Taboleiro

Comezo de curso 2020-21

(31/08/2020)

Cambio nas datas de comezo de curso: 

  • 1º e 2º ESO: mércores, día 23 de setembro
  • 3º ESO: xoves, día 24 de setembro
  • 4º ESO: venres, día 25 de setembro 

Instrucións definitivas por parte das autoridades educativas  fronte á pandemia de Covid-19.

Seguimos traballando na optimización das medidas organizativas e didácticas, así como na previsión dos diferentes escenarios cos que nos poderemos atopar durante o curso que iniciamos.

Solicitamos e agradecemos de antemán a colaboración e boa disposición de toda a comunidade educativa.

O equipo directivo.


Mostra de actividades complementarias do curso 19-20

(1/07/2020)

Durante este curso fixéronse moitas actividades nas que o alumnado puxestes en xogo as vosas capacidades creativas: Samaín, magosto, horta escolar, Día da Paz, Quérote+, Entroido, concursos da biblioteca,... Moitos destes traballos recóllense no blog "Queremos facer" dos plans Proxecta, nos que colaboran diversos departamentos do centro. Aquí vos deixamos, ben á man, o enlace, para que lle botedes un ollo e lembredes todos eses bos momentos es os vosos excelentes traballos:

Queremos facer


Publicada a revista do curso 2019-2020

(25/06/2020)

Lembranzas 2019-2020

Publicada a revista LEMBRANZAS 2019-2020

Case sen darnos conta, xa pasou outro curso. Un curso que resultou ser moi diferente debido á situación de suspensión das clases dende o 13 de marzo, pero, pese a todo, a nosa revista anual non podía faltar á súa cita. Este ano, adaptando o seu formato ás necesidades do momento, publícase exclusivamente en formato dixital, pero ven coma sempre chea de lembranzas.
Aquí vos deixamos o enlace. Desfrutádea!!

LEMBRANZAS Curso 19-20


As mulleres nas Tecnoloxías da Información e da Comunicación

(25/05/2020)

O pasado 23 de abril celebrouse o Día Internacional das Mulleres nas TIC. Co motivo desta celebración, os departamentos de Tecnoloxía, Matemáticas e Orientación, elaboraron este xogo de Escape Room para dar a coñecer algunhas mulleres adiantadas ao seu tempo, que destacaron e lograron importantes innovacións no mundo das TIC.
Animádevos a coñecer un pouco da vida e dos logros destas mulleres. Aquí vos deixamos o enlace:

Mulleres pioneiras no mundo das TIC


Catabois lembra Ricardo Carvalho Calero

(15/05/2020)

Como xa saberedes, o 17 de maio é o Día das Letras Galegas. Este ano o autor homenaxeado é Ricardo Carvalho Calero. Algunhas e algúns de vós tivestes a oportunidade de coñecer un pouco este intelectual ferrolán nun obradoiro e roteiro que tivemos alá por febreiro e marzo.
Mais as circunstancias de emerxencia sanitaria fixeron que todo se paralizase e moitas actividades tiveron que cancelarse; de feito as celebracións deste día adiáronse para o 30 de outubro.
Alén das tarefas que estades a elaborar dende a casa, e outras que irán chegando, os departamentos de Lingua Galega e Tecnoloxía elaboraron un xogo (escape room) co que poderedes ver algúns apuntamentos sobre a súa vida. Aquí vos deixamos o enlace:

Unhas pegadas pola biografía de Ricardo Carvalho Calero


12 de maio, Día Internacional das Mulleres Matemáticas

(12/05/2020)

Hoxe conmemórase o nacemento de Maryam Mirzakhani, que en 2014 gañou a Medalla Fields (que é como o Nobel en Matemáticas). Nos 85 anos que leva concedéndose este galardón foi a única muller que a recibiu.

A Comisión de Mulleres e Matemáticas da RSME organizou actividades para conmemorar este día, unha delas é un xogo de escape room ao que podedes acceder aquí:

El pasillo del olvido recordado

Dende o Departamento de Matemáticas animámosvos a botar un anaco entretidos resolvendo varias probas que implican a grandes matemáticas da historia, desde Hypatia a Sophie Germain ou Maryam Mirzajani.

Boa fuxida!!


Écouter le français avec Célia.

(30/04/2020)

Aínda que a nosa auxiliar de conversa volveu á súa terra debido á situación que atravesamos, segue con nós na distancia e continúan as súas actividades!

O departamento de francés está encantado de comunicarvos que todos podedes ter acceso aos vídeos de Célia, a través da súa canle de Youtube. Aquí vos deixamos o enlace

Écouter le français avec Célia

Moitas grazas e saúdos, Célia!


Feliz día do libro!

(23/04/2020)

Robots lectores 

Para celebrar o Día do Libro como facemos cada curso, pero nesta situación de confinamento, a Aula de Robótica do IES de Catabois propón a todo o alumnado un

concurso fotográfico

a través de Instagram en relación co tema anual da biblioteca "Ciencia e literatura".

Durante toda esta semana, ata o día 30 de abril, podedes subir unha fotografía na que se poida ver un libro xunto con algo relacionado coa ciencia. Na publicación hai que etiquetar a @roboticatabois e @iesdecatabois e empregar os hastags #yomequedoencasa #cienciayliteraturaiesdecatabois.

Concederanse dous premios dotados co agasallo dun libro á foto con máis likes e á foto máis orixinal segundo o criterio do xurado.

Os que non teñades Instagram e queirades participar igualmente no concurso á fotografía máis orixinal, tamén podedes enviar as vosas instantáneas á dirección de correo ies.catabois@edu.xunta.es indicando no asunto "Concurso fotográfico Día do Libro".

Animádevos a participar e felices lecturas!


Presentación do taboleiro

Abrimos este espazo para que sirva como lugar de encontro tanto para o alumnado que está actualmente no centro, como para os/as ex alumnos/as que queiran comunicarse connosco.
Para publicar calquera cousa basta que mandedes un correo á dirección ies.catabois@edu.xunta.es
Podedes incluír arquivos adxuntos con fotos ou o que queirades.

La música para todos

Hola compañeros, profesores, y padres que leais esto.

La verdad es que me parece que esto está tan vacío que había que darle un toque, Sonriente

En fin, la música para todos creo que es un concepto con el que quiero expresar que la música es algo tan delicioso y tan bonito que se tiene que poder compartir con aquellas personas que quieres o aprecias.

Sinceramente, soy una persona a la que le gusta casi cualquier tipo de música, desde la clásica hasta el heavy metal, así que me permito el atrevimiento, de invitaros a todos los que leais esto a escuchar cualquier clase de música, por ejemplo, si os gusta el heavy, no es cerreis al resto de la música, porque aunque ese sea vuestro género favorito, pueden gustaros más, y así con todo.

En fin que este es el primer artículo que escribo, espero que os haya gustado,

un beso

Andrea 4ºA

Distribuir contido