Cando rematou o mes de novembro, marcamos no noso calendario o día que remtaban as clases e cando ía ser o día de Nadal, así podemos ir contando os días que faltan ata chegar ata esa data.

 

Decoramos os corredores con bolas xigantes, xunto ós demáis compañeiros e compañeiras do colexio.

 

Traballamos por parella facendo unha bola entre os dous colaborando.

 

Así quedaron penduradas no corredor do colexio.

 

Tamen fixemos unhas árbores de Nadal...

 

Que ata tiñan neve, usamos un cepillo de dentes para pintalos así.

 

E claro, tamén lle puxemos unha cinta ó rededor, cortándoa cunha tesoira.

Uns últimos retoques...

 

Así de bonitos nos quedaron, agora só había que levalos para casa.

 

Tamén participamos na recollida solidaria de comida.

 

E fixemos a nosa árbore de nadal xigante, para decorar entre as dúas aulas.

 

Toda chea de papel de xornais para facela "moi gorda",  como estaban tamen os compañeiros da outra clase acabamos de seguido todos xuntos.

 

E con follas de aironfix e celofán de cor verde, como as follas dos piñeiros.

 

Puxémolo no corredor, agora só faltaba traer cada quen un adorno da súa casa.

 

Para lembrarnos escribimos unha nota pedíndollo ós nosos pais/nais.

 

Pouco o a pouco fomos enchendo a árbore cos adornos que fomos traendo da casa.

 

Ata que nos quedou así de bonito.

 

Os compañeiros e compañeiras da outra clase fixeran un Papa Noel xigante, e nos invitaron a poñer os nosos regalos na súa bolsa.

 

Tamén ensaiamos a nosa actuación para o Festival de Nadal, para ensinarlla a todos o último día antes das vacacións.

Ademáis os nosos compañeiros e compañeiras de de 5º curso, van a ser or encargados de "tocar a música" da nosa actuación. Por iso tivemos tamén que ensaiar todos xuntos.

 

E preparamos os nosos difraces para que "parecese unha entrevista de verdade".

Así fixeron o seu disfraz os expertos en temas relacionados con "Papa Noel".

 

Así o fixeron os periodistas, que farán as preguntas, estaban preparando as súas cámaras de fotos.

 

E así o fixeron os duendes axudantes de Papa Noel.

 

Tiñamos que mirarnos no espello para comprobar se estaba ben feito.

 

 

Tamén tivemos que preparar unha mesa para os "axudantes".

 

 

E así de ben o fixemos durante o Festival.

 

 

Esta é a canción que cantamos no festival:

Onde traballa Papa Noel, onde traballa

Iso é o que eu quero saber, onde traballa

a ver se ti me podes responder, a ver.

 

Di quen axuda a Papa Noel, quen o axuda

Iso é o que eu quero saber, que o  axuda

a ver se ti me podes responder, a ver.

 

Como sabe quen se portou ben, como o sabe

Iso é o que eu quero saber, como o sabe

a ver se ti me podes responder, a ver.

 

Como acerta Papa Noel, como acerta

Iso é o que eu quero saber, como acerta

a ver se ti me podes responder, a ver.

 

Como se mete Papa Noel, como se mete

Iso é o que eu quero saber, como se mete

a ver se ti me podes responder, a ver.

 

O último día de clase fixemos unha festa na aula, pero o día anterior tivemos que escribir unha lista das cousas que iamos necesitar para poder facela.

 

Todas estas...

 

E así de ben o pasamos na festa

 

 

 

 

Lembrades que fixeramos unha seta xigante polo outono?, cando a estabamos a facer  xurdiron varias preguntas sobre as setas, ademáis alguén escoitara na tele que un home estaba no hospital por comer unha seta.

 

Decidimos comezar unha investigación a ver se descubríamos cousas sobre as setas. 

