O laboratorio de física e química foi escena dun crime. ¿Que ocorreu?

O alumnado do Club de Ciencia, tras a análise de sangue, pegadas, tinta de rotulador, mensaxes ocultas, análise de caligrafía e separación de mesturas resolveu o misterio. Puideron comprobar os resultados no departamento da policía coa análise de ADN e outras achegas á investigación.

Na primeira parte da sesión puidemos observar con axuda de laca de uñas e os microscópios os estames de diversas follas. Na segunda parte da sesión realizáronse cromatografías de espinaca e remolacha para observar os distintos pigmentos presentes.

Nesta sesión tivemos a oportunidade de contar coa colaboración de Celestino Quintela Sabarís que dende Borneo, onde está a facer unha estancia como investigador Marie Curie compartiu con nos tanto o seu traballo científico como a súa experiencia persoal.

Nesta sesión traballamos o solo para coñecer un pouco mais sobre a súa riqueza. Nunha primeira parte realizamos unha serie de actividades para investigar as propiedades do noso solo: visualización dun vídeo sobre as características do solo, visualización microscópica da vida no solo, experimento para comprobar a capacidade de filtración do solo, experimento para comprobar a presencia de materia orgánica no solo e experimento para comprobar as consecuencias do solo queimado.

Nunha segunda parte da sesión realizouse unha sementeira de céspede en distintos medios para comprobar na próxima sesión as consecuencias da contaminación do solo.

Experimentouse con diferentes sales para observar a emisión de luz de diversas cores, iniciándose no coñecemento dos átomos. Empregáronse bórax e cloruros de sodio, ferro, estroncio, calcio, disoltos en metanol. Empapamos un algodón en cada disolución e despois predémoslle lume, observando chamas vermellas, verdes, azuis, laranxa…

Nunha segunda parte desta sesión, preparáronse pastillas ben compactadas con bicarbonato, azúcar e etanol, ás que posteriormente lles prendemos lume, observando durante a reacción de combustión a formación desa “serpe negra”.

A primeira parte desta sesión dedicámola a maxia matemática. Contamos coa colaboración da nosa compañeira do departamento de matemáticas Paula Blanco, quen nos ensinou un truco de maxia moi entretido empregando o sistema binario de numeración como base. Ao finalizar a sesión o alumnado e profesorado recibiu como obsequio as cartas para poder realizar o truco e poñer en práctica todo o aprendido na sesión.

Esta derradeira sesión do primeiro trimestre dedicámola a ciencia no nadal, onde o alumnado e profesorado do Club de Ciencia construíu un triángulo de Sierpinski con latas reutilizadas onde se deu a coñecer o matemático polaco Waclaw Sierpinski que creou varios obxetos fractales, entre eles o coñecido triángulo de Sierpinski.

O alumnado do Club de Ciencia puido desfrutar dunha noite moi especial coa colaboración do observatorio Ramón María Aller da USC.

A esta actividade ademais do alumnado do Club puideron achegarse as familias, onde se observou Xúpiter, Saturno e a lúa.

Unha actividade con moito éxito que esperamos poder repetir axiña.

Con motivo da Semana da Ciencia 2023 o Club de Ciencia do IES Eduardo Pondal organizou unha feira de ciencia que o alumnado de 1ºESO tivo o privilexio de visitar.

Nesta feira realizáronse experimentos moi diversos dos que podemos destacar a extracción do ADN, simulación de membranas celulares con pompas de xabón, visualización no microscópio, diversas reaccións químicas, determinación do pH con con lombarda, fluorescencia, efecto coanda, punto de equilibrio ou experiencias vistosas relacionadas coa tensión superficial.