Os nenos de 3 anos seguimos disfrutando dos xogos manipulativos como ferramenta para aprender e experimentar. 

Estivemos traballando as emocións grazas ao conto do “Monstro de cores”. Na asemblea, temos o noso momento de “reflexión” onde expoñemos cómo nos sentimos e eliximos a cor que mellor nos representa. Tamén axudamos ao Monstro a recolocar as súas propias emocións neste mural simbólico.

Como novidade, creamos nas nosas aulas o “Recanto da Calma”, un lugar de paz e reflexión onde podemos acudir sempre que necesitemos relaxarnos.

Non nos esquecemos de que nesta fermosa estación “O Outono” temos moito que celebrar: disfrutamos dun Magosto cheo de castañas e no Samaín enterramos os nosos medos nun caldeiro.

Este último mes veu cargado de cousas novas. Foi a inauguración da biblioteca e este curso imos a comezar a ser usuarios do servizo de préstamo, para tal, fixemos diversas propostas para que vaian identificando as etiquetas que ten cada libro e poder ubicalas de forma autónoma na biblioteca e así próximamente poIdamos comezar a levar os libros para as nosas casas.

Por outra banda, comezamos a escribir que fixemos na fin de semana, a partir da escritura espontánea para poder ver a etapa da escritura na que se atopa cada un/unha e ver a súa evolución ao longo do curso. 

Tamén celebramos o Magosto e aproveitamos as castañas para outros usos.

Ademais, iniciamos un proxecto a partir do conto “Monstro de cores”, adentrándonos no mundo as emocións para progresivamente ser conscientes de como nos sentimos, entendendo pouco a pouco sobre cada unha delas, e que non hai ningunha emoción mala.

Cara o espazo despegamos con moitas ganas e ilusión para ver os planetas, a lúa, as estrelas e  algunha constelación. 

Aquí na Terra un recanto do espazo temos con libros e tarxetas do universo, un gran puzzle do sistema solar e algunas cousas máis. Fixemos  rochas e area lunar coas que nos encanta xogar.

Tamén  seguimos coas regretas, o xeoplano, os contos, as cancións…  Cada día unha aventura que vivimos con gran emoción.

Unha sorpresa tivemos cando a biblioteca se inaugurou e Carrás agasallos nos deixou. Unha contacontos nos visitou e a tod@s nos encantou.

No samaín lemos contos sobre pantasmas, cabazas e tamén cantamos cancións. Pintamos cabazas e un gato e en brux@s nos convertemos cun sombreiro que fixemos. 

No magosto as castañas vimos asar e logo poidémolas degustar  e tamén houbo música para bailar.

Da viaxe polo espazo seguiremos a desfrutar neste mes de decembro que xa vai comezar. 

Xs nenxs  de 3 anos comezamos a escola por primeira vez polo que este mes adicamolo a coñecer este entorno, explorar diferentes materiais e realizar actividades manipulativas e xogos para coñecernos mellor e sentirnos a gusto.

Calquera momento pode ser de aprendizaxe, tal e como vemos nesta imaxe, aproveitando as pingueiras que producia a chuvia, xs nenxs colocaron este recipiente e observaron con moita atención como se foi enchendo.

Recibimos unha carta chea de agasallos do outono, gustounos tanto, que decidimos facer unha para que cada un poda levala ás súas casas, fixándonos no remitente e destinatario para que así poda chegar ao seu destino.

Nesta época do ano atopamos moitos caracois no patio, resúltanos fascinantes, polo que fixemos os nosos propios caracois.

Coas follas, castañas, landras, abelás, ourizos, noces, ... que foron traendo xs nenxs, realizamos actividades de conteo, clasificacións, series, actividades artísticas, de lectoescritura...  moitas gracias pola vosa colaboración!

Ademais, este mes vén cargado de sustos. Pasade un terrorífico Samaín! HAHAHAHA!