CPI PADRENDA CRESPOS

O martes 30 de xaneiro celebramos o Día da Paz e da Non Violencia. Os rapaces e rapazas de Infantil e Primaria reunironse no patio para cantar cancións e ler unha mensaxe que atamos a un globo en forma de pomba. O lanzamento foi un grande éxito! Onde irá aterrar a nosa pomba???

Grande éxito o pasado xoves 25 de xaneiro coa primeira sesión de actividade física para maiores no noso pavillón!

O alumnado de 4º da ESO organizou a clase baixo a supervisión do seu profesor de Educación Física e as catro participantes acabaron a sesión moi contentas e con ganas de repetir.

Hoxe pola tarde, mércores 20 de decembro de 2023,  invitamos a todos os membros da comunidade educativa a participar nesta 1ª Feira Científica solidaria dentro do noso Proxecta de Voluntariado de Rede de Centros Solidarios. 

O alumnado de secundaria presentou un experimento sobre o biodiésel (1º da ESO), a cantidade de azucre presente nos refrescos (2º da ESO), a detección de vitamina C nos alimentos (3º da ESO) e por último a fabricación dun barómetro caseiro (4º da ESO). 

Por outra banda, os alumnos de Primaria explicaron varios experimentos que realizaron no Club de Ciencias sobre a condutividade eléctrica con auga salgada ou doce e incluso con plastilina.

Foi tamén unha oportunidade para recoller xoguetes e libros infantís para a Asociación Cáritas do Ribeiro.

Grazas ás familias pola súa solidariedade!

O 3 de decembro celebrouse o Día Internacional das Persoas con Discapacidade.

O pasado luns, organizamos xogos sensoriais para todo o alumnado para que os rapaces e rapazas empatizarán coas persoas con diversidade funcional. Esta actividade forma parte do Proxecta de Voluntariado do noso centro.

O alumnado da materia de Proxecto Competencial (dentro do Plan de actividades Proxecta+ de voluntariado) vai dirixir sesións de actividade física con persoas maiores da zona na súa hora de clase nas instalacións do CPI: 

- Xoves: de  14:55 - 15:35

- Venres: de 10:30 - 11:20 

             e de 12:35 - 13:25

 Consiste nunha actividade gratuíta na que se pretende establecer relacións entre os estudantes e a veciñanza, á vez que se trata de mellorar a calidade de vida das persoas que asistan.

Na primeira sesión farase unha avaliación inicial da condición física e nas seguintes realizaranse exercicios e xogos para mellorala.

Para participar, hai que chamar ao centro (988 68 50 40) e deixar un teléfono de contacto.

Animádevos!