Eiquí vos deixamos as presentacións que os Xenerais da Ulla fixeron das actuacións do noso alumnado na xornada do pasado venres 9 de febreiro para celebrar o entroido no noso cole. Nin que decir ten que por causa do mal tempo non puidemos facer o desfile ata o centro do pobo como era costume en anos anteriores, porén fixemos unha inauguración forzada da nosa nova aula de usos múltiples. A dicir verdade esa nova dependencia aínda non ten nome, pero para esa xornada foi moi proveitosa.
O novo curso comenzámolo con moitas ganas de traballar, por iso o primeiro que fixemos foi limpar os bancais, tarfa a cargo dos maiores para que logo os de 1º e 2º plantaran aromaticas. Desfrutamos tanto ou máis que nun día de festa.
PARA INICIAR O NOVO PROXECTO SOBRE O RÍO ULLA, NADA MELLOR QUE UNHA SAÍDA POR ESTE ENTORNO, COMPROBANDO O ESTADO DA AUGA, AS ESPECIES QUE ALÍ SE ATOPAN, E UNHA MAGNÍFICA EXPLICACIÓN SOBRE A VIDA DE ALGÚNS PEIXES, ASÍ COMO OS DISTINTOS INSTRUMENTOS QUE OS AXENTES USAN PARA PODER FACER UN EXHAUSTIVO SEGUIMENTO POLOS SEUS PERCORRIDOS.
O mércores 30 de outubro celebramos o magosto e o Samaín,pola mañán antes do recreo, consistiron en obradoiros de cociña, baile, plástica ou enigmas.
Despois do recreo, fixemos xogos no pavillón, onde fixemos construcións con carozos. Xogamos a " tira da corda", chapas,..........
No xantar disfrutamos dun postre delicioso, magdalenas de cabaza adornadas con pantasmas de chocolate, que realizou o alumnado que estivo no obradoiro de cociña.
Despois do xantar, dsfrutamos de unhas deliciosas castañas asadas.
ESTE MOMENTO DE CONFINAMENTO NON NOS PERMITE CELEBRAR O DÍA DAS LETRAS GALEGAS COMO SE MERECE, DE AÍ QUE ESTEMOS INTENTANDO QUE O ALUMNADO POIDA , DE ALGUNHA MANEIRA, DESFRUTAR DESTA CELEBRACIÓN AÍNDA QUE SÓ SEXA A TRAVÉS DE XOGOS COMO O QUE VOS DEIXAMOS AQUÍ.
AGRADECEMOS AO COLEXIO PÍO X DE OURENSE PERMITIRNOS COMPARTIR ESTE MAGNÍFICO VÍDEO FEITO POLO ALUMNADO DE 5º, QUE SEN EL NON SERÍA POSIBLE REMATAR O TRABALLO.
Hoxe recibimos no centro unha fermosa visita. O colectivo feminista Deza - Tabeirós quixo homenaxear á gran Rosalía de Castro dun dos xeitos máis orixinais e creativos. Un grupo de mulleres da nosa zona deseñou e creou un fermoso tapiz usando diferentes técnicas artísticas para que o puidesen desfrutar en exposición canta máis xente mellor.
A iniciativa consiste en que esta bela creación viaxe polos diferentes centros educativos do noso concello estando exposto nun lugar visible polo menos unha semana, para despois continuar o percorrido polos demais centros. Era unha actividade xa programada no curso pasado pero que ao igual que outras máis foi adiada polo confinamento ao que toda a poboación foi obrigada.
Comezamos nós pois, co orgullo e fachenda de darlle a merecida publicidade ás nosas grandes artistas, entre elas á coidadora do noso centro, Pili Torrado, que tamén participou na súa elaboración.
A situación deste ano non permite tampouco o desfrute pleno desta obra pois as visitas ao centro para as familias están restrinxidas, pero conformámonos con que poidades valorar e agradecer o traballo destas grandes creadoras. PARABÉNS!
Termina un ano difícil e moi distinto ao que calquera puidera imaxinar. As celebracións destes días tamén han de estar condicionadas pola evolución da pandemia mais non podemos deixar pasar a oportunidade de desexarlle a toda a nosa comunidade educativa que siga mantendo a ilusión e forzas para afrontar estas dificultades.
Por suposto tamén queremos aproveitar a oportunidade para agradecer a axuda e comprensión prestada para saír adiante nesta situación. Agradecemos ao alumnado polo seu exemplar compromiso coas normas e por facilitar o desenvolvemento do curso e ás familias pola colaboración e confianza que nos deron nesta nova e esixente realidade.
Por último, estimamos moito o valioso apoio do resto da comunidade educativa para poder rematar o trimestre coa nula incidencia do virus no noso centro.
Cos nosos mellores de desexos de paz, saúde e ilusión para o vindeiro 2021.
Comezamos o curso cunha visita importante. O pasado venres 10 de setembro visitáronnos Ángela e Mariña, dúas colaboradoras da ONG Stop Accidentes. Como o seu nome indica traballan na atención a persoas que foron víctimas dun accidente de tráfico pero tamén se esforzan por concienciar á cidadanía en xeral da importancia de acadar bos hábitos de RESPECTO aos demais como usuarios da vía pública.
Mellorar a nosa CONVIVENCIA e coñecer algunha das NORMAS básicas foi o que nos deixaron ese día.
O verán pasou e despois de tantas semanas sen acompañamento a natureza seguiu facendo o seu traballo no noso patio. As malas herbas gañaron moito espazo e sacábanlle protagonismo ás nosas plantacións polo que decidimos entre todos facer unha limpeza xa a comezos de curso e poder adecentar polo menos as xardineiras da fachada principal e os bancais do horto.
Colaborou desta vez o alumnado de 3º, 4º, 5º e 6º de primaria e en pouco tempo fixeron un traballo fantástico.
A NOSA PDI NESTE CURSO " NATUREZA SILVESTRE" DOU LUGAR A QUE OS NOSOS CARNETS DE BIBLIOTECA FOSEN DIFERENTES AO DOS OUTROS ANOS. O EQUIPO DE BIBLIOTECA, AXUDADO POLO EQUIPO DE TICs, CONSEGUÍU UNS CARNETS ILUSTRADOS CON ÁRBORES, ARBUSTOS E HERBAS DA NOSA CONTORNA. AQUÍ VOS DEIXAMOS UNHA MOSTRA DE COMO QUEDOU O TRABALLO.