Coa chegada do mes de decembro, xa estaba preto o Nadal, Así que en Educación Infantil, puxémonos mans á obra porque tiñamos moito que facer:      

Creamos a nosa árbore xigante de Nadal, que encheríamos de estrelas que decoramos na casa, e con doces de Nadal aportados por todos e todas.

Co paso dos días fomos decorándoo, coas estrelas e os doces de Nadal que fomos traendo das nosas casas.

Unha vez rematado quedou así de fantástico e "delicioso".

Creamos uns adornos xigantes de Nadal para pendurar no corredor, pintados e decorados con purpurina.

Nos adornos pegamos as fotografías de cada un dos equipos convertidos en "Papá Noel", con barba e gorro. Podes vernos a todos e todas, de seguido.

Cos adornos pendurados no corredor, xa tiñamos lista a decoración do mesmo, acompañando á arbore chea de doces.

Sen esquecernos de escribir o cartel de benvida, que anunciaba a chegada do Nadal, para que puideran lelo cando viñeran as nosas familias a ver o festival.   

Decoramos unhas bolas brancas, para engadir na decoración do Concello de Campo Lameiro.

Creamos a una "postal reno", que enviaríamos ás nosas casas por correo.. a ver cando as recibimos?

Nelas escribimos unha mensaxe de Nadal para as nosas familias. 

Tivemos que metela nun sobre, pegar un selo e indicar o noso enderezo e remitente, para que o carteiro ou carteira puidese levala ás nosas casas.

Con todo listo, chegou o momento de ir a metela no buzón de correos e, de paso, ver a decoración de Nadal que había polo camiño.

Recibimos a visita de "Papa Noel", que nos regalou unha bolsa de caramelos a cada un, ademais de falar con cada un.

Planificamos, preparamos, ensiamos e participamos no Festival de Nadal con dúas actuacións.

Representaríamos unha obra de teatro (6º de infantil) e faríamos un baile (4º e 5º de infantil).

Para a obra, baseada no conto "A min non me comas", creamos un monstruo xigante, elixindo as cores que queríamos que tivese.

Despois de varios días de ensaios, xa estabamos listos para o gran día do Festival, tanto para os nosos compañeiros (o mércores), como para as nosas familias (o xoves)  

Asistimos tamén ás actuacións dos compañeiros e compañeiras de todo o colexio, justo despois da nosa.

Así podes ver a nosa actuación no Festival de Nadal diante das nosas familias. Que che parece?

Lembra que podes ver tódalas actuacións do Festival, na que están as de todos os compañeiros e compañeiras do colexio, na seguinte ligazón:

(2022-2023) Festival de Nadal 2023 [vídeo completo]

Antes de marchar de vacacións de Nadal, despois das actuacións para as familias, chegou o momento de "comer os doces" que estaban na nosa árbore... estaban boísimos.

Podes ver tódalas fotogafías, moitas non publicadas aquí, no seguinte álbum da galería fotográfica:

ÁLBUM: (2022-2023) Chega o Nadal, decoramos os corredores e participamos cunha actuación no festival... e motio máis.  

No mes de decembro, antes de rematar o ano, cumprían anos as nosas compañeiras NOA e NORA. Coa axuda de todos e ían  preparar unha tarta para convidar a todos e todas nunha fantástica festa.

Os compañeiros e compañeiras das súas aulas, preparáronlle candansúa camiseta de agasalo. Quedaron fantásticas.

Tamén decoraron a súa coroa de aniversario.

Os homenaxeados escolleron do libro de receitas a súa tarta favorita e, cos ingredientes que trouxeron, un día antes da celebración, prepararon a tarta seguindo os pasos da receita elixida. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lles cantábamos o "cumpleanos feliz" e o "parabéns para ti"

E por fin chegou o momento de que as homenaxeadas repartiran a tarta entre os seu convidados e convidadas.  

E por fin puidemos comer os doces de Nadal que trouxeramos da casa para pendurar da nosa árnore, tal como podes ver na entrada publicada ao respecto, á que podes acceder de seguido:

(2022-2023) Chega o Nadal: decoramos o corredor, participamos no Festival e... moito máis. Querse vernos?

