Skip to Content

Axudas para material escolar a comedor do Concello de Mos

Aquí poderán  ver a publicación  da Convocatoria de Axudas de  material escolar e comedor do Concello de Mos

Comezo do curso 2020-21

Á atención da comunidade educativa do IES de Mos:

 

Esta comunicación ten por obxectivo informar do proceso de inicio do curso 2020-21.

 

No momento de redactar esta comunicación, as datas de comezo do curso son:

Día 16 de setembro: 1º de ESO, 2º de ESO e 1º de Bacharelato.

Día 17 de setembro: 3º de ESO e 2º de Bacharelato.

Día 18 de setembro: 4º de ESO.

 

Antes do inicio do curso, as familias serán adecuadamente informadas dos protocolos sanitarios e normas de convivencia adaptadas á actual situación sanitaria.

 

As canles de comunicación serán:

Páxina web do instituto.

Aplicación Abalar móbil.

 

Reiteramos a importancia de ter instalada e operativa a aplicación Abalar móbil porque se trata dunha ferramenta que permite que a información poida transmitirse instantaneamente en caso de necesidade.

 

Entendemos que este curso escolar comeza nunhas circunstancias extremadamente cambiantes e que é imprescindible adaptarnos e adecuar o sistema educativo ás mesmas sen innecesarias perdas de tempo.

Somos conscientes de que familias, estudantes e profesionais do ensino imos vivir un comezo de curso nun contexto definido pola incidencia da pandemia e das súas consecuencias.

Temos que afrontar esta situación seguindo escrupulosamente as directrices sanitarias e, ademais, con ánimo e vontade colectiva para poder minimizar en todo o posible os riscos e as graves consecuencias da infección.

As profesionais, os profesionais que traballamos no IES de Mos estamos preparando o centro para que os nosos alumnos e as nosas alumnas desenvolvan a súa xornada escolar nun entorno o máis seguro posible. Con todo, necesitamos a colaboración imprescindible das familias para que o nivel de protección sexa efectivo. É por este motivo polo  que solicitamos que, ademais de estaren informadas, as familias axuden intensamente a cumprir os protocolos e instrucións que vaian recibindo; só así estaremos en condicións de paliar o avance da enfermidade.

Estamos absolutamente convencidos de que, como xa fixemos nos meses pasados, entre todas e todos sairemos adiante.

Moitas grazas e moito ánimo.

Xurxo Collazo Saavedra.

 

Director do IES de Mos.

 

Aberto o prazo de matricula para alumnos do centro

As alumnas e alumnos do IES de Mos, rematado o proceso da convocatoria de setembro, poderán formalizar a matrícula para o curso 2020-21 os días  7 e 8 de setembro.

ATENCIÓN: esta convocatoria incumbe unicamente o alumnado do instituto que aínda non se matriculou por ter que se examinar en setembro.

Proposta da Deputación de Pontevedra

Desde o proxecto TI© EMPRENDES ofrecemos:

      11 itinerarios formativos de 125 horas de duración (100h. de formación específica e 25 de emprendemento): Formación específica (eminentemente práctica) en sectores co maior crecemento e demanda nos últimos anos como tecnoloxías da información e comunicación, turismo, lecer, deportes e restauración

      Formación en autoemprego e/ou creación de empresas

      Titorías de orientación profesional, emprendemento e autoemprego (elaboración do perfil formativo e profesional, e acompañamento a inserción laboral)

      Axudas económicas de 13,45 € por día de asistencia á formación

      Diploma de asistencia da acción formativa realizada e finalizada

      Titorías de orientación profesional, emprendemento e autoemprego

      Diploma de asistencia da acción formativa realizada e finalizada

 

 

Dirixidas a persoas mozas:

-        Entre 16 e 30 anos

-        Inscritas No Sistema Nacional de Garantía Xuvenil (axudamos a darse de alta senón están inscritas)

-        Empadroadas nalǵun dos seguintes concellos: A Illa de Arousa, Meaño, Meis, Portas, Pontecesures, Catoira, Cuntis, Valga, Forcarei, Silleda, Agolada, Dozón, Rodeiro, Vila de Cruces, Barro, Moraña, Campo Lameiro, Cerdedo-Cotobade, Ponte Caldelas, A Lama, Fornelos de Montes, Pazos de Borbén, Mondariz, Mondariz-Balneario, Covelo, As Neves, Arbo, A Cañiza, Crecente, Oia e O Rosal.

