Como ben sabedes, o horario do mes de xuño é diferente ao do resto do curso.

• Entrada: 09:50
• Xantar:14:30
• Saída dos autobuses: 15:00

O vindeiro 2 de xuño ás 10 da mañá teremos connosco a un representante de ANUR que nos falará das accións que levan a cabo a prol dos refuxiados. Este acto enmárcase dentro dunha campaña de recollida de fondos no noso centro, a través dun Mercado Solidario que permanecerá aberto do 1 ao 20 de xuño, no horario do recreo.

Enlace a toda a información

O pasado 5 de maio fomos a Outeiro de Rei, patria de Manuel María de Hortas. Alí, na súa casa, na sede da Fundación que leva o seu nome, achegámonos a esta figura senlleira da nosa cultura. Este ano 2016 é o ano de Manuel María, pero nós pedimos e queremos que tódolos anos sexan anos para lembrar, para escoitar, para ler, para estudar...a este xigante das nosas letras. Grazas Manuel María por todo o que nos deixaches, por todo o que loitaches e por todo o que nos aprendeches... por todo, grazas.

Cada 3 de maio celébrase o Día Mundial contra o Acoso Escolar. Dende o noso centro rexeitamos calquera tipo de violencia, ese día e tódolos días do ano.
Ademais do traballo que día a día fan os docentes nas aulas, a través da educación en valores, levamos a cabo actuacións específicas como o TEI, Programa de Titoría entre Iguais na ESO, que capacita aos alumnos/as para detectar situacións de acoso escolar e mediar.

Máis info en:
http://www.lavozdegalicia.es/noticia/sociedad/2016/05/02/dia-mundial-contra-acoso-escolar-clase-me-llaman-margi/00031462203062086915575.htm

O Consello Xeral do Poder Xudicial e mailo Observatorio veñen de editar un decálogo contra a violencia sobre a muller, que nos parece de moito interese para todos e todas. Deixamos o enlace de seguido:

Xa está ben!

NOTA: Na parte inferior da páxina do enlace está a publicación da campaña.

Para a matriculación do alumnado é necesario unha documentación, que deixamos aquí para o seu coñecemento polas persoas que poidan estar interesadas.

Acceso a toda a documentación

Ademais da solicitude e as  autorizacións  será necesario aportar:

-Fotocopias dos DNI dos pais ou titor  do alumno

-Cartilla sanitaria

-Libro de familia

-Sentenza de separación, se é o caso

Deixámosvos aquí unha serie de enlaces de moito interese sobre técnicas de estudo. 

 http://contenidos.educarex.es/mci/2004/11/testinicio/indextestestudio.html

http://conteni2.educarex.es/mats/121339/contenido/

https://luisamariaarias.wordpress.com/category/tutoria/tecnicas-de-estudio/

O vindeiro 27 de abril terá lugar no noso centro, un ano máis, un taller do programa Navega con Rumbo. Trátase dun traballo no que se intenta concienciar ó alumnado para que fagan un uso asisado de internet. A charla está dirixida a nenos e nenas de 5º e 6º de Primaria e 1º e 2º da ESO.

Máis info en: http://www.edu.xunta.es/navegaconrumbo/

O xoves 5 de maio, en horario escolar, visitaremos a Casa Museo de Manuel María, escritor chairego ao que se lle dedica este ano o Día das Letras Galegas. Co gallo deste acontecemento, traballaremos previamente sobre a vida e obra deste egrexio autor galego. 

A esta visita acudirán nenos e nenas de 6º de Primaria, do Clube de Lectura de Primaria e da ESO, e todo o alumnado de 4º da ESO.