Xuño 2022 - Recuperación da materia pendente
Este ano, hai unha novidade importante: desaparece a convocatoria de setembro. Para quen teña suspensa a materia de 2LEF en xuño, hai outra oportunidade de cara ao 22 de xuño: tentar de acadar un 5 como mínimo entre estas 3 cousas:
- Unha proba escrita de recuperación;
- Unha ficha de traballo de casa, e
- Unha ficha de traballo de aula.
Delas tres farase a media ponderada
Novembre: Non Au Harcèlement! #NAH
Día internacional contra a violencia e o acoso na escola, incluído o ciberacoso
A violencia e o acoso escolar, incluído o ciberacoso, son frecuentes e afectan a numerosos nenos e adolescentes.
- Os Estados Membros da UNESCO designan o primeiro xoves de novembro de cada ano como Día Internacional contra a Violencia e o Acoso na Escola, incluído o Ciberacoso, recoñecendo así que a violencia no entorno escolar baixo todas as súas formas atenta contra os dereitos dos nenos e os adolescentes, a saúde e o benestar. A UNESCO fai un chamamento aos Estados Membros, asociados das Nacións Unidas, outras organizacións internacionais e rexionais e tamén á sociedade civil, incluídas as organizacións non gobernamentais, as persoas e outras partes interesadas a colaborar na promoción, organización e celebración deste día internacional.
Dende as aulas de francés, imos celebrar por vez primeira esta data: 4Nov21-FR1º 4Nov21-FR2º 4Nov21-FR3º
Recuperación da materia pendente:
"A cualificación final sae dos resultados da 1ª e 2ª avaliación". Isto quere dicir que, na práctica para a materia de 2LEF, determinarase a nota da 3a avaliación, tomando como punto de partida a media das dúas avaliacións anteriores.
a) 1ª e/ ou 2ª avaliacións suspensas :
Que fago se a miña media é negativa (é menor a 5)? Nese caso, resulta VITAL o traballo e seguimento desta 3a avaliación, xa que se pode utilizar para remontar a nota... Como? A fin de mellorar esta nota, obterase unha nota media de todos os exames, traballos e fichas entregados na 3ª avaliación; dita nota debería ser o suficientemente alta para compensar na media aritmética a mala nota anterior.
Exemplo: se teño un 4 na media ata agora... que necesito para poder compensar? - Un 6... como mínimo*!! (4+...=10 → 10/2= 5)
*[ ... e por que non esforzarse un pouco máis, e sacar agora máis nota, e así, aparte de aprobar, súbese a nota??]
b) 2LEF pendente de cursos anteriores :
Para superar a materia pendente de cursos inferiores, cómpre ter en conta que:
- A materia de 2LEF é unha materia de avaliación continua e de contidos progresivos: o que se aprende o primeiro día de clase en 1o, séguese a practicar e utilizar ata 4o. Por iso, a alguén que por exemplo teña 2LEF de 3o suspenso, pero está matriculado de 2LEF4o e a aproba, débeselle considerar a materia de 3o como superada.
Que fago se aínda así debo recuperar a materia, pois a teño suspensa igualmente?
Cómpre acadar unha nota igual ou maior a 5 para dar a materia por superada. Propoñemos facer as actividades seguintes:
- Velaquí os cadernos especiais para traballar dende a casa: Caderno de 1o Caderno de 2o Caderno de 3o
Curso 2019-20. Traballos durante o confinamento:
Actividades de traballo e repaso
16 a 30 marzo 2020- Velaquí unha selección de materiais para estes días. Podedes imprimilas para escribir sobre elas a boli/lápiz; ou descargar o documento de texto (para editalo directamente no ordenador).
De 30 marzo 2020 en diante- Debido ás presentes circunstancias, continuaremos repasando e traballando para avanzar materia dende este espazo, polo que vos aconsellamos que esteades atentos, miredes, descarguedes e traballedes as fichas. Aconsellamos tamén que de algún modo tentedes de comunicar ao profesorado os vosos avances e dificultades.
De 14 abril 2020 en diante- Continuaremos repasando e traballando para avanzar materia dende este espazo, polo que vos aconsellamos que esteades atentos, miredes, descarguedes e traballedes as fichas. Aconsellamos de novo que de algún modo tentedes de comunicar ao profesorado os vosos avances e dificultades.
