Este mes experimentamos coa agua e o aire, usando un guante que "cobra vida".

Como sempre plantexamos hipóteses do que poderíamos facer con todo o material presentado. Tamén fomos comentando que pasos seguiría cada quen e que sucedería o final?

Descubrimos, con axuda da profe MARTA, que cando metías o guante na botella, e este dentro da auga, o guante "parecía estar vivo" porque se hinchaba. Como era iso posible?.

Plantexamos diferentes hipóteses, e chegamos á conclusión de que había aire na botella, que "a auga empuxaba cara arriba" hinchando o globo.

Cada un dos equipos cooperativos deu repetido os pasos do experimento, acordando como o farían, repartíndose as funcións e reponsabilidades, para o que chegaron a acordos de xeito que todos e todas participasen no proceso.

Rematado o traballo, cada equipo levou a cabo a súa auto-avaliación figuro-analóxica. Como foi o seu traballo en enquipo?

Feito o experimento, como nesta ocasión a nosa aula era a reponsable de contar o experimento en vídeo; o equipo PATRULLA CANINA púxose mans á obra para preparalo todo. Acordaron de forma dialogada, quen sería o responsable de contar cada un dos pasos do mesmo, como o farían e como o contarían.

Despois de varios "planos" e intentos, demos creado o noso vídeo do experimento.

Velaquí tes o vídeo xa rematado contando os pasos do experimento. Atréveste a facelo na túa casa?

Agora tan só nos restaba anotar os resultados e o proceso, no noso caderno de campo individual dos experimentos.

Lembra que podes ver ós vídeos de tódolos experimentos que creamos, dos que facemos na aula desde aquí.

O pasado 19 de maio asistimos, xunto con tódolos compañeiros e compañeiras do colexio, a unha visita ó Parque Arqueolóxico da Arte Rupestre, que está moi preto do noso colexio, en Campo Lameiro.

Días antes fomos anotándonos nunha lista, para saber quen ía asistir ou non. Finalmente todos e todas participamos na visita.

Uns minutos en autobús para poder ir ata o PAAR, que estaba moi preto dalgunha das nosas casas.

Cando chegamos estaba agardándonos ESTHER, quen nos acompañaría durante todo a visita e no obradoiro.

Comezamos descubrindo como pintaban na prehistoria, e como conseguían crear a pintura.

Por equipos demos creado a nosa pintura, como o facían os homes e mulleres da prehistoria.

Coa pintura que creamos, debuxamos as nosas pinturas "prehistóricas" nun enorme papel. 

Debuxamos primeiro con carbonciño e coloreamos os debuxos coa nosa pintura.

Rematado o obraoiro, chegou o momento dunha merecida merenda; seguida dun tempo para xogar e explorar libremente a natureza.

Con ESTHER novamente de volta, visitamos a exposición dentro das instalacións do Parque.

Explicounos, nun petroglifo "de mentira", como os creaban con na prehistoria. Este é o único que se pode tocar en todo parque.

Fomos ata reconstrución dun poboado da prehistoria, e alí puidemos entrar nas súas cabanas, onde había un pel dun xabarín.

Visitamos un dos máis de 100 petroglifos que hai no parque. Tratábase do pretroglifo "do cervo".

Antes de marchar buscamos a saída nun labirinto, coa forma dun dos petroglifos que había no parque.

Despois dunha mañá tan fantástica, chegou o momento de despedirnos de ESTHER, dándolle as grazas por todo o que nos ensinou.

Unha foto de grupo, de todo o colexio, antes de marchar de volta para o colexio.

Xa de volta no colexio, ó día seguinte, levamos a nosas creacións paraccasa.

Podes ver moitas máis fotografías da visita e obradoiro no que participamos os de Infantil, no seguinte álbum da galería fotográfica.

ÁLBUM: Visita e obradoiro no Parque Arqueolóxico da Arte Ruprestre de Campo Lameiro

Hola a todos e todas! Como máis vale tarde que nunca, aquí estamos co noso habitual repaso a todo o que pasou en Infantil 1 no último mes. Xa estamos en abril, e aínda que tivemos un descanso pola Semana Santa no medio, o mes rendiu moito no que se refire as actividades que fixemos no cole!