O primeiro foi dicir que cousas sabiamos das setas, en moitas delas tivemos que discutir e poñernos de acordo e noutras as ideas estaban enfrontadas. O mellor era investigar para saber quen tiña razón.

 

Como eran moitas cousas, pensamos que o mellor era decidir unhas poucas preguntas para investigar, aquelas que nos parecían máis importantes. O final quedámonos con estas:

 

Coas nosas preguntas xa preparadas chegou o momento de pensar ¿onde podiamos buscar as respostas?. Xurdiron moitas ideas, pero finalmente decidímonos por estas "fontes de información".

 

Ademáis escribimos unha nota para as nosas casas, pedindo ós nosos pais e nais se tiñan información sobre as setas, e no la podían deixar.

Preparamos o noso recanto de investigar, como vedes aínda non tiña ningunha información, agás a noticia do home hospitalizado por comer setas que atopamos tamén nun xornal. A medida que fora chegando a información poderiamola ir poñendo no recanto, e consultala cando quixeramos.

 

Nuns días xa tiñamos unha cheda de cousas: fotos, libros, debuxos...

 

Eran todos moi interesantes, e cando alguén traía una nova "información", contáballe ós demáis como a conseguira.

 

 

Tamén xuntamos unha chea de libros sobre as setas.

 

INVESTIGAMOS:

Como tiñamos catro preguntas, tivemos que pensar por cal empezar primeiro e como facer para atopar as respostas a cada pregunta.

Despois de falar un anaco sobre o tema, alguén lembrou que cando investigaramos  "os paxaros" o curso pasado, nos orgainzaramos por grupos e atopamos tódalas respostas.

Así pois decidimos organizarnos en grupos e puxémonos mans á obra:

 

De que cores son?

Un grupo investigou de que cores podían ser as setas, algúns buscaron en fotografías:

 

Outros nos libros que xuntaramos:

 

E outro equipo buscou a palabra SETAS, no ordenador, e apareceron moitísimas fotos con setas de moitas cores:

 

Cada grupo tiña unha folla con setas debuxadas, que podía ir pintando das cores que fora descubrindo, ó final xuntaríamos as cores descubertas por cada equipo.

 

Cando todos remataron de buscar, recortámo-las setas que pintaramos das cores "descubertas" e fómolas pegando no noso mural:

E debaixo de cada cor, unha fotografía da seta que descubriramos con esas cores.

 

Escribímoslle o nome enriba de cada cor, para que ninguén se confundise.

 

Todas estas foron as cores, e os tipos de seas qeu descubrimos... Eran unha chea delas!, atopamos 11 cores distintos de setas.

 

Como nos divertiu tanto buscar as cores das setas, e había tantas e tan diferentes todas, pensamos que sería interesante facer unha seta de plastilina para levar para casa.

Anotamos nunha folla o noso nombre debaixo da seta que queriamos facer, segundo a cor que máis nos gustase.

 

Así todo o mundo sabería que seta estaba a facer e de que cor tiña que ser.

 

Despois de moito practicar por fin demos feito as nosas setas.

 

Pintámolas con Alkil para que endureceran e non romperan.

 

Deixámolas a secar, e ó día seguinte levámolas para as nosas casas.

 

 

Cales se poden comer?

Un día Martín trouxo da súa casa unha chea de setas, foi moi divertido tentar adiviñar como se chamaban buscándoas nos libros que tiñamos.

Ademáis comprobamos que eran das cores que xa descubriramos.

 

Pero seguiamos sen saber, cales delas se poderían comer ou non, polo que acordamos non tocalas e lavar ben as máns o o faciamos "sen darnos conta".

 

Para descubrilo fixemos un equipo que se encargou de buscar nos libros como "saber cales se comen ou non", e descubriron que había uns debuxos cuns garfos que ás veces estaban tachados.

Seguro que os tachados significaban as que non se podían comer.

 

Como o resto dos compañeiros estaba a investigar onde nacían as setas (que era outra pregunta) puxémolo no mural para contarllo cando remataramos.

