Skip to Content

LISTAXE PROVISIONAL DE VALES PARA A COMPRA DE MATERIAL ESCOLAR

Ven, 12/07/2024 - 06:30 — eugenia.fer.rio

Hoxe foi publicada a listaxe provisional das axudas para a adquisición de material escolar, que poderá ser consultada no taboleiro de novas dentro do instituto. Non se proporcionará información telefónicamente por protección de datos.  

As enmedas e entrega de documentación complementaria requerida poderá levarse a cabo no centro nos vindeiros días, antes do 26 de xullo no que se publicará a listaxe definitiva.

HORARIO DE ATENCIÓN AO PÚBLICO

Xov, 11/07/2024 - 20:27 — eugenia.fer.rio

O horario de atención ao público no que resta do mes de xullo será de 10 a 13 horas en días laborables (día 26 pechado). Durante o vindeiro mes de agosto, para calquera cuestión, póñedevos en contacto con nós a través do correo do centro:

ies.telleiras@edu.xunta.gal

Graciñas e bo verán!!

DESPEDIDA

Ven, 28/06/2024 - 19:56 — eugenia.fer.rio

Despedimos aos nos@s compañeir@s, que foron un equipo traballador, animado e inspirador.  Deixades unha pegada moi fonda en tod@s! Desexamos que teñades moita sorte no seguinte destino. Volvede, por favor. Moitos bicos!!

 

MEGABAU 2024

Ven, 21/06/2024 - 19:00 — eugenia.fer.rio

No día de hoxe tivo lugar un acto de homenaxe no Coliseum da Coruña ao alumnado cos mellores expedientes na ABAU, en total, 1086 alumnos e alumnas, organizado pola UDC e presidido polo Conselleiro de Educación, os reitores das tres universidades galegas e diversas autoridades políticas, entre elas, a alcaldesa de A Coruña, Inés Rey. A esta Megabau foron invitados a participar catro dos nosos estudiantes e un representante do centro, xunto coas súas familias. Foi unha festa áxil e divertida, para premiar o esforzo e o traballo ben feito.

Desde o noso centro asistiron, de esquerda a dereita da foto, Nora Luaces, Cecilia Aneiros, Eugenia Fernández como representante do centro, Emma Arias e Roi Morado. Os catro obtiveron tamén merecidas matrículas de honra. Noraboa!!

Máis información e todo o photocall aquí.

XORNADA DE 1º E 2º ESO NO GALIPARK

Xov, 20/06/2024 - 19:00 — eugenia.fer.rio

Este venres o alumnado de 1º e 2º de ESO viviu unha xornada a mar de divertida e entretida no parque multiaventura Galipark, onde tiveron oportunidade de facer moitísimas actividades como tiro con arco, paintball, rocódromo, circuítos de cordas en altura, tirolina… e como o tempo acompañou, tamén refrescarse na piscina. Un día cheo de emocións fortes para despedir o curso!
     
 

MATRICULACIÓN CURSO 2024-25

Mar, 18/06/2024 - 21:39 — eugenia.fer.rio

Data de matrícula

Curso no que se matricula

26 de xuño

2º BAC

27 de xuño

1º BAC

1 de xullo

4º ESO

2 de xullo

3º ESO

3 de xullo

2º ESO

4 de xullo

1º ESO

 O sobre da matrícula será entregado polo titor/a ao alumnado conxuntamente co boletín de notas. O alumnado de nova incorporación poderá recollelo na Secretaría do centro.

 O alumnado de 1º e 2º ESO non paga Seguro Escolar. Para os demais cursos, a cuantía do Seguro é de 1,12€ e será ingresado en entidade bancaria.

 Prégase respecten os días asignados para formalizar a matrícula.

 A matrícula debe formalizarse cada ano escolar.  De non entregarse o sobre de matrícula na data sinalada perderase o dereito á permanencia e o centro disporá da súa plaza.

 

RECOLLIDA DE EQUIPAMENTO E-DIXGAL

Mar, 18/06/2024 - 21:14 — eugenia.fer.rio

Os país e nais do alumnado de 4º ESO devolverán o equipamento E-Dixgal o día 1 de Xullo de 10:00 a 12:00 da mañá. Non esquezades entregar ordenador e cargador na súa caixa así como o maletín, e asinar o documento de devolución correspondente.

O CLUB DE LECTURA E O TESORO DE ARTABRIA

Mar, 18/06/2024 - 21:01 — eugenia.fer.rio

“El tesoro de Artabria” de Juan José Lada Vilariño foi un dos libros elexidos polo Club de lectura neste curso. No día de hoxe o noso alumnado seguiu as pistas pola cidade de Ferrol nunha pescuda do tesouro igual que os protagonistas do libro!!

 
     

 

 

CALENDARIO FIN DE CURSO ESO E EXTRAORDINARIA 1º BAC

Mar, 18/06/2024 - 07:39 — eugenia.fer.rio

Compartimos o esquema coas datas relevantes de final de curso, para a convocatoria extraordinaria de 1º de bacharelato e para a ESO.

SEN SERVICIO DE CAFETERÍA

Lun, 17/06/2024 - 08:26 — eugenia.fer.rio

 

Por causas alleas a este centro, permaneceremos esta semán sen servicio de cafetería. Pregamos que o alumnado que así o precise e queira, traia a merenda de media mañá e a bebida. Tampouco teremos comedor o martes a mediodía. Desculpade as molestias.
Distribuir contido


by Dr. Radut