Alumn@s de 1° e 2° acudiron ao Auditorio para presenciar o espectáculo de Odaiko Percussion Group, patrocinado por Afundación de Abanca.
Vaia ritmo!, de Odaiko Percussion Group, é unha proposta musical que ten á percusión como principal protagonista para crear unha obra cargada de humor e improvisación que convida os escolares a interactuar utilizando a súa creatividade e imaxinación.
|
|
@s alumn@s de 1º e 2º de primaria visitaron a Biblioteca Nodal "Nós", onde coñeceron os recursos e os recunchos desta Biblioteca referente en Galicia, cun xogo de pistas co que percorreron as instalacións.
|
|
@s alumn@s de 2º visitaron a Biblioteca da Ponte, dentro do programa de Animación á lectura da Concellería de Educación.
|
|
Reflexiona sobre as formas de vida vencelladas ao rural galego e a sostibilidade do medio. «A vida lenta. Memorias e ritmos do rural galego», conxuga máis de 70 fotografías, máis de 40 minutos de pezas audiovisuais, fragmentos poéticos e música. |
|
|
|
Aquí podedes contemplar a chegada do rover Perseverance a Marte dende a perspectiva dos nenos e nenas de 1º de Primaria. O Espazo e a creatividade poden ir da man, non si?
|
En 4 grupos cooperativos realizamos os nosos minimundos relacionados coas estacións do ano: primavera, verán, outono e inverno. Pero que é un “MINIMUNDO”? Trátase dunha variedade de xogo simbólico non estruturado, unha creación feita polo alumnado, a través da cal eles e elas representan e plasman os seus pensamentos, desexos e sentimentos. Polo que implica un tipo de xogo co cal traballamos a súa creatividade. Unha vez que os grupos de traballo remataron os seus repectivos “minimundos”, tiveron que cubrir dúas follas de equipo relacionadas coas Ciencias Sociais e as Matemáticas. Deste xeito abordamos distintos contidos: Lectoescritura, as estacións e meses do ano,Xeometría. |
|
Co obxectivo de traballar a lectura, a creatividade e a expresión oral, @s alumn@s de 1º responderon a este reto durante as vacacións do Nadal: escolleron unha lectura (conto, cómic, receita...) e crearon unha produción orixinal relacionada coa lectura, empregando materiais que tiñan na casa. Mirade o resultado!!!
|
|
Dende a clase de 1º de Primaria levamos a cabo ao longo de todo o curso o noso proxecto “Aprendemos xogando”. Trátase dunha metodoloxía na que integramos contidos de diversas áreas (lingua, matemáticas e ciencias) e á vez implementamos a educación emocional.
|
|
Acción de Gracias é unha celebración que reúne ás familias americanas en agradecemento polos bens recibidos. Kacy , a auxiliar de conversa, explicounos como se vive esta festa no seu país. Nas mesas nunca falta o pavo (turkey) e nós elaboramos unha diadema de pavo.
Alumn@s de 2º
|
|