Programa Eduemprende Avanza 2013.
A convocatoria deste programa ten como finalidade o fomento do espírito emprendedor e as iniciativas empresariais no sistema educativo de Galicia. Para acadar este obxectivo a Consellería de Cultura, Educación e Ordenación Universitaria organiza un seminario dirixido ao alumnado con calidades emprendedoras onde se recibe unha formación práctica en distintos talleres de como concretar e deseñar un plan de empresa e se facilita a oportunidade de acceder á rede de viveiros de empresa dos centros educativos de Galicia.
O programa está dirixido a:
- Alumnado de ciclos formativos de formación profesional, ensinanzas artísticas, ensinanzas deportivas ou bacharelato matriculado nun centro educativo sostido con fondos públicos.
- Persoas que finalizaron os seus estudios de calquera destas ensinanzas nos derradeiros 4 anos.
Prazo para solicitudes de participación aberto ata o 17 de setembro de 2013.
http://www.edu.xunta.es/fp/programa-eduemprende-avanza-2013
