Curso 2021-2022

XORNADA DE PORTAS ABERTAS - 1 DE FEBREIRO

Enviado por Zalaeta o Lun, 24/01/2022 - 18:54

O ano pasado a xornada de portas abertas realizouse de xeito virtual. Nesta ocasión, o MARTES 1 DE FEBREIRO abrimos as portas para presentar o noso centro a alumnado que o curso 2022/2023 comece 1.° da ESO. Os horarios desta xornada son os seguintes:

 18h: CEIP Curros Enríquez

 19h: CEIP Zalaeta - CEIP Victor López Seoane

 20h: CEIP Cidade Vella - CEIP Sanjurjo de Carricarte e alumnado doutros centros (só para 1.° ESO)

*Pregamos o cumprimento das medidas sanitarias en todo momento.

blogue de Zalaeta

PROCEDEMENTO DE ADMISIÓN ALUMNADO CURSO 2022/2023

Enviado por Zalaeta o Ven, 21/01/2022 - 09:43

Curso 2021-2022

Fase de reserva de prazas en centros de adscrición:
O prazo de solicitudes abranguerá do 11 de xaneiro ao 8 de febreiro de 2022, ambos incluídos.

O alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe ou a través da aplicación “admisionalumnado” (https://www.edu.xunta.es/admisionalumnado) o formulario normalizado (ED550A) que se publica como anexo I da presente orde.

O formulario normalizado será facilitado gratuitamente nos correspondentes centros docentes e tamén estará dispoñible na sede electrónica da Xunta de Galicia, na aplicación “admisionalumnado”, e na páxina web da Consellería.

LIGAZÓN PARA MÁIS INFORMACIÓN

blogue de Zalaeta

CONSIDERACIÓNS A TER EN CONTA - NOVO PROTOCOLO COVID

Enviado por Zalaeta o Ven, 14/01/2022 - 13:57

Curso 2021-2022

Ante a nova situación epidemiolóxica, proporcionamos a seguinte información a ter en conta nos centros educativos (ver documento adxunto)

PROTOCOLO DETECCIÓN COVID19 (XANEIRO 2022)

ESTUDO DA CONTAMINACIÓN ACÚSTICA NA CONTORNA

Enviado por Zalaeta o Mér, 12/01/2022 - 15:05

O martes 21 de decembro o alumnado de 4.º ESO C que cursa a materia de Ciencias Aplicadas á Actividade Profesional realizou medicións de sonoridade nas rúas Hospital e Disciplina, ambas as dúas situadas na contorna do instituto. O obxectivo das medicións é determinar se as rúas situadas nos arredores do instituto teñen niveis de sonoridade causados polo tráfico por riba dos 65 dB (decibelios), nivel considerado pola Organización Mundial da Saúde como límite inferior a partir do cal se considera que hai contaminación acústica.

Para facer as medicións, o alumnado empregou a App "Physics Tollbox Sensor Suite", e sensores de son de Pasco e LEGO.

A actividade enmárcase dentro do Plan Proxecta "Mobilidade sostible e segura" na que participa o centro educativo, e que ten como finalidade concienciar á comunidade educativa sobre o uso de medios alternativos de transporte seguros e non contaminantes.