Xa sairon publicadas as datas do proceso de admisión a ciclos formativos de grado medio e superior. Para acceder a información pincha na seguinte ligazón:

Prazos de admisión a ciclos formativos

Información sobre admisión 

Os exames extraordinarios de 2º de bacharelato realizaranse desde o mércores 16 de xuño ata o luns 21 de xuño. Para acceder ao calendario podedes pinchar na seguinte ligazón:

Calendario de exames extraordinarios de 2º de bacharelato

Achegamos os modelos necesarios para reclamar as cualificacións de 2º de bacharelato. Calquera deles hai que presentalos no centro para rexistro antes da data límite. As datas límites son as seguintes:

Convocatoria ordinaria

Reclamación ante a dirección: 20 de maio ata as 14:00

Reclamación ante a Xefatura Territorial: 25 de maio ata as 14:00

Convocatoria extraordinaria

Reclamación ante a dirección: 27 de xuño ata as 14:00

Reclamación ante a Xefatura Territorial: 1 de xullo ata as 14:00

Para poder ver os distintos trámites e prazos do proceso de reclamación, poden descagar o seguinte arquivo:

Trámites e datas do proceso de reclamación das cualificacións de 2º de bacharelato na convocatoria ordinaria

Trámites e datas do proceso de reclamación das cualificacións de 2º de bacharelato na convocatoria extraordinaria

A normativa que rixe o proceso é a seguinte:

• Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato (DOG do 11 de marzo)

• Circular 2/2021 da Secretaría Xeral de Educación e Formación Profesional pola que se precisan aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en Educación Infantil, Educación Primaria, Educación Secundaria Obrigatoria e Bacharelato, para o curso 2020 2021.

A partir do venres 23 de abril de 2021, está publicada a listaxe provisional de persoas admitidas e non admitidas no IES Mendiño para o curso 2021-2022. Atópase no taboleiro anexo á administración do IES Mendiño.

Pódese presentar unha reclamación a esta listaxe nun prazo de 5 hábiles a partir do día seguinte á presentación, é dicir, até o 30 de abril de 2021. Tamén o poden consultar na aplicación de admisión de alumnado da Consellería de Educación.

Atte.

A dirección do IES Mendiño.

Temos un concurso aberto no instituto!

Todo o alumnado do IES Mendiño pode participar no concurso de creación do logo da nosa radio escolar, RQR. Está aberto até o día 15 de abril o prazo de presentación de propostas. Cada alumna/o do noso centro pode enviar a súa proposta, tanto de xeito dixital, enviando un correo electrónico ao enderezo do centro, ies.mendino@edu.xunta.gal, ou entregando a súa proposta nun sobre pechado na conserxería do centro.

Participa, crea o logo da radio RQR, e poderás gañar un dos tres premios ás mellores propostas.

Achegamos as bases do concurso.

A dirección