 

Para que ninguén se confundise, enriba dos garfos escribimos que siginificaban (SÍ se poden comer, ou NON se poden comer)

 

Pegamos algunhas setas e debuxamos outras das que atopamos nos libros, e acordamos que o mellor sería sempre mirar no libro para saber se unha seta se podía comer ou non, porque ademáis algunhas estaban "repetidas" e eran moi parecidas.

 

Onde nacen?

Mentras un equipo estaba a investigar cales se comían ou non, outros adicáronse a buscar no ordenador onde poden nacer as setas, que era outra das preguntas que tiñamos que respostar.

Escribindo "SETAS" apareceron unha chea delas, agora so faltaba ir observándoas con coidado e descubrir onde nacera, Anxo encargouse de ir anotando os sitios que ia descubrindo o grupo.

 

Descubrimos que podían nacer na auga, nas árbores, na selva, no monte, nas piñas e ata na praia (e iso que todos pensabamos que non podían nacer alí)

Así o puxemos no noso mural, cunha foto e o nome do sitio onde nacera a seta. 

 

Cando nacen?

Tan só nos quedaba unha pregunta por respostar, esta iamola investigar todos xuntos. 

Menos mal que o profe atopou algúns vídeos onde dicían cousas das setas, tivemos que estar moi atentos para escoitar que nacían cando chove, e caen as follas (así que acordamos que tiña que ser no outono) e tamén na primavera.

Seguro que tiñan razón, porque Martín trouxera as súas setas xusto cando no patio caeran as follas.

Ademáis tamén descubrimos como era a seta máis grande do mundo, parecía un balón de fútbol do grande que era.

 

Entre todos anotamos no noso mural o que tiña que suceder para que naceran setas, cada un dos equipos se encargou de debuxar e escribir ben a choiva, o outono ou a primavera.

 

Así quedou o mural:

En cada unha das preguntas fómoslle escribindo "SI" a medida que iamos investigándoas e atopando a resposta.

E así quedou o noso mural da investigación rematado, que puxemos no corredor para contarlle a todos e todas os nosos descubrimentos.

 

Facémo-lo noso libro das setas:

Agora que xa atoparamos a resposta ás nosas preguntas, pensamos que deberiamos contalo na casa, pero claro non podiamos levar o mural.

Decidimos facer un "libro das setas" onde contariamos todo o que descubrimos na nosa investigación.

Fixemos unha folla coas cores que descubriramos:

 

Sempre podiamos consultar o mural cando tiñamos algunha dúbida.

 

Noutra folla debuxamos e escribimos, onde e cando nacen as setas.

 

Fixemos unha folla coas que se poden ou non comer, e sempre podiamos voltar a consultar nos libros, porque agora xa sabiamos distinguilas.

 

Queres ver o noso libro das setas?, este é un exemplo de como quedou.

 

Coñecementos previos, plantexamento de preguntas (e hipóteses previas)

 

Fontes de información:

 

Resultado da investigación (asimilación do aprendido e reorganización dos esquemas cognitivos previos como resultado da nova información e do proceso de aprendizaxe por descubrimento. )

De que cor poden ser?

 

Cales se poden ou non comer?

 

Onde nacen as setas?

 

Cando nacen as setas?

 

Podedes ver o noso mural coa investigación no corredor do colexio.

Este curso comezamos a levar para casa, cada fin de semana, a nosa axenda escolar, nela imos anotando o que pasa cada día no colexio e así poder comentalo cos nosos pais/nais.

 

Temos unha caixa chea de "pegatinas" dos diferentes xogos e recantos que temos na aula. O primeiro foi recortar moitísimos e ordenalos nunha caixa. Para logo poder usalos.

