Inventamos por niveis unha copla para recitarlle ó Maio.
COPLAS PARA O MAIO
3 anos: O mellor do noso Maio
son tódalas súas flores
que visten o noso patio
con tódalas súas cores.
Os do polbo e o crocodilo
querémoste saudar
porque é o primeiro ano
que esta festa imos celebrar.
4 anos: O mellor do noso Maio
son tódalas súas flores
que visten o noso patio
con tódalas súas cores.
Os da bolboreta e o peixe
querémoste espertar
que no inverno xa durmiches
e agora hai que gozar.
5 anos: O mellor do noso Maio
son tódalas súas flores
que visten o noso patio
con tódalas súas cores.
Do coello, cangrexo e caracol
somos os maiores do cole
que con ilusión e unha flor
querémoste facer enorme.
EQUIPO DE DINAMIZACIÓN DA LINGUA GALEGA