Se pensas que todo o relacionado coas Matemáticas é un rollo, pásate polo noso centro e visita no vestíbulo a exposición "As Mates no Humor Gráfico", pois de seguro que botas unhas risas. Pero, apura, que xa quedan poucos días.

Aquí che deixamos un avance do que podes ver:

Premendo sobre a imaxe que aparece debaixo destas liñas, accederá á Programación Didáctica do Departamento de Matemáticas para o presente curso académico 2021/2022.

Se desexa consultar un apartado concreto do documento, basta con que o busque no índice e prema sobre o correspondente epígrafe.

Un ano máis, o Departamento de Matemáticas do IES Gonzalo Torrente Ballester  convoca o concurso de fotografía matemática coa intención de que o alumnado aprecie ata que punto están presentes as Matemáticas na vida cotiá, ao tempo que se contribúe a que os estudantes desenvolvan a súa creatividade e competencia artística.

A temática desta convocatoria é "Xeometría ao teu Arredor", de xeito que todas as fotografías presentadas (un máximo de 2 por alumno participante) deberán levar un título no que se amose a relación existente entre a correspondente imaxe e o tema do certame.

Este concurso vai dirixido a todos os alumnos e alumnas do noso centro. Para participar e achegar as fotografías soamente haberá que encher o formulario cuxa ligazón aparece máis abaixo, accedendo a el coa dirección de correo electrónico que cada alumno do centro posúe no dominio do Instituto, @torrenteballester-edu.es. É precisamente neste formulario onde cada participante indicará os datos requiridos (categoría, grupo, nome e apelidos), xunto co/s título/s da/s fotografía/s que decida enviar.

Consideraranse 3 categorías de participación (1º ESO - 2º ESO, 3º ESO - 4º ESO e BAC - CF) e en cada unha delas serán concedidos un 1º premio de 40€ e un 2º premio de 25€. Ademais, haberá tamén outro premio de 40€ para a fotografía máis popular, a cal será elixida por votación de todo o profesorado e alumnado do centro mediante unha enquisa que se habilitará na Aula Virtual.

O prazo para encher o formulario e participar no concurso vai do 12 de Abril ao 30 de Abril de 2021.

Para máis información consulta as bases completas do certame na ligazón que vén a continuación.

BASES DO CONCURSO DE FOTOGRAFÍA MATEMÁTICA 2020/2021

FORMULARIO PARA PARTICIPAR NO CONCURSO DE FOTOGRAFÍA MATEMÁTICA 2020/2021

Vostede pode ter acceso ao texto completo da Programación Didáctica das distintas áreas dependentes do Departamento de Matemáticas para o presente curso académico 2020/2021, sen máis que premer co rato sobre a imaxe que aparece baixo estas liñas.

Dada a extensión do documento, o índice ten habilitadas todas as ligazóns necesarias para levalo directamente ao apartado concreto que sexa do seu interese, evitando así ter que navegar por todas as páxinas ata atopar o que desexe ler ou consultar.

 

Segundo as instrucións ditadas pola Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/2020, nos centros docentes da Comunidade Autónoma de Galicia, faise necesario adaptar as Programacións Didácticas dos diferentes Departamentos á actual situación de crise sanitaria que se está a vivir por mor da pandemia provocada pola COVID-19.

Premendo sobre a seguinte imaxe, accédese ao documento que recolle as modificacións acordadas ao respecto polo Departamento de Matemáticas. Este documento contén un índice con ligazóns que conducen á parte da Programación que se desexe consultar.

Premendo sobre a seguinte miniatura accédese ao documento virtual correspondente á Programación Didáctica do Departamento de Matemáticas para o presente curso académico 2019/2020.

Indicar, ademais, que o índice da Programación contén as ligazóns que permiten acceder automaticamente a calquera parte do documento.

 

Alumnos de tres institutos trabajarán para desarrollar su vocación científica

Los IES Torrente Ballester, A Xunqueira II y Johan Carballeira estrenan el Stembach, el bachillerato de excelencia

Preme na imaxe para acceder ao artigo da "La Voz de Galicia" do pasado domingo 13 de outubro