Skip to Content

V Xornadas de Bibliotecas Escolares

Xov, 06/11/2014 - 08:24
 

  Este fin de semana , 7 e 8 de novembro, celébranse en Santiago de Compostela as V Xornadas de Bibliotecas Escolares.

  Todos os interesados podedes consultar o programa das mesmas.

   Os materiais das xornadas xa están dispoñibles.

  En representacón da Biblioteca do Centro participará a profesora Ana Seco Orosa. Ver sitio.

Tempo de Samain

Mar, 04/11/2014 - 05:14
 

O tempo de Samaín inspirounos unha historia: “O morto-non-morto que non quería morrer”.

Trátase dunha breve e sinxela reflexión sobre a situación actual da lingua galega: está viva?, morta?, queremos que viva?

O resultado deste traballo, realizado por algúns alumnos de 1º da ESO e o Equipo de Dinamización da Lingua, está exposto no corredor de 1ºESO.

Pasade velo.

Visita á Escola Politécnica Superior

Mar, 04/11/2014 - 05:06
 

    O pasado xoves, 30 de outubro, os nosos alumnos de Tecnoloxía de 4º de ESO e 1º de bacharelato asistiron xunto coas súas profesoras Bea, Eva e Teresa á Escola Politécnica Superior do Campus de Esteiro para observaren o traballo práctico que os alumnos de terceiro curso do Grao en Inxeniería Mecánica realizaron no marco da materia Tecnoloxía de Máquinas.

   Presentáronse prototipos de vehículos ou máquinas propulsados por un motor eléctrico –alimentado por unha pila de 4,5 voltios– capaz de completar un traxecto de máis dun metro e medio de lonxitude no que se interpoñía como obstáculo unha viga de madeira de sección cadrada e de 66 milímetros de lado.

Visita á Serra da Capelada

Mar, 04/11/2014 - 05:00
 

   O pasado martes, 28 de outubro, os nosos alumnos estudantes de xeoloxía de 1º e 2º de Bacharelato tiveron a oportunidade de visitar un espazo xeolóxico único na Península Ibérica.

   Trátase da Serra da Capelada, situada entre as localidades de Cedeira e Cariño. A singularidade deste espazo, coñecido polos xeólogos como Complexo de Cabo Ortegal, baséase en que nel podemos observar e pisar rochas metamorfizadas do manto terrestre tales como serpentinitas, ecloxitas ou granulitas que cabalgaron sobre o continente durante a formación de Panxea (hai uns 250 millóns de anos). 

   ¡Un lugar para visitar e respectar!

Visita ao Teatro Jofre

Mar, 04/11/2014 - 04:54
 

   Os alumnos de 4º de PDC coa súa profesora do Ámbito Sociolingüístico, Ángeles Doce, realizaron o martes 28 de outubro unha visita ao “Teatro Jofre” da cidade para complementar as explicións da aula.

   Alí puideron observar a pranta en forma de ferradura, diseño que facilita unha acústica impecable, idónea para la escenificación de dramas líricos, o espacio interior que consta de tres pisos decorados cun estilo clasicista propio dos teatros del XIX que emulaban aos italianos de época barroca, e tamén os elementos da tremoia.

Visita guiada á EXPONAV

Xov, 30/10/2014 - 06:54
   

   Os alumnos de 1º da ESO xunto cos seus profesores de Educación Plástica e Visual e de Ciencias Sociais acudiron o martes 29 de outubro a visitar esta impresionante exposición museo adicada a presentar o apasionante mundo da construcción naval.

  Coñeceron o desenvolvemento da arquitectura e da construcción dos buques e os materiais empregados así como diversos aspectos relacionados con esta materia: desde a evolución que sufriron as tecnoloxías e ferramentas, ata o momento más importante dun barco, o da botadura e a frotadura.

Foto ampliada

Días non lectivos para o curso 2014-2015

Mér, 29/10/2014 - 07:40
   

 Os días non lectivos para o IES Sofía Casanova no presente curso serán o:

      3 de novembro de 2014, e o

      4 de maio de 2015.

Visita WORKSHOP-REPSOL

Mér, 29/10/2014 - 07:34

  O venres 24 o alumnado de 1º de bacharelato, xunto cos seus profesores da matemáticas, acudiron á Escola Politécnica Superior do Campus de Esteiro.

  Alí puideron asistirir a unha interesante exposición na que se amosaban traballos que xurdiron da colaboración entre Empresa e Universidade, tales como sistemas de localización en interiores, aplicacións das algas ou biocombustibles, entre outros.
Distribuir contido


by Dr. Radut