Din que mellor tarde que nunca, así que en EI1 xa estamos de volta coas nosas entradas (tardías) ao blog do cole. Nesta ocasión, centrámonos en algunhas das actividades que levamos a cabo durante o mes de novembro.

Os que xa léchedes entradas do blog algunha vez, xa saberedes que nos encanta xogar con plasti. Xa que non so é divertido, senón que ademais permítenos traballar habilidades motrices fundamentales. Por iso ao longo do mes fixemos de todo: letras, cucarachas, estatuas de nós mesmos, edificios...

Outro clásico son as nosas actividades de calendario. Cada día centrámonos en celebrar un acontecemento distinto, que sempre trae baixo a actividade unha historia, un baile, un xogo, unha actividade... Entre as que máis triunfaron este mes, están o día que construimos o noso propio robot a través dunha aplicación, as láminas de cadros famosos para reimaxinar ao noso xeito, tocamos a guitarra virtual...

No que se refire a lectoescritura, as principais protagonistas deste primer trimestre foron as vogais. A través de xestos, coa nosa letra protagonista, as contrasinais diarias e diferentes momentos nos que escribimos de xeito contextualizado; estamos feitos xa uns profesionais na temática.

Pero se hai algo que fixemos este mes, é vaciar botes, e botes, e máis botes de temperas. Dende pinceis ata froitas, utilizamos todo o que tiñamos a man para pintar. Pero a cousa non quedou ahí, pois tamén fixemos actividades de papiroflexia, decoración para nadal e "gusanos" de papel de cociña. En poucas palabras, en novembro deixamos volar a nosa imaxinación sen límites.

Outra cousa que nos levou un tempo considerable, foi a organización do Magosto. Xa que aínda que moitas (por non decir todas) das cestas que fixemos chegaron medio desmontadas a casa... Levaron un traballiño! Para facelas repartimos o traballo por días e pouco a pouco, decidimos en gran grupo como queriamos decoralas, que cores iamos a usar, como queríamos pegar os nosos paus... Todo para poder recoller un montón de castañas durante a festa do Magosto do cole.

Comentamos xa que a profe Zaira ten os xogos de lóxica-matemática máis chulos do mundo? Pero o mellor e que, cando pensamos que coñeciamos todos, este mes descubremos que todavía ten máis. E como ben pódese ver nas fotos, todos e todas están máis que encantados de probalos.

Por último, tamén fixemos o experimento deste mes, que consistiu en mezclar M&Ms con auga para ver que pasaba. Para os que seguides estas publicacións, xa saberedes que levamos feitos unha chea de experimentos, pero ata o de agora ningún nos tivo tan enganchados como este. Durante un bo rato estivemos observando os platos, vendo o que sucedía, incluso deixamos o chocolate un día enteiro para ver que pasaba.

Cómo sempre, recordade que para máis fotos, podedes consultar a galería fotográfica, onde podedes consultar estas fe moitisimas máis fotografías de todo o que pasa no cole.

Como cada curso, imos investigar en INFANTIL 2 sobre un tema que nos interesa, por fin chegou o momento que todos e todas estabamos agardando... saber sobre que tema iamos a organizar a nosa investigación.

Cunha choiva de ideas fomos propoñendo, e argumentando, diferentes temas, cos que levamos a cabo sucesivas votacións ata quedarnos coas cinco propostas máis votadas.

Decidiríamos o tema eleixido cunha votación democrática, eso si con tódalas garantías "legais". Para o cal creamos unha papeleta coas cinco propostas finalistas.

Cada quen, en segredo, escolleu o seu tema favorito marcándoo na súa papeleta. 

Todo o proceso estivo controlado por GERMÁN, presidente da mesa electoral, posto que era o encargado ese día.

Cada quen foi depositando o seu voto, non sen antes ensinar o seu carnet para ser anotado na lista, de xeito que ninguén puidera facer trampas trampas.

Ata o profe tivo que agardar a súa quenda, e votar presentando o seu carnet.

Rematada a votación chegou o momento do "escrutinio", había que contar os votos recibidos por cada unha das propostas. Fómolos anotando debaixo debaixo da imaxe de cada unha das propostas.