 

En cada folla da axenda marcamos en cada un dos días da axenda os seguintes elementos:

• Síntome: (ledo ou triste)
• O tempo que fixo ese día (choiva, sol, nubes...)
• Na merenda: anotamos cada día o que traemos de merenda, a ver se somos capaces de colorear tódolos debuxos, ademáis podemos debuxar aquelas cousas que non saen.

 

Na parte posterior de cada páxina pegamos os xogos, recantos ou actividades que temos cada un dos días.

 

Temos unha chea de iconos para pegar segundo o caso (ordenador, xogo simbólico, construccións, puzles, libros, pavillón...). Cada quen ten que escoller o que corresponde.

 

Por último na parte inferior o mestre pode deixar os seus comentarios para as familias, e as familiar facer tamén os seus.

Levámola cada fin de semana para as nosa casas. Temos que lembrarnos de traela de volta cada luns, senón non podemos facela ese día.

 

Nota: a axenda estamos a empregar e que pode descargarse da web www.recursoseducativos.net

Cando chegamos pola mañá, atopámonos no corredor cunha mesa que tiña enriba unha caixa, e alí tamén estaban os pais/nais dalgúns compañeiros/as.

Decidimos ir a "investigar" para que serviría e porque tiñan que estar alí algúns pais/nais "vixiando".

Dentro da caixa había algúns papeis que meteran outros pais e nais.

 

Cada que comentou a súa idea de "para que serviría aquela caixa con aqueles papeis", ata que un compañeiro comentou que era una "votación" e que os pais estaban alí para vixiar que cada un metese "un só papel" na caixa.

Ademais atopamos unha lista onde algúns nomes estaban tachados, seguro que os xa meteron o seu voto.

 

Descubirmos ó final que se trataba dunha votación entre os pais/nais para o "Consello escolar", e que podían votar os pais/nais de tódolos nenos/as do colexio.

Xa na clase pensamos que estaría ben facer a nosa votación na clase, así que todos xuntos (as dúas aulas) dedicimos votar para escoller quen nos gustaba máis das persoaxes de "Dora a exploradora", que todos coñeciamos.

O primeiro foi escoller ós nenos que vixiarían a "mesa de votación", decidimos que foran os encargados de cada unha das aulas.

 

Logo chegou o momento de que cada quen escribira no seu papel quen era o seu personaxe preferido, ademáis como estaban na clase pegado co seu nome foi doado de escribilo.

 

En orden e "vixiados" polos responsables da mesa electoral fomos deixando o  noso voto en segredo.

 

Cando xa votaron todos, e como non nos ía dar tempo a "contar os votos" e ver quen gañou, puxemos un cartel na caixa avisando que non se podía abrir, ata que estiveramos todos listos.

 

Antes de contar os votos, preparamos o panel onde iamos ir anotando os resultados, algúns escribimos os nomes dos candidatos.

 

Mentras os demais buscamos no ordenador "fotos" de cada un deles para pegarllo ó lado do seu nome.

 

Co taboleiro preparado, chegou o momento de recontar os votos,os dous "membros da mesa de votación", foron os encargados, un deles lía os votos e o outro poñíalle un gomet por cada un dos votos.

Se algún voto non podía ser lido, porque non se entendía, poñíamoslle o gomet en "voto nulo".

 

Cando rematamos, contamos os gomets de cada un e escribímoslle o número ó lado de cada un. Finalmente o gañador foi "BOTAS".

 

Xa coa votación rematada, fixemos a nosa "folla de escrutinio" persoal, poñendo o mesmo número de gomets na súa folla.

 

As veces había que ir a comprobar no taboleiro se os tiñamos todos ben postos nas follas de cada un.

 

Así quedou a folla de votacións cando rematamos. 

 

 

 

 

 

Cando comezamos o mes de novembro marcamos no calendario o día tería lugar a festa do Magosto no colexio, sería o día 16. Deste xeito cada día o encargado podería ir contando cantos días faltaban para que chegase o día da festa.

 

Fixemos uns cestos para meter as castañas asadas, para elo empregamos unha plantilla que fomos repasando en  cartolinas.

