Convocatoria do programa eduemprende Actúa 2014/2015

Ven, 17/10/2014 - 13:20

Este programa se desenvolve no marco do Plan eduemprende como unha acción formativa dirixida ao alumnado de segundo curso dos ciclos formativos e de bacharelato dos centros sostidos con fondos públicos de Galicia para que poñan en valor o seu talento emprendedor como ferramenta para o seu desenvolvemento profesional.

A actividade emprendedora como chave para o teu futuro.

Que se pretende acadar?

Actualizar os conceptos de empresario, emprendedor e actividade emprendedora.
Achegar a realidade emprendedora ao centro educativo coa presenza activa do persoal técnico do IGAPE e dunha persoa emprendedora que de a coñecer ao alumnado a súa experiencia persoal.
Por en valor o traballo desenvolvido polo profesorado e o alumnado na aula.
Dar a coñecer entidades que orienten, axuden e sirvan de soporte para a canalización da iniciativa dos emprendedores.

A quen vai destinado?

Alumnado de segundo curso de ciclos formativos de grao medio e superior e de bacharelato que estean a cursar “Economía”e “Economía da empresa” de centros sostidos con fondos públicos de Galicia que desenvolven proxectos de empresa nalgunha materia dos seus currículos.