O reconto estaba a punto de rematar... que ía gañando? que tema sería o tema gañador ao final?

Despois de recontar os votos, e verificar que houbese "igual cantidade de votos que papeletas", o tema de "CAMIÓNS E COCHES" resultou ser o elixido.

Preparamos o material preciso para crear o noso mural da investigación, onde iremos plasmando todo o proceso nas vindeiras semanas.

Tan só quedaba poñer o título a investigación, para deixarlo todo listo para comezar.

Nas vindeiras semanas comezaremos a completar este mural cos nosos coñecementos previos, as nosas preguntas, fontes de investigación, producto final.... e sobre todo con tódalas repostas que vaiamos atopando.

Poderedes seguir a evolución desta investigación en entradas sucesivas deste mesmo blog. Permanecede atentos!

Ata entón, podes lembrar algunhas das nosas investigacións de cursos anteriores, nas seguintes ligazóns:

• 03/06/22: (2021-2022) Rematada a investigación... xa podes ver o noso documental sobre os cans salchicha
• 23/06/21: (2020-2021) Rematamos o dosier da investigación sobre os ponis. Queres velo e lembrar todo o que investigamos?
• 06/03/20: (2019-2020) Xa temos a nosa película dos Pokemons rematada. Queres vela?

No mes de outubro, na nosa aula sucedeu todo isto, que xa vos comentamos en entradas anteriores:

25/11/22: [Infantil xuntos] (2022-2023) Celebramos os aniversarios do mes de novembro 
25/11/22: [Infantil xuntos] (2022-2023) Preparamos e participamos na celebración do Magosto 
17/11/22: (2022-2023) - Creamos un arco da vella con auga e M&Ms: descubre como facelo no noso vídeo deste experimento científico 
28/10/22: (2022-2023) Así empregamos a aplicación do calendario, diccionario e bliblioteca online nas nosas rutinas da aula 

Pero ademais tamén tivo lugar todo isto, que vos contamos de seguido:

Participamos na celebración organizada no centro, por mor do 25N "Día internacional para a eliminación da violencia contra as mulleres", facendo unhas bolboretas de papiroflexia.

Continuamos a encher o noso diccionario xigante, coas palabras favoritas de cada semana, usando unha aplicación online que podes atopar no recanto de infantil...

... para poder completar tamén o noso dicionario indivual. 

Xogamos no EDI con diferentes aplicacións online, que podes atopar esta aplicación no recanto de infantil, como por exemplo algunhas para o desenvolvemento da discriminación fonolóxica, silabica e léxica. 

Cada día o encargado continuou a desenvolver as súa funcións: rexistros, calendario online, coidado da nosa tartaruga.... 

Continuamos a anotar os libros que levamos para casa os venres, da biblioteca de aula, usando unha aplicación que podes atopar no recanto de infantil.

Traballamos en equipos cooperativos, levando a cabo a auto-avaliación figuro-analóxica, ao remate do traballo encomendado aos mesmos.

Coa chegada do outono exploramos a natureza, por exemplo, recollendo follas para pendurar na nosa árbore da aula.

Limpamos o acuario da nosa tartaruga "RAYO", cambiándolle a auga para que estivera máis cómoda.

Desenvolvemos as nosas habilidades creativas pintando con témpera para, cambiar periódicamente a exposición que temos na aula.

Reproducindo esquemas...

... ou facendo creacións orixinais libremente.

Xuntos organizamos e participamos en "xogos simbólicos", cada vez máis complexos.

Recibimos novos xoguetes, que tivemos que montar e incorporar á nosa aula. 

Gústanos tamén escoller pegatinas, de cando en vez, antes de marchar para casa.

Nunha próxima entrada, xa vos comentaremos como nos vai co novo proxecto de investigación, que iniciamos nas últimas semanas, e que se desenvolverá ao longo dos vindeiros meses.

No mes de novembro cumpriron anos os nosos compañeiros BRAIS e MARIA, de EI1, polo que eles foron os encargados, coa axuda de todos e todas, de preparar unha tarta para convidar a tódolos compañeiros/as nunha fantástica festa.

Os compañeiros e compañeiras da súa aula preparáronlle candansúa camiseta de agasalo. Quedaron fantásticas.

