BOTELLAS SENSORIAIS

Arte

ACTIVIDADE DE ARTE:BOTELLAS SENSORIAIS

AS BOTELLAS SENSORIAIS SON UN TIPO DE MATERIAL DE ESTIMULACIÓN CASEIRO. SON UNHAS BOTELLAS, BOTES OU TARROS, XERALMENTE DE PLÁSTICO, QUE RECHEAMOS CON OBXECTOS OU DIVERSOS MATERIAIS PARA QUE ESTIMULEN DIVERSAS SENSACIÓNS NO NENO, CANDO MOVA A BOTELLA.

UNHA VEZ ELABORADAS, O NENO/A AS MANIPULA LIBREMENTE, AS FAI XIRAR, AS VOLTEA E OBSERVA O COMPORTAMENTO DOS OBXECTOS QUE HAI DENTRO DELA. ESTIMULA A ATENCIÓN, A OBSERVACIÓN, O SEGUEMENTO DOS OBXECTOS, A CURIOSIDADE, AS GANAS DE EXPLORAR, …

COMO SE FAN?

PRECISAMOS BOTELLAS DE PLÁSTICO, LISAS E BALEIRAS. TAMÉN, SE PODEN USAR TARROS DE CRISTAL, POIS APORTAN CALIDADES COMO A DUREZA, O PESO, O SON DE CERTOS MATERIAIS REBOTANDO NAS PAREDES… (ESTO DEPENDERÁ DA VOSA DECISIÓN).

E, UNHA VEZ ELEXIDO O MATERIAL QUE EMPLEAMOS PARA RECHEALAS, PECHAMOS AS BOTELLAS, DE SER PRECISO PEGÁNDOA CON SILICONA OU CON CINTA, PARA QUE NON SAIA NINGÚN DOS ELEMENTOS.

PODEMOS FACER DIFENTES TIPOS DE BOTELLAS:

1-BOTELLAS LÍQUIDAS.

-ELEXIMOS BOTELLAS DE PLÁSTICO LISAS CON APERTURA GROSA, E METEMOS ELEMENTOS NATURAIS: CARACOLAS PEQUENIÑAS, CUNCHAS, RAMIÑAS DE PLANTAS, OU PODEMOS ELEXIR OUTROS OBXECTOS COMO: POPÓNS, BOTÓNS, PEZAS PEQUENAS DE PLÁSTICO, ETC. E, TAMÉN, ENGADIR PURPURINA. TODO A GUSTO DO NENO/A.

-UNHA VEZ METIDOS OS ELEMENTOS DE DECORACIÓN, ENGADIMOS A AUGA OU GLICERINA (QUE SE PODE MERCAR NAS FARMACIAS), Á QUE LLE PODEMOS ENGADIR UNHA GOTIÑA DE COLORANTE PARA DARLLE COR. TAMÉN PODEMOS DEIXALO SIMPLEMENTE COA AUGA/GLICERINA.

-PECHAMOS A BOTELLA PEGANDO A TAPA CON SILICONA LÍQUIDA OU CUNHA CINTA ADHESIVA.

-FINALMENTE, E A MODO DE DECORACIÓN, PODEMOS RODEAR A TAPA CUN PEDACIÑOS DE TELA E ATALA CUN LACIÑO OU CORDEL.

BENEFICIOS: SON UN RECURSO EXCELENTE PARA AXUDAR A CALMAR AOS NENOS/AS QUE SE POÑEN NERVIOSOS E SE ENFADAN. É UNHA BOTELLA DE AUGA/GLICERINA QUE CONTÉN ELEMENTOS DIVERSOS E FUNCIONA MOI BEN PARA AXUDAR AOS NENOS A CALMARSE SÓS, MENTRAS MIRAN O FRASCO E ESPERAN A QUE TODO SE DETEÑA.

A BOTELLA AXITADA É UN SÍMIL DO QUE SUCEDE NA CABEZA DO NENO/A ENFADADO/A, ONDE TODO VAI MOI DEPRESA E SE MOVE DE XEITO DESCONTROLADO. CANDO PASAN UNS MINUTOS, TODO VAI INDO AO SEU ESTADO INICIAL, DO MESMO XEITO QUE O ENFADO DO NENO VAI QUEDANDO QUEDO, EN CALMA.

2-BOTELLAS EN SECO.

PROCEDEREMOS IGUAL QUE NAS BOTELLAS LÍQUIDAS, PERO NESTA OCASIÓN NON ENGADIREMOS NIN AUGA NIN GLICERINA.

3-BOTELLAS TEMÁTICAS.

AO IGUAL QUE NAS BOTELLAS ANTERIORES, ESCOLLEMOS OS ELEMENTOS NECESARIOS PARA CONVERTER A NOSA BOTELLA NA PERSONAXE ESCOLLIDA. CADA NENO/A PODERÁ IMITAR Á SÚA PERSONAXE PREFERIDA.