Entrega de notas
As notas enviaranse a través de ABALAR e repartiranse en man o día 19 de maio a segunda hora (9:35 h.)na aula de 2º Bacharelato.
Título de Bacharelato
As persoas que titularan teñen que solicitar a expedición do seu título para o cal terían a seguinte tarifa que teñen que facer efectiva: 54 €, ou 27,03 (familia numerosa categoría xeral)
ABAU 21-22: 7-8-9 de Xuño
-
MATRÍCULA ORDINARIA
PRAZO E PROCEDEMENTO
-
A prematrícula debe ser realizada polo alumnado no seu IES do 19 ao 23 de maio.
-
Esta prematrícula farase a través da aplicación Nerta (https://www.edu.xunta.es/nerta/).
-
Coa prematrícula xérase unha conta de usuario en Nerta e cada estudante recibe os datos de acceso no seu correo electrónico.
-
Con estes datos, e despois de activar a conta, o alumnado pode acceder a Nerta e realizar o pagamento das taxas de 2 formas:
-
Telemática: utilizando unha tarxeta de crédito. Este pagamento xa se reflicte de forma automática en Nerta, sen necesidade de enviar xustificante.
-
Presencial no banco: Se decide realizar o pagamento a través de ABANCA, debe imprimir o impreso de liquidación.
-
Unha vez aboados os prezos deberase entregar copia do xustificante de ingreso no IES para que reflicta a realización do pagamento en Nerta.
-
Os centros de Educación Secundaria enviarán por medios electrónicos ao LERD correspondente a documentación entre o 24 e 25 de maio.
QUEN PODE MATRICULARSE
Poderá matricularse no prazo de Matrícula Ordinaria: o alumnado de centros da C.A. de Galicia que teña superado o Bacharelato na convocatoria ordinaria (maio) deste curso 2021/22: todas as materias superadas de 1º e 2º BAC.
PREZOS TAXAS ABAU
De conformidade co disposto no Decreto 103/2021, de 1 de xullo, polo que se fixan os prezos públicos pola prestación de servizos académicos e administrativos nas universidades do Sistema Universitario de Galicia para o curso académico 2021/22, o importe do prezo de matrícula para estas probas é de: 63,67 euros.
Serán de aplicación as exencións establecidas no artigo 12 do Decreto 103/2021:
-
Os beneficiarios/as de Familia Numerosa de Categoría Xeral e de Familia Numerosa de Categoría Especial deberán achegar, no momento da matrícula, xunto co xustificante bancario, fotocopia cotexada do carné de Familia Numerosa vixente no prazo da matrícula.
-
A condición de persoa con discapacidade (>=33%), acreditarase no momento de formalización da matrícula coa correspondente resolución administrativa do órgano competente da Comunidade Autónoma pola que se recoñecese a condición vixente no prazo de matrícula.
-
A condición de vítima de acto terrorista acreditarase no momento de formalización da matrícula coa correspondente resolución administrativa pola que se recoñecese a condición, vixente no prazo de matrícula.
-
A condición de vítima de violencia de xénero acreditarase no momento da formalización da matrícula, mediante calquera das formas previstas no artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
O xoves 19 de maio, tras a entrega de notas, as persoas que se presenten ás ABAU recibirán axuda para inscribirse no NERTA, explicar as instrución das ABAU e demais cuestión de interese.
Documentación necesaria:
-
DNI
-
CONTA DE CORREO ELECTRÓNICO
-
Se sodes familia numerosa ou tedes certificado de discapacidade, debedes traer a documentación explicada no punto anterior.