Os homenaxeados escolleron do libro de receitas a súa tarta favorita e, cos ingredientes que trouxeron, un día antes da celebración, prepararon a tarta seguindo os pasos da receita elixida. 

Despois dun día no frigorífico xa estaba a tarta lista para a celebración. Tan só faltaban os detalles de última hora.

Antes de probar a tarta, había que soprar as candeas, e escoitar como lles cantabamos o "cumpleanos feliz" e o "parabéns para ti"

E por fin chegou o momento de que os homenaxeados repartiran a tarta entre os seu convidados e convidadas.  

Xa só temos que agardar á seguinte celebración dos aniversarios, a finais do mes de decembro, xusto antes das vacacións de Nadal..

Tal como tiñamos sinalado no noso calendario onine, no mes de novembro participaríamos na celebración do Magosto que tería lugar no colexio. De seguido contarémosvos como o organizamos e como participamos na celebración.

Lembramos como o celebráramos en cursos anteriores, mirando entradas de cursos anteriores na web do colexio, neste mesmo recanto de infantil.

Alí observamos que o curso anterior fixéramos unhas cestas moi chulas para meter as castañas asadas. Os profes presentáronnos a súa idea de cesta, que nos pareceu moi chula.

Escribimos unha lista do material que precisaríamos para facer a cesta deste curso.

Escribimos tamén unha nota pedindo algún material que iamos precisar:

Escollemos tamén os "animais" e "froitos do outono", que cada quen quería pegar no seu cesto. 

Organizamos o material e puxémonos mans á obra.

Seguindo as indicacións non foi difícil dar rematado o traballo.

Así de fantásticos quedaron unha vez rematados: 

Días antes da celebración do Magosto, fomos xuntando unha chea de castañas xunto aos compañeiros e compañeiras de todo o colexio.

E por fin chegou o gran día, como chovía non poderíamos celebrar o Magosto en "San Antoniño", como en cursos anteriores, senón que teríamos que facelo no pavillón do colexio.

Miramos nun vídeo como se asaban as castañas, e por que había que cortarlles un anaco... senón estouparían.

O gran día participamos nos xogos do Magosto, organizados polo profe PAULO no pavillón.

Rematados os xogos, chegou o momento da degustación de castañas asadas, usando a nosa cesta para levalas.

 Estaban boísimas...

Lembra que podes ver tódalas imaxes desta celebración no centro, no seguinte álbum da galería fotográfica:

ÁLBUM NA GALERÍA FOTOGRÁFICA: (2023-2023) Celebración do Magosto

Esta semana comezamos a levar a cabo os experimentos científicos na nosa aula, cada mes faremos un diferente que vos explicaremos nun vídeo.

Nesta ocasión empregaríamos auga, un plato e "M&Ms".

Que sucedería cando os mesturásemos? Que podíamos facer con eles?... cada quen foi plantexando as súas hipóteses.   

Fomos seguindo os pasos do experimento, todos e todas xuntos e xuntas, e observamos que despois dun anaco agardando aparecia un arco da vella...

... e que por debaixo, os M&Ms estaban brancos. Que sucedera? Novamente plantexamos as nosas hipóteses do que pensabamos que tivera lugar.

Rematado o experimento "en gran grupo", chegaba o momento de confirmar se sucedía sempre o mesmo. 

Deste xeito, cada un dos tres equipos cooperativos, tras poñerse dacordo mediante o diálogo para repartirse as funcións; púxose mans á obra para tentar reproducir o mesmo experimento.

Todos e todas tiñan que participar dentro do equipo, para poder plasmalo logo na "auto-avaliación" figuroanalóxica. 

Os tres equipos deron conseguido repetir os resultados do experimento, creando estes fantásticos "arcos da vella". 

Equipo PERRO SALCHICHA:

Equipo CABALO:

Equipo OVELLA: 

Agora tocaba o turno de crear o vídeo do experimento, onde contar como facelo, a todos e todas os que estiveran interesados. Nesta ocasión o BEEBOT (un dos nosos robots da alua), escolleu que o fixera o equipo "perro salchicha".

O equipo encargouse de preparar o panel dos materiais, que aparecería no vídeo.