Como xa vichedes, participamos nun roteiro pola natureza para celebrar o día da actividade física. Pero non foi tan doado como salir do colexio sen saber que atoparíamos polo camiño. Antes de comezar o roteiro, elaboramos o noso propio mapa do traxecto que pensamos seguir, marcando as paradas que queríamos facer e consultando cal era a distancia a recorrer. Non so o pasamos xenial, senón que aprendimos cousas novas acerca da contorna que nos rodea, ademais de rexistrar as distintas árbores que fomos atopando polo camiño.

Tamén elaboramos os boletíns de autoavaliación, onde recordamos todo o que fixemos no segundo trimestre. Un por un, e coa axuda do profe, escribimos e valoramos se nos gustaron ou non as actividades que levamos a cabo ao longo dos últimos meses.

Como xa comentamos cando falamos do roteiro pola natureza; durante o camiño observamos e sacamos fotos das distintas árbores que atopamos. Isto o fixemos porque, preto desa data, celebrouse o día da árbore. Como parte deste día tan importante, aprendimos a identificar as distintas árbores da nosa contorna, reflexionando sobre as súas distintas características.

Outro aspecto no que seguimos avanzando, é no lóxico-matemático. Como cada semana, a profe Zaira trouxonos a clase uns xogos super divertidos para traballar distintos aspectos como a orientación, o espazo, o conteo, a clasificación...

Outra actividade que xa manexamos perfectamente, e podese ver no ben que nos está quedando, é o diccionario. Como xa é habitual, primeiro traballamos no diccionario xigante cos compañeiros de Infantil 2, e logo o facemos pola nosa conta nos pequenos. Estamos a piques de acabar todas as letras, e tamén de levalo a casa para ensinar a de palabras novas que aprendimos este curso.

Unha nova tradición que inauguramos este mes, tamén é a dos xogos de conciencia fonolóxica, silábica e léxica. Deste xeito además de aprender as letras, tamén nos achegamos ao concepto de sílaba e palabra. Aprendendo a contalas, dividilas e por suposto, construir palabras.

En abril tamén tivemos festa, xa que a nosa compañeira Noa cumpliu 5 anos. E como non, para recordar esta data tan importante, fixemos unha camiseta e duas coroas (unha para Noa, e outra para o profe Pablo), coa axuda do profe Karl) para entregarlle como agasallo. Podedes ver máis fotos e videos da celebración aquí.

Pero non todas as actividades son as que traemos planeadas, algunhas delas van surxindo. Aquí temos un exemplo dun xogo que empezou cunha lupa que decidimos ter na aula, e que derivou en sair ao patio a buscar mostrar de herba, terra, follas... e demais elementos da natureza que hai no noso patio. Non so observamos con ela, senón que ademáis compartimos o que vimos, e reflexionamos sobre a importancia de coidar o espazo natural.

Outro tema que nos tivo ocupados, foi elaborar o agasallo do día da nai. Por sorte, este nenos e nenas están feitos uns artistas, e con un pouco de purpurina, auga, un bote, cartulinas e moitas cores; son capaces de facer cousas tan bonitas como o que vedes nas fotos.

E falando de pintura, tamén hai días que decidimos mancharnos de pintura ata as orellas, como foi o caso deste día no que o profe Karl ensinounos a pintar flores cos dedos. Non so tivemos como resultado unhas flores preciosas, que aproveitamos para decorar a aula, senón que ademais traballamos a movilidade das mans e a motricidade durante o proceso.

E por último, pero non menos importantes, continuamos coidando das nosas leitugas. Pero... non todo son alegrías. Tras unha derrota xogando a pedra, papel, tixeira cos compañeiros e compañeiras de Infantil 2; decidimos que a nosa primeira tanda de leitugas fose para as súas casas. Pero non pasa nada, porque xa temos máis leitugas plantadas, e esta vez si que si, tocanos levalas a nós! Xa só nos queda seguir regando e esperar a que estén tan grandes como a próxima vez.