Para entregar as fichas, podedescopiar, completar e pegar directamente o texto do pdf no ordenador,e logo pasades o que fagades na caixa do correo, así aforrades andar imprimindo, cubrindo e fotografando!! Por outro lado, quen queira aforrar tinta de impresora, pode tamén copiar e facer no seu caderno.
Para todas as dúbidas e consultas, enviar un correo ao departamento.
Lectura de BD: 2o ESO
- Traballo de investigación sobre un autor de banda deseñada francesa ou franco-belga. Cada alumno/a terá asignado un artista diferente (Ver listado).
O traballo consistirá na realización dunha presentación de 1-2 diapositivas sobre o autor que lle toque a cada un. MOI IMPORTANTE :
- Usarase este modelo (facer clic, descargar e gardar no ordenador co nome « Traballo BDF2º [nome e as 2 iniciais dos vosos apelidos] »). Exemplo : Traballo BDF2º Ana RR
Modelo (presentación diapositivas)
|
Atención !! Cómpre ter en conta que
a) É recomendable utilizar o modelo de presentación adxunto : aforraravos traballo e tempo, seguro !!
b) Facer un « copia-pega » de algo que hai en internet, así sen máis (sen reelaboralo, poñéndoo coas túas palabras polo menos!), non é facer un traballo, é plaxio !
c) Das obras que mencionedes, podedes tentar de buscar imaxes de portadas e interiores (diapo 2). Tamén é útil resumir nunha liña de que van (opcional, non obrigatorio).
d) Debedes indicar sempre de onde sae a información / imaxes que estades a utilizar, copiando a URL da páxina web en cuestión, para evitar o plaxio. (Isto sábeno mellor os de ITI)
|
Lectures en français / Lecturas en francés
Recordade que manteremos as mesmas liñas que estes últimos cursos: NON HAI QUE COMPRAR NINGÚN LIBRO DE LECTURA para francés, pois OS LEVAREDES EN PRÉSTAMO DA NOSA BIBLIOTECA ESCOLAR.
- Será obrigatorio ler 1 libro por trimestre en 2º, 3º e 4º da ESO. O libro escollédelo vós dentro dos fondos de lectura que temos para francés, con axuda da profesora. Recordade que teredes que facer un traballo sobre ese libro. No caso do grupo de 1º da ESO, terán que facer como mínimo 1 lectura en francés entre a 2ª e a 3ª avaliación.
- Recordade que os libros de lectura están divididos por niveis, e separados por grupos, con separadores metálicos!!
- Estamos a renovar os nosos fondos de lecturas, así que estade atentos ao panel de novidades da nosa Biblioteca ou aos andeis de lingua francesa!
- Velaquí tendes unha guía para realizar os vosos traballos
Nota: Aqueles alumnos que esteades interesados en curiosear nos catálogos de lecturas en francés e queirades escoller os próximos libros que se adquiran para o noso fondo de lecturas, falade coa profesora!
Commentaire musicale/ Comentario musical
Para facer un bo comentario da música que se vos propón, deberiades:
1- Escoitar ou ver con atención cada video, e irvos quedando co que máis vos gusta do lote
2- Buscar a información de cada grupo/ artista en internet (Ollo! é altamente probable que teñades que consultar en páxinas en francés)
3- Para facer o comentario, debedes enfocalo de un en un, pois todos os temas son de autores diferentes. Logo, seguide as indicacións para o
traballo de comentario dun CD normal
4- Podedes comentar calquer curiosidade que acaia, e que poida enriquecer o comentario, como por exemplo, falar do aspecto visual do clip.
Velaquí unha guía xeral de como facer os traballos.
Comment faire un bon travail (Como facer un bo traballo)
Velaquí unha serie de vídeos que vos explican EN FRANCÉS como facer un traballo de calidade. Por se a alguén lle axuda!! 
L'internet (Vrai ou Faux?)
Travail de révision (traballo de repaso)
Neste apartado, que está copiado e extraído da sección "material complementario para o estudo", podedes atopar unha serie de traballos que podedes utilizar para repasar a materia explicada na clase. Non dubidedes en abrilos, descargalos, imprimilos... etc. para o voso repaso.