-        Desempregadas

-        Non integradas no sistema de educación ou formación

 

Ver cartel adxunto

 

IMPORTANTE: AVISO SECCIÓNS BILINGÜES 2º E 3º ESO

Ábrese un prazo extraordinario para solicitar formar parte dunha sección bilingüe no curso 2020 2021 destinado ao alumnado que vaia cursar no ano académico 20 - 21 2º ou 3º da ESO e que non cursase sección bilingüe no curso 19-20.

As materias destas seccións bilingües de 2º e 3º son, respectivamente, Promoción de Estilos de Vida Saudables e Bioloxía.

Para solicitar praza, deberase enviar un correo electronico a ies.mos@edu.xunta.gal entre o xoves 23 e o martes 28 de xullo, indicando no correo electrónico nome do responsable legal, nome do alumno e curso do que está matriculado para o ano académico 20 - 21.

O Equipo Directivo.

Recollida de vales: libros e material

O alumnado que recibe seis ou máis libros ten dereito ao vale de material

O alumnado de 1º ESO non recibe libros (E-dix-gal) pero si pode ter dereito a vale de material. Terán que consultalo na Conserxería do IES.

 

 

 

A entrega dos cheques do fondo libros xerados en xullo realizarase  segundo os seguintes prazos:

- 1º ESO  do 14 ao 17 de xullo

- 2º ESO do 20 ao 23 de xullo

- 3º ESO do 24 ao 28 de xullo

-4º ESO do 29 ao 31 de xullo

IMPORTANTE: para recoller o cheque do fondo libros é preciso que veña a persoa que o solicitou. Se o solicitante non puidese acudir, o seu representante  debe traer unha autorización do solicitante e a fotocopia do DNI do solicitante. Nesta ligazón pode obter o modelo de autorización

Aviso: listaxe provisional dos admitidos e excluidos do fondo libros 20-21

Estimadas familias:

A partir de hoxe poderán consultar as listaxes provisionais de admitidos e exluidos do Fondo Libros de dous xeitos:

- pola aplicación da Xunta:Fondo libros

- na entrada do noso IES, no taboleiro

 

Proximamente indicaremos cando e como  se entregarán os cheques.

Un saúdo

A Dirección do IES de Mos

CALENDARIO EXAMES DE SETEMBRO 2020

CONVOCATORIA SETEMBRO 2020.EXAMES 1º, 2º, 3º ESO.

 

NOTA INFORMATIVA: O ALUMNADO QUE TEÑA ALGUNHA METERIA PENDENTE, AÍNDA QUE PROMOCIONASE DE CURSO TRALA CONVOCATORIA DE XUÑO, DEBERÁ PRESENTARSE A CONVOCATORIA DE SETEMBRO NA DATA E HORA CORRESPONDENTE. ACUDIRÁ AO CENTRO RESPECTANDO A DISTANCIA SOCIAL DE SEGURIDADE, LEVANDO MÁSCARA DE PROTECCIÓN E RESPECTARÁ AS INDICACIÓNS DO PERSOAL DO CENTRO. O ALUMNADO DE 4º ESO, QUE OBTIVO O TÍTULO MALIA TER ALGUNHA MATERIA SEN SUPERAR, NON TEN QUE PRESENTARSE A ESTA CONVOCATORIA.

 

MARTES 1 SET.

MATERIA

AULAS

09:00

INGLÉS







AULA PLÁSTICA 210 E AULA MÚSICA 211

10:00

MATEMÁTICAS

11:00

BIOLOXÍA E XEOLOXÍA/ PROM. EST. VIDA SAUDABLES

12:00

FÍSICA E QUÍMICA

13:00 

XEOGRAFÍA E HISTORIA

16:00

LINGUA CASTELÁ E LITERATURA

17:00

LINGUA GALEGA E LITERATURA

18:00

ED. PLÁSTICA

MÉRCORES 2 SET.

MATERIA

AULAS

09:00

Cª CLÁSICA




AULA PLÁSTICA 210 E AULA MÚSICA 211

10:00

FRANCÉS / VALORES ÉTICOS

11:00

MÚSICA

12:00

TECNOLOXÍA

 

CONVOCATORIA SETEMBRO 2020.EXAMES 1º BACH.

