Equipo de Dinamización da Lingua Galega

Martes 27 de setembro de 2022

Roteiro pola Coruña modernista 

Este pasado luns 26 de setembro un grupo de profesores e profesoras participou no roteiro A Coruña modernista, organizado polo Departamento de Xeografía e Historia, en colaboración co EDLG. O profesor Abel Fernández Maroño foi o encargado de explicar a historia dos edificios máis emblemáticos deseñados nese estilo artístico, construídos na cidade herculina nos primeiros anos do século pasado. Resultou moi interesante porque, á parte da información histórica achegada, serviu tamén para recrear curiosas anécdotas relativas á flora dos Xardíns de Méndez Núñez, costumes cotiás das mulleres doutrora, modas provenientes de ultramar ...... Mesmo algún dos asistentes tamén comentou curiosidades de certos nomes das rúas que antes foran castelanizados, pero que recuperaron a toponimia orixinaria galega e que explican moitos detalles da historia da nosa cidade, como a rúa Alcabaleiros, que eran os que cobraban as alcabalas (os tributos que os vendedores lles pagaban ao fisco nos contratos de compravenda e os dous contratantes, no de permuta). Tamén a profesora de Lingua galega e literatura Beni Vidal comentou a malfadada Casa Viturro, ao redor dun episodio de violencia machista acontecido nela hai moito tempo, que xa recrea a escritora Antía Yañez en Senlleiras. Esta lenda negra presente nesta edificación queda patente ou rexistrarse outro infortunio hai poucos anos. En resume, un roteiro moi interesante, que mesmo puideron seguir os participantes con cadanseu folleto explicativo, na tradución e confección do cal colaborou o EDLG. Aquilo que dixera Viente Risco de que : “Ti dis: Galicia é ben pequena. Eu dígoche: Galicia é un mundo”, sen ningunha dúbida podería aplicárselle á nosa cidade, porque descubrimos nunha hora de roteiro un mundo de historia sobre a universalidade da nosa urbe. 

                                                         Teresa Pastor Novo (Coordinadora do EDLG)                                                                                                                                                                                                                    

6 de xuño de 2022

O Equipo de Dinamización da Lingua Galega organizou para o alumnado de Tecnoloxía de 1° de bacharelato unha actividade de saída pola cidade 

"Probando a aplicación móbil"

para comprobar o funcionamento e disfrutar das actividades deseñadas polo alumnado, dentro do proxecto "A cidade da Coruña convértese no noso taboleiro de xogo".

O alumnado de Tecnoloxía disponible probou as mellores aplicacións deseñadas polos diferentes grupos, acompañados polo profesor da materia, Serxio Gómez Recouso, as profesoras do departamento de Lingua galega Dulce Fernández Graña e Estefanía González Álvarez, e a coordinadora do EDLG M. Carme Edreira García.

A actividade resultou moi positiva para os distintos grupos.

O EDLG agasallou aos grupos que elaboraron as aplicacións máis valoradas cunha novela do excelente novelista Domingo Villar, recentemente falecido.

A aplicación máis valorada foi: 

"Club dos famosos mortos",

elaborada por Antía Sardiña García, Paula Díaz López e Sabela Lozano Rodríguez (1° D).

A segunda foi: 

" Crime na Coruña", elaborada por Marta Trabazo Barros e Simón García Franco (1° E).

Parabéns ao alumnado premiado, en primeiro lugar,  e ao resto do alumnado de Tecnoloxía, polos fantásticos traballos deseñados e realizados.

Gañadoras do 1° premio:Paula Díaz, Sabela Lozano e Antía Sardiña:

Co gallo da celebración da festa do Samaín 2021, o Equipo de Dinamización da Lingua Galega organizou a tradicional actividade de decoración das portas das aulas dos grupos de Ensinanza Secundaria Obrigatoria. 

O venres 28 como se anunciara, un esixente xurado, composto pola directora, coordinadora do EDLG, varios membros do profesorado e un membro do alumnado, valoraron as portas.

Resultou premiada, despois de arduas deliberacións a porta do grupo 3° ESO C, titoría de Paulo Carballada.

O alumnado foi premiado cunha bolsa de chuches e a correspondente medalla.

Máis fotos na ARTESA DO EUSEBIO

O xoves 20/06/2019 foron entregados pola Directora do centro, Isabel Ruso, e a Coordinadora do EDLG, Mª Carmen Edreira, os premios do CERTAME DE FOTOGRAFÍA organizado polo EQUIPO DE DINAMIZACIÓN DA LINGUA GALEGA para o curso 2018/19, que foron concedidos polo xurado reunido o pasado 13/06/2019, ao alumnado seguinte:

• Guillermo Belmonte Marín, alumno de 2º ESO B, na categoría A (1º e 2º de ESO)
• Fuco González Prego, alumno de 4º ESO C, na categoría B (3º e 4º de ESO)
• Lucía Vaamonde López, de 1º bacharelato C, na categoría C (Bacharelato e adultos)

Asimesmo foi entregado á mesma alumna de 1º de bacharelato C, Lucía Vaamonde López, o ACCÉSIT ao CONCURSO DE LOGO DO EQUIPO DE DINAMIZACIÓN DA LINGUA GALEGA, organizado polo EDLG.

Parabéns aos premiados e agradecemento do EDLG ao alumnado participante en ambas convocatorias, esperando a mesma colaboración cara ao vindeiro curso.