Skip to Content

CELEBRACIÓN DO ENTROIDO

 

O venres 21 de febreiro realizaremos no centro a tradicional celebración do entroido. O horario será de 12.05 a 14.10. Lémbrase ás familias que esta é unha actividade lectiva, desenvolvida no centro en horario escolar. A asistencia non é optativa.

No documento que se xunta teñen toda a información sobre as actividades que se desenvolverán durante a celebración, que conleva un inxente traballo por parte da organización.

 

CHARLA CO ESCRITOR FERNANDO LALANA

O 17 de febreiro tivemos o pracer de contar co escritor Fernando Lalana no noso centro. O escritor zaragozano foi galardoado cos principais premios literarios españois no ámbito da literatura infantil e xuvenil, incluíndo o Premio Nacional e o Cervantes Chico. Incluso unha das súas novelas foi levada ao cinema en 1995 (Morirás en Chafarinas).

O alumnado de 4º de ESO tivo a oportunidade de falar con el sobre as súas creacións. Tamén asinou o seu libro.

 

  

 

I CONCURSO DE RELATO HISTÓRICO

 

Os departamentos de Ciencias Sociais, Lingua Galega e Normalización Lingüística organizan o

I Concurso de Relato Histórico

do IES de Mos e invitan a alumnado, profesorado e pais a concursar.

Tamén agradecemos á ANPA a súa colaboración nos premios.

Podedes ver as bases do concurso no pdf que se xunta.

ENTREGA DE PREMIOS EXTRAORDINARIOS DE BACHARELATO

O venres 14 de febreiro entregáronse en Santiago de Compostela os Premios extraordinarios de Bacharelato.

Desde o centro queremos felicitar á nosa alumna Xiana Carrera Alonso por este merecidísimo recoñecemento.

Parabéns!

 

SEMANA BRANCA

Como vén sendo habitual no noso centro dende hai máis de 15 anos, o departamento de Educación Físcia organizou a Semana Branca, do 7 ao 15 de febreiro con alumnado de 3º, 4º de ESO e 1º de BAC. O grupo viaxou a Andorra para gozar das instalacións invernais do país.

VIOLENCIA ZERO

O xoves 6 de febreiro contamos no centro co programa #VIOLENCIA ZERO a través da Deputación de Pontevedra. O alumnado de 1º de Bacharelato de Artes traballou baixo a dirección artística de Rosalía Fernández Rial para presentar aos seus compañeiros unha performance con poemas de Rosalía de Castro.

OBSERVATORIO DE IGUALDADE

Este curso 2019-20, grazas á iniciativa de diversos membros do profesorado e do alumnado, botou a andar no centro o observatorio de igualdade COMANDO IGUALDADE. Tras varias reunións nos recreos durante o primeiro trimestre, comezamos a formación.

Esta primeira xornada formativa foi impartida por Priscila Retamozo, politóloga e formadora en igualdade de xénero. Foi unha interesante xornada. O alumnado e o profesorado compartiu no salón de actos esta xornada formativa.

O vindeiro luns 17 de febreiro volveremos retomar esta formación con Priscila.

DIFUSIÓN PIALE 2019

Profesores participantes: Eva Abal Vidal e Mario Muñoz Rodríguez

 

PRESENTACIÓN

XORNADA DE PORTAS ABERTAS FACULTADE DE INFORMÁTICA - A CORUÑA

 

 

 

A Facultade de Informática da Coruña invita estudantes, profesorado e familias a unha xornada de portas abertas o día 8 de febreiro a partir das 11. Máis información en:

https://www.fic.udc.es/gl/novas/xornada-de-portas-abertas-2020

FELIZ NADAL

00/00/
Array

Distribuir contido


by Dr. Radut