Mensaxe da Directora Xeral da UNESCO

    A pesar de que a educación baseada na lingua materna é esencial para contribuír ao pleno desenvolvemento do individuo e transmitir o patrimonio lingüístico, o 40 % dos alumnos do mundo non teñen acceso á educación na lingua que mellor falan ou entenden. Esa situación constitúe un serio obstáculo para a aprendizaxe, a expresión cultural e a construción de vínculos sociais, e debilita profundamente o patrimonio lingüístico da humanidade.

    Por tanto, é fundamental que este factor lingüístico se teña en conta na necesaria transformación da educación, que a UNESCO veu apoiando ao longo de 2022 e que culminou co Cume sobre a Transformación da Educación, convocada polo Secretario Xeral das Nacións Unidas, o Sr. Antonio Guterres, o pasado mes de setembro.

    Para iso requírese, en primeiro lugar, unha mellor recompilación de datos, o que permitirá levar a cabo acciones específicas e adaptadas. Pero o máis importante é lograr unha toma de conciencia máis xeral do valor, tan insubstituíble como fráxil, da diversidade lingüística e cultural do mundo.

    Cada unha das máis de 7000 linguas que fala a humanidade encerra unha concepción única do mundo, das cousas e dos seres, unha forma de pensar e de sentir, ata o punto de que cada desaparición dunha lingua constitúe unha perda irreparable. Neste contexto, o Decenio Internacional das Linguas Indíxenas (2022-2032), cuxo organismo coordinador é a UNESCO, brinda unha importante oportunidade para que a comunidade internacional se mobilice co fin de salvagardar unha parte considerable da diversidade cultural do mundo.

    Ese é tamén o obxectivo deste Día Internacional: celebrar estas formas de expresar o mundo na súa multiplicidade, comprometerse coa preservación da diversidade das linguas como patrimonio común e obrar por unha educación de calidade –na lingua materna– para todos.

https://unesdoc.unesco.org/ark:/48223/pf0000384469

O equipo da Biblioteca ten preparado un concurso adicado ao amor  para todo o alumnado e profesorado. 

Esta actividade é un pequeno xogo de coñecemento e investigación no que se pode participar de xeito individual ou por equipos (non máis de tres participantes por equipo).

Precisan dun móbil con lector de códigos QR ou un ordenador (xa que o genial.ly ten enlazada a info dos QR)

DESENVOLVEMENTO DO XOGO: 

- Na biblioteca están expostos carteis sobre diferentes formas de amor.

- Cada cartel ten un código QR que enlaza co blog da Biblioteca onde está colgada a información sobre a situación ou persona da que se fala.

- Así mesmo, hai dúas preguntas: A primeira é para os niveis de 1º e 2º de ESO e a segunda, para o resto.

- Unha vez se teñan as respostas a todas as preguntas do mesmo nivel de cada cartel, comezarase un Xogo de Breakout on line (ver abaixo os enlaces con QR ou preme na imaxe para acceder). 

- Cando o alumnado sexa capaz de rematar o Breakout, deberá pasar pola Biblioteca do IES para acceder ao Concurso.

XOGO PARA 1º E 2º DE ESO	XOGO PARA O RESTO DO ALUMNADO

Xogas con nós? 

GANDHI (1864-1948)

Home austero e modesto, co seu pensamento e acción, cuestiona e chega a alterar a orde política e ideolóxica do mundo no século XX, erixíndose en referente de todo tipo de mobilizacións contra a inxustiza.

Na India, colonia británica, onde a política era sinónimo de corrupción, Gandhi introduciu a ética na vida pública a través da palabra e o exemplo. Viviu nunha pobreza sen paliativos, non concedeu privilexios aos seus familiares rexeitando sempre o poder político, antes e despois da liberación da India. Este apóstolo da non violencia é único entre os revolucionarios de todos os tempos, o máis admirado e venerado dos líderes espirituais modernos.

Menor de tres irmáns, naceu o 2 de outubro de 1869 en Porbandar, cidade costeira de Kathiawar, (actualmente no estado de Guyarat-India). Fillo do primeiro ministro de Porbandar, Karamchand Gandhi, pertencente á caste vaisia (comerciantes) e Putlibai (cuarta esposa do seu pai) que influíu nel ata o punto de aprender a non facer dano a ningún ser vivente, a ser vexetariano, a xaxuar para purificarse, e a ser tolerante con outros credos relixiosos. Con trece anos, os seus pais arranxaron o seu matrimonio con Kasturbai Nakhanji, da súa mesma idade e caste, coa que tivo catro fillos.

