Neste mes, rematamos o proxecto anual das emocións que tiña como fío condutor o conto “O monstro de cores”. Pouco a pouco elaboramos este mural conxunto no que fumos proxectando as ideas relacionadas a cada emoción.

Como parte do proxecto “Transformando espazos” levamos a cabo unha plantación nunha das zonas do patio de infantil. Cada aula encargouse dunha delas e pouco a pouco poderemos ver como van medrando e dando os seus froitos.

Un ano máis desfrutamos do espectáculo de maxia grazas á ANPA. Encantounos!

Os vermes de seda van medrando e algúns xa fixeron o casulo e saíron as bolboretas. Encántanos observalos e ver as distintas fases. Continuamos coa realización do proxecto aprendendo moitas cousas sobre estes bichiños.

Fixemos un experimento con flores de papel. Primeiro pintámolas e logo dobrámolas cara a dentro para que quedaran pechadas.  Botámolas nunha cubeta coan auga e puidemos observar como se ían abrindo. Parecían nenúfares! Foi algo máxico! Outro experimento foi facer un debuxo con pinturas fosforescentes e podelas observar coa luz negra. Quedaron superchulas!!!

Neste mes de maio celebramos As Letras Galegas que este ano se lle adicou a Florencio Delgado Gurriarán. Fíxose no cole unha exposición con poesías do autor e nos memorizamos e ilustramos a poesía: “O sol, baril muiñeiro…” e desfrutamos moito cantando a poesía de “Aí ven o maio”. Ademais aprendemos datos de interese sobre a vida de Florencio Delgado.

Seguimos realizando traballos de arte coma unha bolboreta que recortamos e logo colocamos nunha cartolina negra. Con esponxa estampamos distintas cores de témpera e logo ao quitar a bolboreta quedou a silueta e arredor todo moi colorido. Coas pegadas dos nosos dedos,con témpera  e rotuladores negros conseguimos facer uns fermosos paxariños. Tamén fixemos flores recortando círculos de papel de cores e logo completámolas coa cor negra. Outra actividade consistiu en botar témperas de cores na metade dun folio, logo dobrámolo, aplastamos a pintura coa man e quedounos una fermosa simetría. Encantáronnos estas actividades de arte!!!

Tivemos un obradoiro de igualdade no que nos explicaron que tanto nenos coma nenas somos iguais e podemos facer as mesmas actividades e vestir como máis nos guste. Ademáis contáronnos o conto de “Iriña bailarina”. Trátase dunha fermoso conto que invita a unha necesaria reflexión sobre a igualdade e os estereotipos de xénero.

TRABALLANDO O NOSO PROXECTO DO HORTO, PRANTAMOS  PATACAS E COIDÁMOLAS TODOS OS DÍAS, REGÁNDOAS E MIMÁNDOAS MOITO. OBSERVAMOS O PROCESO E ESTAMOS ILUSINADOS PORQUE XA SAIU A PRANTIÑA. AGORA A VER QUE PASA.

REALIZAMOS UN EXPERIMENTO CON SERRÍN E SEMENTES.  METÉMOLO DENTRO DUNHA MEDIA E DEMOSLLE FORMA DE MONEQUIÑO. TAMÉN O REGAMOS TODOS OS DÍAS E QUE COUSA CURIOSA ESTAMOS A OBSERVAR: AO MONECO ESTALLE A MEDRAR O PELO.!!!

ADEMAIS FIXEMOS CON ELEMENTOS NATURAIS: LAND ART.

ADEMÁIS ESTE MES TIVEMOS VARIAS NOVIDADES:

- CELEBRAMOS O DÍA DO LIBRO E FIXÉMOSLLE UN AGASAIO ÓS NOSOS PADRIÑOS E MADRIÑAS DO COLE.

- ESTREAMOS OS PETOS PARA PODER DESFRUTAR NOS CHARCOS SEN MOLLARNOS.

- E XOGAMOS CON NOVOS MATERIAIS MANIPULATIVOS  E AS LETRAS DA MESA DE LUZ. COMO NOS GUSTOU POR O NOSO NOME TAN LUMINOSO!!!!

Neste mes puidemos desfrutar da actividade de “Mestres lectores” con motivo do Día internacional do libro infantil e xuvenil. Os nosos contos foron “O principiño” e “O coelliño branco”. Moitas grazas profe R. e profe J.

Nun recuncho das nosas aulas atópanse pezas soltas, as que permiten que xs nenxs desenvolvan a súa creatividade, ao tratarse de composicións efímeras realizamos diferentes fotografías co resultado final, resaltando sempre que o importante é o proceso.

Continuando co traballo das emocións, coñecemos ao pintor Jackson Pollock, a partir do que practicamos a técnica de dripping, con gran acollida por parte do alumnado.

Para finalizar este mes, e con motivo do “Día do libro”, tivemos un encontro cxs nosxs padriños e madriñas arredor dun conto, intercambiamos un agasallo e compartimos un pequeno momento xuntos.

Continuamos facendo actividades sobre a primavera traballando o vocabulario desta estación utilizando tarxetas, realizando grafismos, simetrías  e tamén distintas manualidades.

Encantounos facer composicións utilizando elementos naturais: pétalos, follas, plantas de anís, perexil, paus, cocos de eucalipto… quedaron superchulas e ademais pasámolo moi ben!

Fixemos experimentos: machacamos follas de moreira e metémolas en alcohol. Puidemos observar como o alcohol se ía tinguindo de verde. Despois con ese líquido verde (clorofila) pintamos nun folio. Foi un experimento  que nos encantou! Agora xa sabemos que as plantas teñen clorofila e unhas células que se chaman cloroplastos que lle dan esa cor verde o talo e as follas.

Na clase temos vermes de seda e estamos iniciando un proxecto sobre estes bichiños que tanto nos gusta observar. Xa sabemos que só comen follas de moreira e que nacen de ovos. Cando naceron vimos que eran moi pequeniños e de cor negra pero como comen moi ben  medraron moito. Temos que limpalos, quitarlle as follas que van comendo  e as cacas (ao principio son puntiños negros e logo vanse facendo boliñas cada vez máis grandes), e botámoslle follas todos os días. Encantanos observar como comen e como se moven!

O día 29  tivemos a actividade de padriños e madriñas lectores. Os nen@s de 5º B léronnos o conto: Vivan as uñas  de cores !  Fíxemoslle una flor  para darlle e eles tamén  nos deron outro agasallo. Desfrutamos moitísimo esta actividade!