 

Logo decorámolos con gomets e con debuxos de castañas.

 

E puxémolles o noso nome e o nome da festa: MAGOSTO.

 

Para coñecer como era a festa do Magosto, o profe esinounos o conto do Bolechas pero proxectado na parede... era un conto xigante.

 

Como nos gustou moito, quixemos facer un pequeno resumo do conto para levar para casa. Cunhas fotocopias do debuxo dos contos montamos o noso libro.

 

Había que recortalas e pegalas na orde correcta, a mesma que aparecía no conto.

 

Cos nosos pequenos libros xa rematados, comparámolos co libro de verdade e descubrimos que ós nosos lle faltaban as "letras" onde contaban a historia.

 

Así que entre todos escribimos no encerado o texto de cada unha das páxinas.

Que logo escribimos en cada unha das páxinas do noso conto, pero había que ter coidado de non equivocarse de páxina.

 

Poucos días antes do día que tiñamos marcado no calendario, levamos para casa unha nota para lembrarnos de traer castañas.

Como dicía no conto do Bolechas, o primeiro era cortalles un cacho para que non "estoupen", así que nos tivemos que separar as que viñan cortadas das que estaban enteiras.

 

Entre todos démolas organizadas en pouco tempo.

 

Algunhas estaban complicadas de descubrir, porque tiñan un corte moi pequeniño.

 

Estas foron tódalas castañas que xuntamos entre a nosa clase e os compañeiros e compañeiras da do lado.

 

 

CHEGOU DO DÍA DA FESTA DO MAGOSTO.

Por fin chegou o día da festa, o encargado tachouno no calendario e contóunolo ós demais.

 

Pouco despois, viñeron a buscar as nosas castañas nun cesto enorme, que tivemos que encher entre todos e todas.

Iban a levalas á asar, tal como poñía no conto dos Bolechas, menos mal que estaban todas cortadas e listas.

 

Mentras esperabamos a que se asasen, e antes de ir a participar nos xogos que había no pavillón, ordenámos a aula para poder logro facer a festa, xa que tamén ían vir os compañeiros e compañeiras da escola de Cerdeiras.

 

Chegou o momento de participar, xunto cos compañeiros e compañeiras de todo o centro nos Xogos do Magosto.

Cada clase tiña que ir pasando por cada un dos 8 xogos que había, e se se superaba gañabamos una medalla con forma de castaña, que nos daba o responsable do xogo, un compañeiro ou compañeira de sexto, que tamén nos ía explicando cada xogo.

O primeiro que nos tocou foi o xogo dos PUZZLES, que eran do conto dos Bolechas que xa vos comentamos.

 

Logo pasamos ó xogo de BUSCAR CASTAÑAS NA AREA.

 

Algunhas estaban moi escondidas.

 

Máis tarde participamos no xogo de RECOLLEITAR, había que coller as castañas que estaban nos castiñeiros e levalas á carretilla. Entre todos deixamos os castiñeiros sen ningunha castaña.

 

Cada quen tiña que esperar a que chegaran os dou "recolleitadores" para poder saír.

 

Despois de recolleitar "démoslle de COMER o xabarín e o coello", encestando as castañas nas súas bocas. Non era nada doado de facer.

 

Tamén fixemos de REPARTIDORES DE CASTAÑAS, recorrendo un circuito montados nunhas motos de xoguete, levando as castañas ata o seu sitio.

 

ENCESTAR CASTAÑAS, para poder cociñalas tampouco foi moi doado, pero entre todos démolo feito.

 

Ó final fomos quen de encestar unha chea delas.

 

Na CARREIRA DE CASTAÑAS, o complicado era que a nosa castaña chegase ó final do recorrido sen que saise do camiño.

Ó final conseguimos tódalas medallas de castaña.

 

Cando rematamos os xogos, as castañas xa estaban asadas e fomos enchendo os nosos cestos con elas, para poder comelas.