Foi un estudante mediocre, estudou na súa cidade ata que en 1887 pasou con dificultade o exame de ingreso na Universidade de Mumbai. Preséntaselle a posibilidade de estudar en Inglaterra e matricúlase na University College de Londres, onde se licencia en Dereito e regresa á India para dedicarse á avogacía. Con bastante pouco éxito, terminará preparando peticións de litigantes, que tampouco frutificarán demasiado.

En 1893 acepta un contrato de traballo cunha compañía india que operaba en Sudáfrica. Alí sofre constantes humillacións por ser indio (sácano do tren por negarse a cambiarse a terceira clase cando viaxaba en primeira (https://www.youtube.com/watch?v=t3Bmabpx1vw); golpeado por negarse a deixar o seu asento, na dilixencia, a un pasaxeiro de pel branca; négaselle o aloxamento en varios hoteis…) o que lle fai poñerse en contacto cos problemas que sufría diariamente a xente negra en Sudáfrica.

Funda o Partido Indio do Congreso de Natal en 1894, a través do cal une á comunidade india de Sudáfrica nunha forza política homoxénea, enchendo a prensa e o goberno con denuncias de violacións dos dereitos civís dos indios e probas da discriminación, polos británicos, en Sudáfrica.
Durante esta época inspírase en Tolstoi, escritor co que permanecerá en contacto ata a súa morte en 1910, particularmente na obra o Reino de Deus está en Vós. Traduce outro libro seu: Carta a un indio (1908) en resposta aos nacionalistas indios que apoiaban a violencia. Tamén é influenciado polo escritor estadounidense Henry David Thoreau que escribiu o famoso ensaio A desobediencia civil.

O poeta Rabindranath Tagore daralle o nome de Mahatma, “grande alma”.

En 1915 regresa á India (https://youtu.be/e5CzhmMQc8Q) con hábitos e estilo de vida máis tradicionais indios profundando os seus coñecementos sobre relixión, filosofía... pero, sobre todo, presta principal atención á política.Do 12 de marzo ao 6 de abril de 1930 protagonizou unha importante protesta non violenta,    coñecida    como    Marcha    do    Sal (https://youtu.be/AA8DUgHw8a4, https://youtu.be/Xe0nkGcaIcI), que serviría de inspiración a movementos como os de Martin Luther King ou Nelson Mandela.

Cando o 1 de setembro de 1939 a Alemaña nazi invadiu Polonia, dando comezo á Segunda Guerra Mundial, Gandhi e os seus partidarios non apoiaron a guerra, a non ser que lle fose concedida a independencia inmediata á India (https://www.youtube.com/watch?v=qI1hPl9Msek) Os británicos arrestárono a el e a todo o comité de traballo do congreso en Bombai o 9 de agosto de 1942. Foi liberado o 6 de maio de 1944, debido ao seu débil estado de saúde, pois non querían que morrese en prisión e iso o convertese en heroe e mártir nacional.
Aínda que o movemento non violento da India tivo moderados éxitos, a represión do movemento trouxo a orde á India a finais de 1943. Co final da guerra, o imperio británico deu indicacións de que o poder sería transferido a mans indias.

O 30 de xaneiro de 1948, foi asasinado en Nova Deli por Nathuram Godse, un radical hinduísta ao que se relacionaba con grupos ultradereitistas da India.

A pesar de ser o artífice da independencia da India (1947), o máis significativo de Gandhi foron os seus case trinta anos dun activismo pacífico fundado na non violencia e na forza das conviccións. Os seus logros abarcaron a abolición das castes, a xustiza social, a transformación das estruturas económicas e a concordia entre relixións; o que debería provocar unha renovación ética e espiritual do ser humano.

CRÉDITOS:

https://www.saberespractico.com/biografias-resumidas/gandhi/

https://es.wikipedia.org/wiki/Mahatma_Gandhi

https://historia.nationalgeographic.com.es/a/ghandi-gran-alma-independencia-india_14756

https://www.biografiasyvidas.com/monografia/gandhi/

 TITORÍAS E MATERIAS

O equipo da Biblioteca ten preparado un concurso adicado ao amor  para todo o alumnado e profesorado.