Pegaron as imaxes que buscaron en internet, e que logo imprimiron, escribindo a cantidade e o tipo de material ao seu lado.

Despois da grabación, e de que o profe "montase o vídeo", así quedou o que fixemos contando como facer o experimento.. fantástico verdade?

Tan só quedaba rexistrar este primeiro experimento no noso caderno de campo.

Iremos enchendo este caderno de campo, ao longo curso, con diferentes experimentos que tamén vos iremos contando neste mesmo blog.   

Lembra que podes acceder ós vídeos de tódolos experimentos que levamos a cabo, neste e no curso anterior, desde aquí.

Ao longo das xornadas, usando cadanseu carnet QR, levamos a cabo unha serie de rutinas nas que empregamos "aplicacións online", que podes atopar no recanto de infantil desta mesma web.

Usando o Encerado Dixital Interactivo (EDI), coa web do colexio, cada día o encargado entra no recanto de infantil. Xa todos e todas sabemos como facelo.

Unha vez dentro, segundo o que vaiamos a facer, escollemos unha ou outra icona, que nos levarán as respectivas aplicacións

Para que coñezades como funcionan, contámosvos de seguido como empregamos estas tres aplicacións na aula.

Os nosos carnets QR:

Todos e todas temos os nosos carnets QR, que creamos ó comezo de cada curso. Ademais de sevirnos como modelo do noso nome, tamén nos permite acceder ás aplicacións que empregamos na aula.

Tan só temos que premer no botón correspondente da aplicación e pasar o código pola cámara, para que "suceda a maxia" e nos recoñeza.

Usamos o noso carnet tanto no calendario online, como no rexistro de libros da biblioteca de aula. Como xa vos comentamos antes, podes entrar en elas, así como no dicionario, desde o recanto de infantil.

Así usamos o "calendario online" para as rutinas do encargado:

En cada xornada temos un encargado, seguindo lista que temos na clase, é doado saber a quen lle toca, e canto tempo falta para que lles toque a cada un.

Porque ser o encargado é o máis importante que che pode pasar ;)

Cada mañá o encargado ou encargada, despois de ter accedido no recanto de infantil ao calendario, entra co seu carnet QR, para poder facer no mesmo as rutinas previas á asamblea: Ir tachando o día que toca, revisar que profes virán e que sucesos terán lugar ese día.

En ocasións, tamén temos que marcar determinadas datas sinaladas (aniversarios, celebracións, eventos especiais...). Deste xeito que podemos ir contando cantos días faltan para que cheguen a data.

Tamén marcamos cantos estamos na clase e cantos quedaron ese día na casa.

Anotamos o tempo metorolóxico que fai e a temperatura, que figura no noso termómetro da aula, para o que temos que introducir correctamente os números dos graos que sinala.  

Encántanos facer "tanteos", para ver quen adiviña o que vai gañando, na "carreira do tempo" cada mes; contando logo para comprobar quen acertou. Tamén observamos a gráfica das temperaturas, para ver se fai máis ou menos calor que o día anterior, e se vai subindo ou baixando.

O encargado completa o seu nome, ordenando as letras que aparecen todas mesturadas. Unha vez rematado contamos cantas letras ten e, se marca o número correcto, recibimos un aplauso.

Por último, o encargado fai un debuxo no que saia el mesmo, co que podemos ir observando como evoluciona a representación do seu esquema corporal. Sempre recibe consellos dos seus compañeiros e compañeiras para melloralo.

Encántanos premer o botón de imprimir, para poder levalo para casa, e revisar todos os que levamos feitos ata ese momento, na icona do ollo.

De cando en vez, comprobamos cantas veces faltamos cada un ao longo do mes. 

Despois da asamblea, tamén anotamos os mesmos datos nos nosos rexistros da parede, para poder telos a man ao longo da xornada.

Rexistrando os libros que levamos para casa, coa aplicación da "biblioteca online".

Os venres levamos para casa na nosa carpeta, un dos libros da biblioteca de aula. Todos eles teñen un número, que precisamos para "anotalo na aplicación online", e completar o rexistro en papel.