 

Alí estaban tamén, ademais dos compañeiros e compañeiras da clase do lado, os da escola de Cerdeiras, e entre eles estaba ASHLEY que estivo na nosa clase ata fai unhas semanas e que agora está no outro cole.

Pásamolo moi ben.

 

 

 

 

 

 

 

 

 

 

A semana anterior á festa do Samaín no colexio, estivemos traballando sobre o tema.

Fixemos morcegos, bruxas, arañas e pantasmas para pendurar no corredor.

 

 

Xuntámolas todas para poder logo penduralas, fichemos unha chea delas. 

 

Para participar na festa do Samaín, xuntos cos compañeiros e compañeiras da outra aula preparamos o conto "Corre corre cabaciña", empregando un papel xigante, que iriamos despregando pouco a pouco.

  

 

Cada quen fixo a súa parte do conto

 

E tiñamos que organizarnos para traballar xuntos colaborando.

 

Así de longo nos quedou cando xa o tiñamos rematado.

 

Tamén fixemos cabazas de samaín, que daban moito medo, entre as dúas aulas fixemos cadansúa cabaza.

 

Que tamén decoramos.

 

 

Algúns particiamos no concurso de cabazas xunto a tódolos compañeiros e compañeiras do colexio, traendo as cabazas decoradas das nosas casas.

Estas son as da nosa aula.

 

Cando chegou o día da festa do SAMAÍN, difrazámonos para dar "moito medo" ós compañeiros e compañeiras.

 

Pintámonos a cara con maquillaxes monstruosas que sabía facer a profe Ángela.

 

E viñeron a asustarnos os nenos e nenas de outros cursos difrazados.

 

Participamos na votación da "mellor cabaza do colexio", e por grupos visitamos a exposición, onde tamén estaban as nosas cabazas para escoller a que máis nos gustaba.

 

Escribir o seu número nun papel e deixar o noso voto na caixa, que estaba ó lando dunhas teas de araña moi asquerosas.

 

Asi quedaban tódalas cabazas da exposición encendidas... daban moitísimo medo.

 

Para rematar contámoslle ós compañeiros e compañeiras do colexio o noso conto, que puco a pouco ía a aparendo cando se tiraba del. 

 

Tamén asistimos ás actuacións dos demais compañeiros e compañeiras do colexio e para rematar, cando dixeron os gañadores e gañadoras da votación, resultou que a máis votada de Educación Infantil foi a do noso compañeiro ÁNGEL. 

Cando chegou o outono, xa que así o tiñamos marcado no calendario da clase, estivemos falando das cousas que sucedían nesta estación, moitas delas xa as falaramos o ano pasado.

Lembramos que caían as follas, que os paxaros emigraban (así o investigaramos o curso pasado)... Cando llo contamos ós novos compañeiros/as, pesamos que o mellor era ensinarlles as árbores do ano pasado e ver se ca había follas no chan. 

Cando chegamos ó patio descubrimos que o chan estaba todo cheo delas. 

 

Entre todos recollimos moitas follas, verdes e de cor marrón, ata que enchimos a bolsa. 

 

Antes de marchar "despedímonos das ábores" cunha aperta. Voltaremos cada pouco para ver que árbores se quedan sen ningunha folla e cales se quedan con elas.

  

 

Xa na clase empregamos as follas para voltar a "vestir" a nosa ábore, coas follas verdes na parte superior e a as marróns na parte de abaixo. 

 

 

 

FROITOS DO OUTONO XIGANTES:

Coa chegada do outono decoramos o corredor con froitos do outono XIGANTES.

Os compañeiros/as da outra aula farían castañas,  nos unha seta enorme, e entre ambas aulas unhas uvas. 

O primero de todo foi ter unha silueta da seta en papel. 

