Xunta e Universidades presentan unha estratexia para mellorar a calidade formativa do profesorado
Ven, 28/04/2017 - 16:19
Presentouse o resultado do grupo de traballo entre as tres universidades e o departamento de ensino da Xunta para analizar as competencias profesionais docentes
O obxectivo é achegar os plans de estudo universitarios e a formación permanente, co fin de dar resposta aos retos do sistema educativo

O documento elaborado polo grupo de traballo conclúe que é preciso que a formación inicial e permanente do profesorado se aliñe arredor dun traballo equilibrado das diferentes competencias e subcompetencias profesionais docentes sen deixar de lado cuestións de relevancia como as habilidades relacionadas coas TIC. Ademais, é necesario que a formación inicial do profesorado poida ofrecer coñecementos relevantes para a práctica na xestión de organizacións educativas tanto a nivel de aula como de centro e mesmo de sistemas educativos.