Blogue deadmin

No documento adxunto están as prazas vacantes para o curso 2020-2021

Achegamos información sobre as solicitudes de admisión para alumnado novo que se queira incorporar ao noso centro. 

A solicitude farase, preferentemente, de xeito electrónico. De necesitar acudir ao centro, pregamos pidan cita no teléfono 886120429.

A zona de influencia do IES Carlos Casares pódese consultar premendo neste enlace: zona de influencia

Estimadas familias:

O xoves 4 de febreiro de 2021, dende as 18 horas ata as 20 aproximadamente celebrarase on line, a través da plataforma Cisco Webex, unha charla a cargo de Raquel Pedrouso, facilitadora de procesos de aprendizaxe e Coaching executiva e de equipos. Falará sobre por que desenvolver a Intelixencia Emocional nas familias, sobre as emocións básicas e a identificación, regulación e expresión emocional. Intentará dar tamén as claves para potenciar a saúde e benestar emocional das familias. Esta charla enmárcase no programa Educación Responsable, da Fundación Botín,  que se desenvolve no noso centro nos cursos de 1º, 2º e 3º da ESO. As familias deses cursos recibiron por AbalarMobil o enlace para acceder.

Un saúdo.

A Xunta acaba de publicar a orde do 6 de novembro de 2020 pola que se regulan os criterios e o procedemento de distribución de mascarillas entre o alumnado matriculado nos centros educativos.

Alumnado destinatario:

1. Alumnado beneficiario da axuda para adquirir material escolar. (IMPORTANTE: ESTE ALUMNADO NON TEN QUE ENTREGAR NADA. A ADXUDICACIÓN DAS MÁSCARAS É AUTOMÁTICA)

2. Alumnado non beneficiario da axuda para adquirir material escolar por diferentes circunstancias pero:

- pertencente a familias cuna renda per cápita igual ou inferior a 6000 euros.

- suxeito a tutela ou garda da Xunta de Galicia ou teña unha discapacidade igual ou superior ao 65%, con independencia da renda da unidade familiar. 

O prazo de presentación de solicitudes remata o 27 de novembro.

No seguinte enlace está toda a información. 

https://www.xunta.gal/dog/Publicados/2020/20201113/AnuncioG0598-061120-0...

Seguindo a Resolución do 30 de setembro de 2020, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos, mañá, xoves 22 de outubro, ás 11:30, no despacho de dirección farase o sorteo público para a elección da Xunta Electoral, que será a encargada de aprobar e publicar os Censos electorais, concretar o calendario electoral, admitir e proclamar candidaturas, e ordenar, en xeral, o proceso electoral. Esta Xunta Electoral está formada pola persoa directora do centro, unha persoa representante das familias, un representante do profesorado, un representante do persoal de administración e servizos, e un representante do alumnado. 

Estimadas familias:

Cando comezou o curso informámosvos do compromiso deste equipo directivo en facer todo o posible por levar o curso de 1º de bacharelato ao ensino presencial. Hoxe podemos anunciarvos con grande ledicia que a vindeira semana esperamos ter todo preparado para acoller a todo o alumnado de 1º de bacharelato diariamente. As obras para facer aulas máis grandes están en marcha neste momento e agardamos que a partir do xoves 15 de outubro todo o alumnado deste curso volva ao ensino presencial. 

Moitísimas grazas pola vosa comprensión durante todo este tempo.

Un saúdo do equipo directivo.

Recordatorio para mercar on line os wokbook da materia de lingua inglesa.

1º y 2º ESO: editorial Macmillan
http://www.tienda.macmillan.es/
Este es el cupón CASARESPULSE25 que pueden usar los alumnos en www.tienda.macmillan.es para la compra del workbook digital de Pulse 1 y 2. El cupón estará activo del 29 de junio al 30 de septiembre

 
3º y 4º ESO: editorial Burlington Books
https://burlingtonbooks-onlineshop.es/
 
 
1º y 2º de Bachillerato: editorial Oxford
 Al realizar la compra, tienen que escribir el nombre del centro y automáticamente se les realiza el 10% de descuento.
https://tienda.oupe.es/oxford/ShowHelpPage.action

Na seguinte ligazón pódese atopar axuda para acceder  á información dispoñible na web do centro , así como a axuda necesaria para empregar as ferramentas tecnolóxicas imprescindibles para este curso 2020-21.

Horario de presentación dos cursos:

O mércores 23 de setembro presentaranse os grupos de 1º ESO, 2º ESO e 1º de Bacharelato co horario que se indica a continuación.

1º BACHARELATO: 9:00

1º ESO: 10:30

2º ESO: 12:30

O xoves 24 será a presentación do alumnado de 3º ESO e 2º BACHARELATO co horario que se indica a continuación.

3º ESO: 9:30

2º Bacharelato: 11:00

O venres 25 será a presentación de 4º ESO.

4º ESO: 9:30