 

Para pintala, como non nos poñíamos dacordo en que cores empregar, decidimos buscar en internet a imaxe dunha seta para ver que cores tiñan. De tódalas que había a que maís nos gustou foi esta.  

 

Despois de buscar as setas, chamounos a atención os diferentes tipos que habían e xurdiron moitas preguntas: poden comerse? cales? que cores teñen?... decidimos iniciar unha investigación (Proxecto de traballo) do que xa vos falaremos outro día.

Agora xa sabíamos que cores empregar, pero decidimos deixar a imaxe no ordenador para poder vela cando se nos esquecesen.

Puxémonos mans á obra, tiñamos que pintar de cor vermella pero tendo coidado de non pintar os círculos brancos, como os que atopamos na imaxe.

 

Pintamos entre todos as dúas partes da seta. 

 

 

Cando rematamos, lavámo-los pinceis para poder usalos noutra ocasión. 

  

Cando rematamos deixámolas a secar, ata o que votaramos o día seguinte.   

 

Cando chegamos, ó seguinte día, descubrimos que algúns dos círculos brancos foran pintados "por descoido", así que buscamos unha solución. 

Debuxamos, con axuda dun círculo de madeira, algúns do mesmo tamaño que os da seta. 

 

 

Recortámolos... 

 

E os pegamos nas setas, nos lugares que foran pintados por erro.

 

Chegou logo, xa coas setas rematadas, o momento de converlilas nunha seta xigante. Para elo fixemos bolas enormes de papel de xornal.  

 

E con moito coidado fómolas metendo dentro da seta para facela "engordar". 

 

Así de XIGANTE quedou a nosa seta, que colgamos do teito no corredor, era tan grande que casi era da mesma altura do encargado.

 

 

Xa coa seta feita tamén fixemos, outro día, a nosa parte do racimo de uvas xigante, que construimos xunto os compañeiros e compañeiras da outra aula. 

 

Así quedaron penduradas no corredor do colexio.

 

 

Na nosa aula xa tiñamos unhas normas que fixeramos o curso pasado, pero como estaban moi vellas e ademáis, temos novos compañeiros, decidimos voltar a facelas de novo.

Primeiro, entre todos e todas, decidimos "que cousas SI se poden facer na escola e cales NON". Todos xuntos as escribimos no encerado na columna que lle correspondía en cada caso. 

 

Logo, cada un foi facendo de "fotógrafo" e tomou fotografías das normas que escribiramos, os demáis compañeiros/as foron facendo de "actores" e representando as diferentes normas. 

 

Cando xa estaban feitas tódalas fotos, e cando todos foron fotógrafos e "actores", metímolas no ordenador e imprimímolas.

 

Unha a unha ían saindo pola impresora.

 

Ó final conseguimos xuntar todas estas fotografías... eran unha chea delas.

 

Para organizalas decidimos pegar en follas verdes as cousas que si se podían facer, e en follas vermellas aquelas que acordamos non se poden facer na aula.

 

Para que non se nos esqueza, debaixo de cada foto fomos escribindo a norma á que se refería a imaxe. Como xa as escribiramos entre todos no encerado tan só tivemos que ir buscando onde estaba a que lle tocaba á nosa foto.

 

Así quedaron as normas das cousas que NON se poden facer...

 

E así as de aquelas cousas que SI podemos facer. 

 

Agora podemos consultalas cando queiramos, e ademáis poderemos engadir novas normas segundo vaian "facendo falta".

 

Como nos gustaron tanto, pensamos que estaría ben levar as mesmas normas para a nosa casa, de modo que as familas tamén puidesen coñecelas.

Para iso collimos un folio vermello e outro verde, e neles voltamos a pegar as fotos das normas, esta vez máis pequeniñas. 

 

Cando o teñamos rematado ímolas levar para casa.

 

Por fin temos un parque de xogos novo, que xa podemos empregar nos recreos, para que todos e todas coñecesen tódalas cousas ás que se pode xogar nel, decidimos facer un mural para penduralo no corredor.