Ce(tte) œuvre est mise à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.
Révisions pour septembre 2019 (Repaso para setembro 2019)
Velaquí os cadernos de repaso para setembro 2019:
Caderno de 1º Caderno de 2º Caderno de 3º Caderno de 4º
Besoin d'aide pour préparer les examens? - Necesitades axuda para preparar os exames?
Se queredes prepararvos ben e repasar para un exame, non esquezades pasarvos pola sección do "material complementario para o estudo", alí podedes atopar algo de axuda!
Aviso para os que queren repasar a conxugación: hai fichas de repaso no material complementario para o estudo, e nesta ligazón.
3ºESO 2ºESO - FAO 1ºESO
Journée internationale du livre 2018
Celebramos en clase o Día do Libro traducindo o texto de Fran Alonso agasallado ás Bibliotecas Escolares. Velo aquí.
French Connection! 
Volvemos coa « French Connection » en Radio Areal 7, a radio dos recreos do Lamas. Neste programa, que vai ser cociñado entre todos os alumnos de francés, con algo de axuda da profesora, escoitaremos música francesa e francófona. Se queredes participar na elección das cancións, isto é o que tendes que facer: escoitar e escoller algún tema válido, e logo redactar unha pequena presentación da canción e do artista (os datos máis xerais ou salientables) en galego. Para iso, ou ben o autor é francés (independientemente de en que lingua estean os seus temas), ou ben a canción está en francés, en caso de non ser o autor de orixe francófona. Para que poñamos a vosa canción, poñédevos en contacto con nós!
Por se non sabedes moi ben como buscar ou atopar cancións e artistas francófonos, aquí tendes algunhas suxestións clasificadas por estilos musicais.
Para os que botedes de menos as anteriores suxestións, seguide a ligazón. Escoitade e descubride a FC!
Avisos! Alumnado de 3º e 2º ESO
Necesítanse máis cancións para ir preparando os guións dos vindeiros programas de FC (French Connection). Ideas:
A) Programa monográfico con adaptacións ao francés de cancións que orixinalmente estaban noutras linguas (español, inglés, italiano...). Hai varias rapazas francesas que fan isto e suben os seus vídeos a Youtube, e o fan moi ben!
B) Programa sobre os clásicos da chamada "chanson française". Podedes buscar nomes aquí.
C) Programa monográfico sobre a "french touch" e a música electrónica francesa.
Avril : mois du livre !
Este mes, como xa saberedes celébrase o 23 de abril o Día Internacional do Libro (e dos dereitos de autor). Non queremos permanecer alleos a esta celebración, e por iso desexamos contribuír con esta data tan sinalada.
Queremos saber quen son os e as autores máis importantes da literatura francesa (en calquera das súas manifestacións: poesía, prosa, ensaio, teatro), e, de paso, coñecer as súas obras máis coñecidas.
-
Como? Para participar nesta actividade, isto é o que tendes que facer: buscade información na rede sobre as obras e os autores máis importantes en lingua francesa, escollede un, e logo, redactade segundo o esquema e en forma de diapositiva unha pequena presentación súa (os datos máis xerais: datas e lugares de nacemento/ morte; obras máis coñecidas), todo en galego e a ser posible, con imaxes. Para iso, descargade o modelo de presentación aquí adxunto. Importante: non esquezades mencionar como bibliografía a-s páxina-s de onde sacastes a información!
Septembre: révision juste avant l’examen.
Como xa toca facer o exame, e sabendo que moito do que vos acordades ten que ver cos repasos que se fan o día antes do exame, vos propoño unha serie de preguntas aquí para que saibades se vades ben preparados para recuperar en setembro. Recordade que o éxito sempre ten que ver co traballo CONSTANTE, así que se o fostes nos vosos repasos este verán, non debería haber problema.
Moito ánimo, e sorte a tod@s!!
Velaquí vos van as cuestións (organizadas por niveis). Tende en conta que as de niveis inferiores tamén vos poden ser útiles para os niveis superiores!!
1e ANNÉE
2e ANNÉE
3e ANNÉE
