INFORMACIÓN PARA AS FAMILIAS (Actualización 19 de Abril)
Estimadas familias:
A Consellería de Educación, Universidade e Formación Profesional publicou o pasado venres 17 de abril no seu portal web un documento no que indica as Orientacións provisionais para o desenvolvemento do terceiro trimestre do curso 2019/2020.
De todos os xeitos, é importante ter en conta que se especifica claramente que a Consellería está á espera da publicación da normativa estatal para elaborar o documento definitivo.
(Información: 28 de marzo)
Segundo as instrucións do día 27 de marzo, dirixidas ás direccións dos centros educativos de ensino non universitario, sobre a concreción das medidas a adoptar en relación coa avaliación do segundo trimestre indicamos que:
1) A efectos de dar continuidade no calendario escolar, o IES Chano Piñeiro procederá a formalizar o peche da avaliación do segundo trimestre antes do venres 3 de abril.
2) Non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma.
Neste sentido, comunicamos que os titores e titoras dos distintos grupos poñeranse en contacto coas familias para artellar o método a través do cal lles farán chegar os boletíns de cualificacións antes do citado 3 de abril.
Sen perxuízo do anterior, aconsellamos descargar a aplicación ABALARmóbil para recibir ditas cualificacións no teléfono móbil. Na seguinte ligazón tedes acceso á guía sobre esta aplicación editada pola Xunta de Galicia: Guía AbalarMóbil
(Información 22 de marzo)
TODAS AS AULAS VIRTUAIS DAS DISTINTAS MATERIAS E CURSOS ESTÁN ACTIVAS E A PLENO FUNCIONAMENTO. POLO TANTO, O ALUMNADO XA TEN AS TAREFAS ASIGNADAS COS PRAZOS RESPECTIVOS DE ENTREGA E TODO O PROFESORADO ESTÁ Á SÚA DISPOSICIÓN PARA RESOLVER CALQUERA DÚBIDA OU PROBLEMA QUE POIDA XURDIR NO REFERENTE A DITAS TAREFAS.
LEMBRAR QUE A CONEXIÓN A DITAS AULAS VIRTUAIS FAISE A TRAVÉS DO CORREO CORPORATIVO DO CENTRO QUE TEN TODO O ALUMNADO (@ieschp.com)
PARA COMUNICAR CALQUERA INCIDENCIA OU PROBLEMA PARA ACCEDER A ESTAS AULAS PODEN FACELO NO TELÉFONO 886 151 228.
CONSELLOS PSICOLÓXICOS PARA LONGOS PERÍODOS DENTRO DA CASA
En cumprimento do Real Decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19
INFORMAMOS QUE:
1) O centro permanecerá pechado á atención directa ao público ata o fin do período de validez do citado decreto. Calquera comunicación farase a través do correo electrónico do centro ies.chano.pineiro@edu.xunta.gal
2) A atención telefónica por parte do equipo directivo manterase no teléfono 886 151 228 en horario de 10:00 a 13:00 horas. Fóra dese horario, atenderemos calquera incidencia ou urxencia referida ao desenvolvemento das clases telemáticas.
3) Todos os trámites administrativos están suspendidos e adiados, incluído o proceso de admisión de alumnado.
4) O profesorado do IES Chano Piñeiro manterá contacto co seu alumnado mediante o correo corporativo do centro (@ieschp.com) ou outros medios telemáticos (aulas virtuais) co fin de orientalos, tutelalos e facer o seguemento das propostas educativas que se establezan durante este período de suspensión da actividade lectiva presencial.
5) Calquera incidencia na comunicación co profesorado deberá ser posto en coñecemento da Dirección do centro a través das canles indicadas anteriormente.
6) Por último, e polo ben de tod@s, #QUEDANACASA
Manterémol@s informad@s de calquera novidade que se puidera producir a través desta páxina web!
INFORMACIÓN SOBRE A ALERTA SANITARIA POR CORONAVIRUS