 

 

O primeiro foi debuxar "o chan do patio" nun "papel xigante", despois de falar un pouco sobre o asunto, acordamos que a forma que tiña era de un "rectángulo".

Anxo, que era o encargado ese día, ocupouse de poñerlle a porta pola que entramos ó mesmo.

 

Por parellas fomos pegando as fotografías dos "columpios" e xogos que hai no patio novo, escribíndolle debaixo como se chamaban.

 

Sabes que hai 13 xogos distintos? soubémolo contándoos cando xa estaban todos pegados, e comprobamos que no patio había os mesmos.

 

Cando xa tiñamos pegadas tódalas fotos dos xogos, había que marcar a reixa que ten ó redor, como é de cor verde pensamos en "debuxala" con gomets de cor verde.

 

Con tódalas fotos xa pegadas, un compañeiro tivo a idea de pintalo. Tras discutir un ratiño acordamos pintalo das mesmas cores que tiña o patio de verdade.

O chan era de cor vermello:

 

E por fora do patio nas zonas de herba pintámolo de cor verde, na zona de cemento de cor gris e na zona da carretera de cor negra.

Só quedaban por facer os últimos retoques.

 

POÑÉMOSLLE UN TÍTULO: 

Agora só faltaba poñerlle un título "PARQUE NOVO", pero cando xa tiñamos as letras listas caéronos todas ó chan se mesturaron as unhas coas outras.

 Vaia desfeita!

 

Primeiro observabmos que eran letras de dúas cores, unha verdes e outras negras, e agrupámolas segundo a súa cor, xa que eran dúas palabras.

 

 

Logo entre todos fomos ordenándoas e pegándoas no mural. 

 

Por fin tiñamos listo o título do mural!

 

 ONDE O PEGAMOS?

Co mural xa rematado chegou o momento de buscarlle un sitio no corredor onde todos puideran velo, cada quen suxeriu un sitio.

 

Ó final atopamos un sitio que nos parecía o mellor, pero alí xa había un mural do ano pasado, feito polos nenos e nenas da clase do lado...

 

Acordamos ir a preguntarlles, ós nenos/as é a profe Ángela, se o podiamos quitar, e por suposto que nos deixou.

 

Así pois, quitámo-lo mural vello:

 

Levamos o noso mural entre todo ata o corredor...

 

Na porta tivemos que organizarnos para facelo pasar sen rompelo.

 

 

E por fin puidemos pegalo no seu sitio.

 

 

 Comezamos un novo curso na aula de Educación Infantil 2, con tres novos compañeiros.

Esta é a nosa foto de presentación, para que poidas coñecernos: 

 

 

Nos primeiros días de clases aproveitamos para adaptarnos ó novo horario e para coñecer ós novos compañeiros, invitándoos a participar nos nosos xogos.

 

Xogamos coa plastilina ensinándolles "trucos" ós máis pequenos.

 

Xogando todos xuntos...

 

 

Tamén fixemos as novas bandexas para merendar.

 

Menos mal que lles puxemos o nome por detrás, porque senón non poderiamos saber de quen era cada unha. 

 

Preparamos a nova foto do grupo para poñer na porta da aula, onde cada un escribiu o seu nome.

 

E tamén levamos unha foto "máis pequena", para que na casa tamén puidesen coñecer os nosos compañeiros.

 

Como ó final do curso pasado recolleramos todo, agora tocaba ordenar cada tarxeta no seu sitio, as dos números foron as que nos deron máis traballo, pero entre todos démolo feito.

 

Tamén pegamos o novo "castelo" para marcar o encargado, xa que faltaban os novos compañeiros no que había antes. 

 

Así deixamos a nosa zona de rexistros...

 

Tamén escribimos unha nota para que na casa soubesen os días que iamos ó PAVILLÓN, para lembraros de traer o CHANDAL.

Xa vos iremos contando máis cousas...