Skip to Content

Bolsas e Axudas

Becas e axudas

Publicouse no BOE a nova convocatoria de bolsas de carácter xeral para o curso 2022/2023.

 

    Modifícanse os prazos e o procedemento de xestión das solicitudes.
O prazo para presentar as solicitudes é do 30 de marzo ao 12 de maio, inclusive.

    A presentación realízase a través da sede electrónica do Ministerio de Educación. Nunha 1ª Fase preténdese realizar as comprobacións económicas. As unidades de tramitación de bolsas revisarán os datos persoais e familiares necesarios para a comprobación da renda e patrimonio familiar e enviarán as solicitudes á Axencia Tributaria para o seu cálculo.

    Nunha 2ª fase informarase os solicitantes do resultado das comprobacións económicas anteriores, dándolles un prazo para formular alegacións se procede. Doutra banda, informarase tamén do procedemento e prazo para que poidan modificar a súa solicitude inicial, no relativo aos datos académicos.

Máis información

A convocatoria de axudas para alumnos con necesidades específicas de apoio educativo publicarase despois da convocatoria xeral, a partir do mes de maio.

Axudas para a realización de actividades de formación en linguas estranxeiras no ano 2022

   

     A Consellería de Cultura, Educación e Universidade convoca 525 prazas para realizar actividades de formación en linguas estranxeiras no ano 2022.

   O prazo de solictude vai do 1 de FEBREIRO ata o 28 de FEBREIRO (incluído)

    Poderá solicitar estas axudas o alumnado de centros sostidos con fondos públicos da Comunidade Autónoma de Galicia dos cursos que aparecen nesta táboa.

    O inicio do procedemento de solicitude realizarase a partir da aplicación dispoñible na páxina web do programa  non sendo válidas as solicitudes que non procedan deste xeito.

Axudas para estudar en EEUU e Canadá.

 

    A Fundación Amancio Ortega retoma o seu Programa de Becas dirixidas a estudantes de 4º de ESO que desexan cursar 1º de Bachillerato en Canadá e Estados Unidos.
    Do total de prazas convocadas, 70 becas están dirixidas a estudantes de centros de Galicia.

    A beca cobre o 100% dos servizos necesarios para realizar un curso escolar no estranxeiro: viaxe, taxas de escolarización e matrícula nun instituto público, aloxamento e manutención nunha familia anfitriona, seguro médico e de accidentes, convalidación do ano académico e apoio continuado durante a estancia.
   Todolos formularios debidamente cumprimentados e coa documentación esixida para a participación no Programa, deberán ser enviados do 27 de setembro de 2021 ás 13:00h. ao 27 de outubro de 2021 ás 13:00h. a través da sección Acceso a Participantes da páxina web do Programa.

Bolsas de axuda ó alumnado de bacharelato e con necesidades específicas de apoio educativo 2021

 

     Ata o 30 de setembro de 2021 permanece aberto o prazo para solicitar bolsas de axuda para o alumnado de bacharelato e alumnado con necesidades específicas de apoio educativo.

    Nas ligacións correspondentes poden atoparse indicacións sobre os requisitos, tipos e cuantía das axudas.

Convocatoria dos premios extraordinarios de ESO ao rendemento académico 2021

       O 4 de xuño publicouse no DOG a ORDE do 25 de maio de 2021 pola que se convocan os premios extraordinarios de educación secundaria obrigatoria ao rendemento académico correspondentes ao curso 2020-2021 (código de procedemento ED311D). Pode acceder á información desta convocatoria na Sede Electrónica da Xunta de Galicia , introducindo na caixa de busca o código de procedemento ED311D. As persoas solicitantes menores de idade teñen que subscribir a súa solicitude por medio dunha persoa representante

      

Convocatoria do fondo solidario de axudas para adquirir libros de texto e material escolar. 2021.

   

    Ven de publicarse a ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22.

    PRAZO PRESENTACIÓN DO 21 DE MAIO AO 22 DE XUÑO (AMBOS INCLUÍDOS) de 2021

    IMPORTANTE: Só se poderá solicitar a axuda de material xa que este centro participa na convocatoria E-dixgal o próximo curso en todos os niveis da ESO

    Ver información básica de requisitos, prazo de presentación de solicitudes e outros aspectos da normativa.

Concesión dos Premios Extraordinarios de Bacharelato

 

    Ven de publicarse no  DOGA do martes 10 de novembro a concesión dos Premios Extraordinarios de Bacharelato correspondentes ó curso 2019/2020.

   Unha das gañadoras deses premios é Verónica Rodríguez Martínez alumna deste centro.

    Parabéns Verónica!!!

Listaxe provisional fondo libros 2020

    

   A listaxe provisional do fondo de libros está publicada no taboleiro do centro.

O prazo de reclamación é de 2 días posteriores á publicación:

 

Luns  13/07/20

Martes 14/07/20  

Distribuir contido


by Dr. Radut