Dia de Rosalía

O IES Mendiño quixo renderlle unha pequena homenaxe á nosa poeta Rosalía de Castro. Para iso, contamos coa inestimable axuda do noso compañeiro Uxío, motor dunha exposición que se situou na entrada do centro. Oito paneis que recollen versos da poeta, problemas sociais que seguimos a vivir tanto tempo despois de seren escritos. Espolios, desafiuzamentos, violacións, pobreza, emigración...

Meténdose dentro desta pequena exposición, a comunidade educativa do Mendiño sente estes problemas sociais, ecónomicos ou, sinxelamente, humanos que golpean a nosa sociedade. Literatura , arte e realidade xunguidas a prol da concienciación social.

Asemade, algúns pequenos de 1º de ESO acudiron ás aulas dos seus compañeiros maiores (4º de ESO) para lles ler poemas de Rosalía, dos que agora vos deixamos unha mostra audiovisual.