Por parellas, vamos introducindo o número do libro que escollemos na aplicación é usando cadanseu carnet QR, tal como se indicou anteriormente, rexistramos o libro que levamos. Unha vez feito xa podemos premer a icona para imprimir a portada.

Usamos esa portada impresa, unha vez recortada, para pegala e completar o noso rexistro en papel, onde anotamos segundo a idade, e respectando a hipótese lecto-escritora na que se atopen: o seu nome, o título do libro, o día, o número do libro...

Logo xa só queda metelo na carpeta e levalo para casa. 

Á volta, despois do fin de semana, rexistramos ben na mesma aplicación ou coa tablet (scaneando o código QR do libro), que o estamos a devolver.

Completamos o dicionario xigante, coa aplicación de "dicionario online"

Xunto aos compañeiros e compañeiras de EI1, completamos ó longo do curso un dicionario xigante, no que anotamos as nosas palabras favoritas con cada letra.

Despois de dicir palabras entre todos e todas, imprimímolas usando a aplicación do "dicionario online", para elo temos que escribilas correctamente co teclado. Obtemos unha fotografía grande e varias pequenas (segundo se acorde).

Pegamos a imaxe grande no dicionario xigante, escribindo debaixo a palabra.

Empregamos as pequenas, que temos que recortar, para pegalas no dicionario individual, que comezamos en 3 anos e rematamos en 5 anos, de xeito que podemos observar a nosa evolución e maduración lecto-escritora co paso do tempo.    

Para escribir as palabras, das imaxes que pegamos (segundo a idade), usamos o modelo que escribíramos antes no dicionario xigante.

As aplicacións online empregadas atópanse en www.recursoseducativos.net, web creada polo mestre de EI2, que están dispoñibles de forma gratuita, para seren empregadas por calquera que as precise na súa aula, xunto con moitas outras.

Ola! Xa estamos de volta cunha nova publicación no blog de EI1 para contarvos un pouquiño máis sobre as actividades que fixemos en outubro.

Como parte da nosa rutina, fixemos as actividades sorpresa do calendario que elaboramos día a día. Como parte das mesmas, este mes chamamos por teléfono, clasificamos e contamos bombillas de cores, construímos os nosos propios edificios, xogamos con trenes e con peixes...

Tamén chegamos moi moi sucios a casa porque estivemos axudando a pintar no colexio. Ao lado da pista de baloncesto estamos facendo un mural cunha paisaxe de montaña, e como nos gusta moito mancharnos de pintura de pes a cabeza, ofrecémonos en seguida a pintar unha parte.

Pero non só pintamos fóra da aula, pintamos dentro. Cun bote de témperas, caixas de cartón e vasos; fixemos unha chea de cícrculos para decorar o material de almacenaxe. Ademais, tamén decoramos as letras para o mural onde diariamente poñemos os puntos por traer merendas saudables ao colexio.

Pero como mancharnos de pintura non nos chegou, tamén trasteamos moito con plastilina. Aprendimos diferentes formas de manipulala, pero ademais, tamén a usamos para escribir, facendo o noso nome poñendo en práctica as técnicas aprendidas.

Continuamos tamén co traballo de conciencia fonémica, silábica e léxica; e como novidade, empezamos a traballar cos nosos tapóns das letras. Con estes tapóns fixemos de todo, dende crear sílabas ata inventar palabras tan difíciles que nin o profe era capaz de pronunciar.

Celebramos os cumples de Eloy e Xose, un momento que todos e todas levaban agardando dende o día 1 do mes. Como xa sabedes, fixemos unha tarta todos xuntos e tamén os agasallos para os nosos compañeiros; deixando todo preparado para a gran festa que celebramos despois.

E por último, pero non menos importante, este mes implantamos unha nova rutina na nosa clase: a contrasinal. Todos os días o encargado ou encargada, escolle unha contrasinal tendo en conta cal e a letra da semana, e no caso de ser unha consoante, combinandoa coas distintas vogais que xa coñecemos.

E con isto pechamos a entrada do blog deste mes. Recordade que as fotos que publicamos aquí son só algunhas de todas as que temos, se queredes ver máis, as tedes subidas na galería fotográfica do colexio.

Ata a próxima publicación!