Skip to Content

ERASMUS + RATE

Encontro con centros galeses e polacos

O encontro tivo lugar no salón de actos do noso centro. Preme na imaxe para ver a noticia no Diario de Ferrol

Visita de profesorado de Gales e Polonia

Hoxe recibimos a un grupo de profesores e profesoras dos centros de Gales e Polonia que participan con nós nun proxecto Erasmus + baseado na temática STEM (Science, Technology, Engineering and Mathematics). Estiveron acompañados por membros do CFR de Ferrol e de directores de centros da comarca que están no mesmo programa.

Ademais de visitar as instalacións, incluídas as aulas Abalar durante o tempo de clase, asistiron á charla que deu a directora sobre os aspectos máis característicos do centro, especialmento do Sistema de Xestión da Calidade no que levamos traballando máis de dez anos. Para rematar a xornada ofrecéuselles un xantar na cafetería do centro.

Algúns momentos da xornada:

 

 

  

 

 

 

Viaxe a Varsovia

A directora, Irene Mira, e o responsable das TICs, Jesús García, viaxaron esta semana a Varsovia xunto con representantes do CFR Ferrol (coordinador do proxecto) e dos outros tres institutos da comarca que participan no Erasmos + KA2.

Aquí tiveron a oportunidade de visitar diferentes centros educativos e de intercambiar novas experiencias como xa se fixera en novembro en Gales.

En xuño tocaranos a nós de exercer de anfitrións.

 

 

Visita de profesorado de Gales

Nove docentes do Crickhowell High School (Gales) visitaron hoxe o noso centro para participar na actividade: job shadowing (observación docente). Aquí tiveron a oportunidade de coñecer as diferentes dependencias e de participar nunha clase de 1º ESO.

O alumnado amosouse encantado coa visita e dispensoulles unha calurosa acollida; pola súa parte o profesorado visitante valorou de forma moi positiva a experiencia.

La voz de Galicia

ERASMUS + KA2

ERASMUS + KA2 é un proxecto europeo que xurdiu da detección, non só en Europa, senón por varias Axencias Internacionais, da necesidade de desenvolvemento dunha serie de habilidades denominadas STEM (Science,Technology, Engineering, Math).

Este proxecto céntrase na incorporación das competencias dixitais a través do currículo e, concretamente, nas materias STEM como medio para inspirar aos rapaces.

Os participantes, así como a información sobre os mesmos, pódese ver a través dos seguintes links.

CFR de Ferrol

IES As Telleiras

CPI de Atios

IES de Fene

IES Fraga do Eume 

Concello de Cardiff

Concello de Varsovia

WCIES

Thornhill Primary School

Cadoxton Primary School

The Bishop of Llandaff

Szkola nº280

Gimnazjum 49

Consellería de Educación e Cultura

Visita a Cardiff

Dentro do proxecto Erasmus+ KA2 RATE no que participa o IES As Telleiras, dous representantes do centro, Jesús García e a directora, Irene Mira, viaxaron a Cardiff (Gales) o pasado mes de novembroxunto con dez compañeiros/as representantes do consorcio que está a traballar no proxecto citado para a potenciación das ensinanzas científicas e tecnolóxicas no ámbito educativo e a igualdade de xénero na aprendizaxe das mesmas.

Neste consorcio están a participar, ademais do CFR de Ferrol, como coordinador,  o CPI de Atios de Valdoviño, o IES As Telleiras de Narón e o IES Fraga do Eume de Pontedeume.

Na viaxe realizáronse visitas a tres centros de primaria e secundaria nas que se fixeron intercambios de boas prácticas; participouse tamén no encontro “Internacionalización da Educación”, no que, ademais de asistir a charlas sobre diversos programas dirixidos a promover as relacións internacionais entre centros educativos, tivemos a posibilidade de establecer contactos para futuros proxectos. 

Que é Erasmus +?

O IES As Telleiras participa no Erasmus+, programa europeo nos ámbitos da educación, a formación, a xuventude e o deporte para o periodo 2014-2020.

Erasmus+ trata de impulsar as perspectivas laborais e o desenvolvemento personal, ademáis de axudar aos nosos sistemas de educación, formación e xuventude a proporcionar unha ensinanza e unha aprendizaxe que doten ás persoas das capacidades necesarias para o mercado laboral e a sociedade actual e futura.

En España a axencia que coordina este programa no ámbito da educación e a formación é o SEPIE (Servicio Español para la internacionalización de la Educación). Premendo na imaxe podes acceder á páxina web desta axencia e atopar máis información.

Distribuir contido


by Dr. Radut