No mes de abril, na nosa aula sucedeu todo isto, que xa vos comentamos en entradas anteriores:

06/05/22: (2021-2022) Xa temos tódalas respostas na nosa investigación sobre os “Cans Salchicha”. Chegamos á metade do camiño 
03/05/22: (2021-2022) Experimentamos co xeo e coa sal. Queres saber o que conseguimos? 
30/04/22: [Infantil xuntos] (2021-2022) Celebramos os aniversarios do mes de Abril 
09/04/22: [Infantil xuntos] (2021-2022) Celebramos o día da actividade física, participando nun roteiro pola natureza

Pero ademais tamén tivo lugar todo isto, que vos contamos de seguido:

O encargado continuou a levar a cabo as súas tarefas diarias, moitas delas dentro do "calendario online".

Ademais de coidar das nosas tartarugas, tamén ten que regar a pranta que nos regalou VALENTINA.

Completamos o BOLETÍN DE AUTOAVALIACIÓN "As novas da escola", antes das vacacións de Semana Santa.

Participamos nunha sesión de Ioga, organizada pola Biblioteca do centro.

Máis información no blog de Outros traballos, celebracións e saídas, na entrada (2021-2022) Benestar emocional: IOGA para todos/as    

Fomos engadindo novas palabras no noso dicionario xigante (e individual), ó longo das semanas, xunto cos compañeiros e compañeiras de Educación Infantil 1.

Continuamos a ser creativos.

Levamos para casa a primeira colleita de leitugas, do noso invernadoiro, que estivemos coidando todo este tempo.

Despois dunha durísima competición, Infantil 2 gañou ó xogo de "pedra, papel, tesoira", e fomos os encargados de levar para casa as leitugas.

Coa leituga que levamos para casa, fixemos unhas riquísimas ensaladas.

Plantamos novas leitutas, que levarán para casa cando medren, os compañeiros e compañeiras de Infantil 1. Coidarémolas todos e todas ata entón.

Lemos libros "xuntos", por parellas. Acordando que único libro ler.

Máis información no blog da biblioteca, na seguinte entrada ( 2021-2022) DÍA DO LIBRO

Participamos nun obradoiro sobre lingua de signos.

Máis información no blog da biblioteca, na seguinte entrada (2021-2022) Participamos nun obradoiro sobre a lingua de signos

Preparamos un agasallo para as nosas nais.

Preparamos tamén o papel de regalo e as notas de "felicitación" para engadirlle.

Xogamos co EDI, como por exemplo co novo xogo de "conciencia léxica, silábica e fónica".

Lembra que podes ver máis polo miudo todo o que sucedeu nestes meses, máis aló do que vos contamos aquí, nas ligazóns que podedes atopar ó comezo desta publicación.

Podes ver os pasos previos desta investigación nas seguintes entradas publicadas neste mesmo blog:

05/11/21: (2021-2022) Comezamos a noso primeiro proxecto de traballo do curso. Imos investigar sobre os “cans salchicha"

08/12/21: (2021-2022) Recibimos información e atopamos a primeira resposta na nosa investigación sobre os cans salchicha

14/03/22: (2021-2022) Continuamos a atopar respostas na nosa investigación sobre os "cans salchicha"

Nas últimas semanas, continuamos coa nosa investigación sobre os "cans salchicha", para atopar tódalas respostas as preguntas que tiñamos plantexadas.

Chegamos así á metade do camiño. Xa só nos queda preparar a exposición e o documental, que nos propuxéramos como producto final deste proxecto de traballo e investigación.

Atopamos a resposta, investigando en diferentes fontes, ás seguintes preguntas:

Por que son tan longos?

Como nacen? 

Con cada pregunta, tivemos que acordar como plasmar a resposta atopada no mural da investigación.

Xa sabemos se poden comprarse ou non.

Descubrimos tamén onde poden vivir.

E ata se teñen amigos, e  como "se fan amigos uns dos outros".

Finalmente, atopamos a resposta á última pregunta que nos quedaba pendente no mural. Poden vestirse?

Fomos completando, ó longo do proceso, na táboa da organización, quenes foron os encargados  de investigar cada pregunta.

Así quedou o noso mural da investigación, xa completo, coa resposta a tódalas preguntas.