 

NOTA INFORMATIVA: O ALUMNADO QUE TEÑA ALGUNHA METERIA PENDENTE, AÍNDA QUE PROMOCIONASE DE CURSO TRALA CONVOCATORIA DE XUÑO, DEBERÁ PRESENTARSE A CONVOCATORIA DE SETEMBRO NA DATA E HORA CORRESPONDENTE. ACUDIRÁ AO CENTRO RESPECTANDO A DISTANCIA SOCIAL DE SEGURIDADE, LEVANDO MÁSCARA DE PROTECCIÓN E RESPECTARÁ AS INDICACIÓNS DO PERSOAL DO CENTRO.  O ALUMNADO DE 2º BACH., QUE OBTIVO O TÍTULO MALIA TER ALGUNHA MATERIA SEN SUPERAR, NON TEN QUE PRESENTARSE A ESTA CONVOCATORIA.



MARTES 1 SET.

MATERIA

AULAS

9:00

INGLÉS I 



TALLER TECNO 1

10:00

MATEMÁTICAS I

MATEMÁTICAS APL. CCSS I

12:00

FÍSICA E QUÍMICA

13:00

Hª DO MUNDO CONTEMP.

16:00

LINGUA CASTELÁ E LITERATURA

17:00

LINGUA GALEGA E LITERATURA

18:00

FUNDAMENTOS DA ARTE I





Libros de texto para o curso 2020-21

No seguinte anexo poden consultarse os libros de texto para usar no curso 2020-21.

Para primeiro de ESO non se indican libros de texto por comezar co proxecto E-Dixgal.

O 10 de xullo saíra publicada a listaxe provisional de alumnado con libros e cheques asignados. Teremos unha listaxe para consultar no centro.

O alumnado da sección bilingüe de 3º ESO non ten que mercar o libro de BIOLOXÍA E XEOLOXÍA.

 

 

SEMANA 22 - 26 DE XUÑO, MATRÍCULA CURSO 20-21 E FIN DE CURSO.

SEMANA 22 - 26 E XUÑO

Con respecto a semana do 22 ao 26 de xuño cómpre ter presente estas indicacións:

· As cualificacións publicaranse en abalamobil o martes 23 a última hora da tarde. A unidade de xestión de abalarmobil comunicou que pode haber certa saturación no sistema, co que é posible que haxa atrasos na publicación. Non se entregarán boletíns en papel nin consellos orientadores nesa semana, poderán recollerse no momento da matrícula.

· O xoves 25 e venres 26, en horario de 10:00 a 13:00 terá lugar a atención ao alumnado por parte do profesorado, se ben nesta situación actual e para evitar aglomeracións aconséllase contactar co profesorado vía mail ou telefónica e, de querer unha atención presencial, solicitar cita previa enviando un mail a ies.mos@edu.xunta.gal. Non se entregarán boletíns en papel nin consellos orientadores nesa semana, poderán recollerse no momento da matrícula.

MATRÍCULA CURSO 2020-2021

No bloque lateral de administración ou nesta ligazón pode accederse á información da MATRÍCULA CURSO 2020 - 2021. Alí figuran instrucións, documentación e calendario da matrícula. Rógase a súa lectura completa e atenta para poder levar a cabo o proceso de matrícula nunhas condicións de seguridade .

DESPEDIDA

Chegamos ao final deste curso atípico e desde o equipo directivo do IES de MOS queremos recoñecer e agradecer o traballo e implicación de toda a comunidade educativa:

· Das profesoras e dos profesores, que levaron a cabo o seu traballo nunhas condicións inéditas na historia educativa e achegando recursos materiais propios e horas de traballo incontables. Grazas.

· Do persoal de administración e servizos, que mantiveron o IES de MOS nas mellores condicións materiais posibles e atenderon con enorme profesionalidade a todas e todos os que estivemos por alí trala reapertura do centro. Grazas.

· Do Concello e Protección Civil, que ofreceron a súa colaboración para a impresión de tarefas e reparto do material informático. Grazas

· Das familias, que amosaron unha grande preocupación e compromiso co mantemento do proceso de ensino - aprendizaxe. Mención especial neste sentido para a ANPA, que sempre estivo ofrecendo a súa axuda e apoiando ao centro. Grazas.

· E, por suposto, das alumnas e dos alumnos: o máis importante que temos no Instituto e a súa verdadeira razón de ser. Afrontaron unha situación moi complexa e remataron un curso no que, tras todo o seu traballo, merecen unhas boas vacacións. Estamos moi orgullosos e orgullosas de vós. GRAZAS.

Entre todas e todos conseguimos que a escola pública continúe a ser; coma onte, hoxe e sempre, un servizo fundamental e insubstituíble para todas e todos. Grazas.

O equipo directivo do IES de MOS.

Distribuir contido


by Dr. Radut