Esta actividade é un pequeno xogo de coñecemento e investigación no que poden participar de xeito individual ou por equipos (non máis de tres participantes por equipo).

Precisan dun móbil ou dispositivo que teña datos e lector de códigos QR.

DESENVOLVEMENTO DO XOGO: 

- Nos corredores do centro están expostos carteis sobre diferentes formas de amor.

- Cada cartel ten un código QR que enlaza co blog da Biblioteca onde está colgada a información sobre a situación ou persona da que se fala.

- Así mesmo, hai dúas preguntas: A primeira é para os niveis de 1º e 2º de ESO e a segunda, para o resto.

- Unha vez se teñan as respostas a todas as preguntas do mesmo nivel de cada cartel, comezarase un Xogo de Breakout on line (ver abaixo os enlaces con QR ou preme na imaxe para acceder).

- Cando o alumnado sexa capaz de rematar o Breakout, deberá pasar pola Biblioteca do IES para acceder ao Concurso.

XOGO PARA 1º E 2º DE ESO	XOGO PARA O RESTO DO ALUMNADO

 

FREDDIE MERCURY

Freddie Mercury, nado como Farrokh Bulsara en Zanzíbar o 5 de Setembro de 1946,  morreu en Kensington-Londres o 24 de Novembro de 1991. Foi un cantante, compositor,  pianista e músico británico de orixen Parsi e Indio coñecido por ser o vocalista principal da banda de rock Queen.
Como intérprete, foi recoñecido pola súa poderosa voz (A súa voz tiña rango de Barítono pero normalmente cantaba como Tenor) e extravagantes postas en escea.

Como compositor, escribíu moitos dos éxitos de Queen, como Killer Queen, Bohemian Rhapsody (a mellor canción da historia da música) , Somebody to Love, We Are the Champions, Don't Stop Me Now, Crazy Little Thing Called Love, It's a Hard Life ou  Innuendo.

Ademáis da actividade coa  banda, nos anos oitenta fixo tamén carreira como solista, publicando dous álbumes, Mr. Bad Guy (1985) e Barcelona (1988), este último en colaboración coa soprano española Montserrat Caballé, que  foi a canción oficial dos Xogos olímpicos de Barcelona de 1991.

A idade de 7 anos foi enviado a estudar nun internado británico en Bombay (India) e foi alí onde empezou a ser coñecido como “Freddie”. Estudou piano e guitarra. Cando chegou a universidade formou o grupo The Hectics. Despois de estar en diferentes grupos musicais, en 1970 participou na definitiva banda á que chamaron QUEEN. Tamén cambiou o seu apelido  Bulsara a Mercury, debido a que, según  as súas propias palabras, na canción  My fair King no  verso "Mother Mercury, look what they've done to me",cantaba sobre a súa propia  nai.  Grazas aos seus estudos como diseñador gráfico diseñou o  logo de Queen, a partir do escudo de armas real do Reino Unido incluíndo o logotipo dos signos do zodíaco dos catro membros do grupo.

Ao largo da súa vida, Mercury tivo una relación prolongada con Mary Austin coa que vivíu  moitos anos. Nunha entrevista de 1985, afirmou: "Todos os meus amantes preguntan por que non podo reemprazar a Mary Austin, pero iso é sinxelamente imposible. A  única amiga que teño é Mary e non quero a ninguén máis. Para mín,  ela é como unha esposa, como un matrimonio. Confiamos un noutro e iso basta para mín."

Escribíu moitas cancións para Mary, como Love my life.

De tódolos xeitos, cara a 1985, Mercury comezou a súa última relación, con Jim Hutton, co que vivíu os últimos seis anos da súa vida .

Morreu dunha bronconeumonía complicada pola sida o 24 de Novembro de 1991, só un día despois de comunicar oficialmente que padecía esta  enfermidade.

En 2008, a revista estadounidense Rolling Stone situouno no posto 18 na lista dos 100 mellores cantantes de tódolos os tempos.

En 2016, a Unión Astronómica Internacional nomeou ao asteroide 17473 como  asteroide Freddiemercury 17473 porque foi descuberto en 1991, ano no que Mercury morreu.

En 2018 estreouse  unha película biográfica sobre Freddie Mercury co título Bohemian Rapsody.  

https://es.wikipedia.org/wiki/Freddie_Mercury