A partir de agora, unha vez demos superado o proceso de investigación, réstanos planificar e crear a nosa exposición, así como o documental que queremos rodar. Teremos ata final de curso para facelo e poder presentárvolo.

Tamén completaremos cadanseu dosier individual, para poder contar na casa, todo o que descubrimos e aprendimos sobre os "cans salchichas".

En futuras entradas neste mesmo blog, poderedes estar ó tanto de como levamos todo isto a cabo.

Hola a todos e todas! Como ben sabedes, cada mes en Educación Infantil, gústanos levar a cabo algún que outro experimento que sempre deixanos bastantes sorprendidos e sorprendidas. Este último mes de abril, o plan foi crear unha especie de ioio con lá e xeo... Queredes saber como o fixemos?

Primeiro, fixemos a recopilación do material necesario para levar a cabo o experimento. Os nenos e nenas encargadas de facelo, foron os responsables de grabar despois o experimento: Carlota, Dani e Manu. Nunha cartulina, pegamos as fotos e escribimos tanto do material necesario como o nome do experimento.

A continuación, tivemos que ir a buscar pintura para o experimento. Cada un de nós escolleu a súa cor favorita, aínda que despois, na clase, tamén mezclamos algunhas para dar como resultado novas cores. O seguinte paso, foi encher os nosos recipientes hasta a metade con auga fría.

A continuación, mezclamos as témperas coa agua para quedase unha mestura uniforme. O seguinte paso foi cortar un anaco de lá para cada un, e metelo na auga para humedecelo, que é un paso importante antes de xuntalo co xeo.

Como xa é habitual, Karl axudounos a facer o experimento, que tiña a súa complicación. Como podemos ver nas fotos, vaciamos o xeo nunha bandexa e logo o puxemos na auga. E así chegamos ao último paso de mesturar o xeo coa sal, e no medio a lá. E o resultado foi...

Que a lá quedaba pegada!

Para máis información sobre o proceso, e como levar a cabo este experimento, podedes consultar tamén o video que grabamos coa explicación:

Este mes, nas aulas de Infantil,  experimentamos co sal, la, colorante e o xeo.

O primeiro que fixemos plantexar hipóteses, a través do diálogo reflexivo, do que se podía facer con todo este material.

Moi rápido descubrimos, que o primeiro que precisábamos ter  para este experimento, era xeo. Así que novamente tivemos que descubrir como conseguilo. Chegamos á conclusión de que teríamos que conxelar auga no "conxelador".

Para que quedase "máis interesante", decidimos usar colorante mesturado coa agua nalgúns dos cubiños de xeo que iríamos facer.

Deixaríamolos durante un día no conxelador da sala de mestres e mestras, para que se convertise en xeo.

Xa co xeo "creado" exploramos as súas propiedades e características, verbalizando se estaba frío, suave, a que cheiraba, se eran iguais os que tiñan ou no colorante...

Xuntos e xuntas fixemos experimento: poñendo sal sobre o xeo, cun anaco de la, e novamente engadindo máis sal, conseguimos que...

... se quedase pegado, como se estivese atado.

Xogamos a pasarnos o xeo coa la, para ver canto duraba sen despegarse... a quen se lle caería o xeo? 

Cada un dos equipos cooperativos reproduciu o mesmo experimento, con máis ou menos éxito. Chegando previamente, e durante o proceso, a acodos sobre a cor da la a usar, do cubiño de xeo, así como do papel e funcións que cada un desenvolvería no mesmo.

Rematado o experimento, chegou o momento de anotar as observacións do mesmo en cadanseu caderno de campo. 

O noso caderno de campo ten xa unha chea de experimentos.

Nesta ocasión, os encargados de crear o vídeo do experimento, foron os compañeiros e compañeiras de Infantil 1. Xa podes velo no apartado "Experimentos", tal como indicamos de seguido.

Lembra que podes ver ós vídeos de tódolos experimentos que creamos, dos que facemos na aula desde aquí.

No mes de abril, NOA e NEREA estiveron de aniversario, así como os profes PABLO e ÓSCAR. Ó final do mes celebramos os seus aniversarios, como fixemos cos restantes compañeiros e compañeiras.

