Inicio

DÍA DA BIBLIOTECA e DÍA DAS MULLERES ESCRITORAS

O 24 DE OUTUBRO, "Día das Bibliotecas", tivemos a honra de contar coa ilustradora do "Poder máxico do sorriso", Luz Beloso, obra escrita pola nosa compañeira e mestra deste centro Thalía Trotiño González. 

Luz Beloso, docente nun centro de secundaria, non puido asistir fisicamente ao noso cole, pero fíxoo a través de videoconferencia, de xeito que puido compartir con todos nós o papel tan importante,  das ilustracións dunha obra. Conseguíu que todos reflexionásemos sobre a importancia do debuxo nas nosas vidas e convidounos a practicar todos os días.

Celebramos o día do Sorriso, 7 de outubro

Como novidade, este ano decidimos celebrar o día do Sorriso. A razón pode parecer absurda pero para nós resultou moi gratificante. A nosa compañeira e mestra de infantil, Thalía Troitiño González, non só ven de aprobar as oposicións ao corpo de mestres neste verán pasado, senón que tamén se estreou na eloxiosa labor de crear un libro para público infantil.  "O poder máxico do sorriso" é o título desa obra que presentou o mes pasado no seu concello, en Silleda, e neste día tivemos a boa idea de convidala a que compartise con nós a súa experiencia como xove creadora.

Nesta actividade, colaborou o alumnado da materia de Valores sociais e cívicos de sexto curso de primaria. 

Moitas felicitacións a todas (Jamila, Fátima e Danna) e moi en especial á nosa ESCRITORA, Thalía. 

Pinguiñas 2022

Con máis retraso do agardado, publícase a revista escolar deste curso, que coma sempre recolle o relevante deste curso que remata. Ao igual ca no curso pasado, recordade que en moitas das reportaxes adxúntase un enlace a unha videomontaxe relacionada co artigo en cuestión. Esperemos que vos guste, e coas reiteradas desculpas pola demora na súa publicación, desexámosvos a todos unhas boas vacacións de verán. Para o ano máis e mellor!!

AdxuntoTamaño
Pinguiñas 21-22.pdf136.33 MB

A matanza clandestina

Representación teatral a cargo do alumnado de 3º /4º do Ceip Cabada Vázquez, dun acto da obra de Fernando González Graña " A matanza clandestina"

Recomendacións lectoras verán 2022

 

Aquí podedes consultar as recomendacións lectoras dos centros Plambe da Estrada. Que desfrutedes dun bo verán acompañados e acompañadas destas lecturas seleccionadas con moito coidado, esperando que sexan do voso agrado.

AdxuntoTamaño
ED. INFANTIL (3).pdf5.13 MB

As nosas árbores

 Aquí vos amosamos un exemplo do nosos produto final do PDI "Natureza silvestre".

 

A festa das palabras

 

Acudimos á Festa das Palabras para acompañar aos gañadores e gañadoras desta novena edición do concurso de micropoemas e microrrelatos na que participan todos os centros educativos da Estrada.

Por fin puidemos asistir sen restricións a un acto moi bonito. PARABÉNS AOS PARTICIPANTES!!!

 

 

Día do libro

Para conmemorar o día do libro convocamos un concurso de carteis, aquí podedes ver algún deles, en breve  amosaremos o cartel gañador.

Agradecer ao noso voluntariado a labor que está facendo na biblioteca. Imos amosarvos  algúns momentos deste día tan sinalado en que se levaron a cabo lecturas grupais, a cargo destas voluntarias.

 

Pincha para ver 

 

Rosalía en Radio Estrada

Desde este ano, o día de Rosalía celébrase o 23 de febreiro por recentes achádegos da súa biografía que así o confirman. Para darlle a súa merecida homenaxe, aceptamos gustosamente a invitación que desde Radio Estrada e sobre todo Pilar Bernárdez no seu día nos fixo. Acudimos o propio día para participar xunto a outros centros da Estrada e levarlle a nosa versión da presenza de elementos da natureza silvestre na obra de Rosalía. Encargáronse tres rapazas da aula de 5º de primaria, Danna, Jamila e Fátima.  Fixérono tan ben que convidámosvos a que desfrutedes co seguinte audio da súa intervención.

 

AdxuntoTamaño
Día de Rosalía Radio Estrada 2022.mp314.72 MB

Powered by Drupal - Design by artinet