gal/o-concello-de-arzua-programa-esta-semana-santa-unha-nova-edicion-da-actividade-a-vila-do-mana/

O venres, 24 de marzo, os rapaces e rapazas de 4º de EP visitaron o Museo Etnográfico Casa Do Patrón, en Lalín.

Neste museo Rural expóñense máis de 4.500 pezas recollidas por toda a xeografía galega. Dispón de varias salas de exposicións organizadas por temáticas, onde se poden observar as antigas escolas, a taberna, unha casa, pasando polos hábitos de vida dos nosos ancestros, oficios olvidados...

Deste xeito, o alumnado de 4º puido comprobar como era a vida dos seus avós, bisavós ou antepasados, facendo un percorrido polas distintas dependencias, acompañados por unha guía.

Ademais, participamos nun obradoiro de cerámica, do que saíron uns vasos e adornos ben bonitos.

Este museo defínese como "un canto silencioso á grandeza da historia, a cultura, a espiritualidade e a beleza do mundo rural galego".

Aquí vos deixamos un pequeno vídeo que resume ese día.