Novamente, por mor da COVID-19 non podemos celebralo como nos gustaría (e como facíamos en cursos anteriores), pero aínda así os homenaxeados tiveron o seu momento especial.

Preparamos a súa camiseta de agasallo e a coroa das homenaxeadas en ámbalas dúas aulas:

O día da celebración as homexadas sopraron as candeas coa súa idade.

Podes velo nos seguintes vídeos:

E, por suposto, os profes tamén sopraron as candeas coa súa ídade.

O 6 de abril celebrábase o "Día Mundial da actividade física" e, ademais, nesa mesma semana tería lugar a conmemoración do día a árbore.

Por esa razón participamos nun roteiro pola contorna natural do colexio, no que aproveitaríamos para buscar árbores diferentes, e co o seu nome.

Días antes do roteiro visualizamos o percorrido no mapa interactivo, anticipándonos a todo o veríamos no camiño.

Con esta información creamos o noso propio mapa, para non perdernos polo camiño, no que sinalamos os lugares máis relevantes que teríamos que localizar no roteiro.

Con todo preparado, por fin chegou o día de levar a cabo o roteiro. Todos e todas preparados para saír!

Seguindo as instrucións do mapa fomos percorrendo a ruta...

... e descubrind diferentes árbores polo camiño. 

Incluso unha, preto da Galiña Azul, que non recoñecimos. Como se chamaría?

O roteiro continuou polo monte.

Uns minutos para repoñer forzas coa merenda, tendo coidado de non deixar ningún resto nin lixo na natureza.

Os compañeiros de primeiro e segundo, que percorrían outra ruta, viñan tan rápido que os deixamos pasar entre "aplausos".

Xa de volta no colexio, envíamos un e-mail aos compañeiros e compañeiras da Galiña azul, para preguntarlles como se chamaba a árbore que tiñan no patio, e que non recoñecimos.

Podes ver a participación neste roteiro, de tódolos compañeiros e compañeiras do colexio, na seguinte entrada:

(2021-2022) Ruta de sendeirismo polo día Mundial da Actividade Física

No mes de marzo, na nosa aula sucedeu todo isto, que xa vos comentamos en entradas anteriores:

01/04/22: [Infantil xuntos] (2021-2022) Traballamos con robots neste segundo trimestre 
25/03/22: [Infantil xuntos] (2021-2022) Así celebramos os aniversarios do mes de marzo 
14/03/22: (2021-2022) Continuamos a atopar respostas na nosa investigación sobre os "cans salchicha" 
11/03/22: (2021-2022) Sabes que a vitamina C pode limpar a auga? Descúbreo no noso experimento. Contámoscho en vídeo. 
10/03/22: [Infantil xuntos] (2021-2022) Polo día internacional da muller (8M), descubrimos ás mulleres da nosa vida.

Pero ademais tamén tivo lugar todo isto que vos contamos de seguido:

O encargado continuou a levar a cabo as súas tarefas diarias, moitas delas dentro do "calendario online".

Continuamos a manter o noso composteiro, cos restos de lixo orgánicos.

As nosas leitugas continúan a medrar, gracias ós nosos coidados:

Participamos nun obradoido sobre as "conservas", dentro do programa "Aliméntate ben".

E degustamos o bocadillo de conservas que nos deron. Estaba boísimo!.

Xogamos a desenvolver os nosos pilares de pensamento, "xogando a pensar" a través dos diálogos. Usamos para elo vídeos, imaxes ocultas...

Continuamos a levar libros da biblioteca de aula, os venres, para as nosas casas. Rexistrámolos na aplicación online, para poder imprimiar a portada, e así pegala no rexistro individual en papel.

Novas palabras fóronse sumando ó noso dicionario xigante.

Descubrimos a un equipo de piragüistas, que viñeron a visitarnos. 

Participamos nun obradoiro de lingua de signos.

Coñecimos a un can guía, grazas a visita que nos fixeron os traballadores da ONCE.

Preparamos un regalo para os nosos pais.

Lembra que podes ver máis polo miudo todo o que sucedeu nestes meses, máis aló do que vos contamos aquí, nas ligazóns que podedes atopar ó comezo desta publicación.