Día das matemáticas
Con motivo da celebración do día escolar das matemáticas o alumnado da ESO do IES Escolas Proval, coa axuda do profesorado de matemáticas, construímos ao longo de tres semanas (Abril e Maio) :
• Unha esponxa de Menger
• Un triángulo e unha alfombra de Sierpinski
• Unha teselación rómbica
• Un cartel do día das matemáticas.
E o resultado foi exposto na planta baixa do instituto.
Para construír dúas esponxas de Menger-Sierpinski de nivel 2 (fractal (*) en 3 dimensións), tiveron que recortar e pegar 320 cubiños e 160 prismas de cartulina.
Por outra banda utilizaron GeoGebra para construír o triángulo e a alfombra de Sierpinski (fractais en dúas dimensións).
Con este proxecto pretendemos visibilizar as matemáticas recreativas e promover o traballo colaborativo entre o alumnado.
(*) Un fractal é un obxecto cuxa estructura básica se repite a diferentes escalas. É dicir, por moito que nos acheguemos ou afastemos do obxecto, observaremos sempre a mesma estrutura. Na natureza podemos atopar numerosos exemplos: o brécol romanesco, o sistema circulatorio, a liña da costa, a forma das nubes ...
Os fractais Sierpinski:
Triángulo de Sierpinski |
|
Alfombra de Sierpinski |
|
Esponxa de Menger -Sierpinski |
Selecciona a fotografía inferior para ver o álbum completo da actividade