Como este curso fixemos obras de ampliación na nosa biblioteca e non puidemos abrila antes de comezar o mes de novembro, con motivo do Samaín, preparamos unha pequena exposición con libros de terror no corredor da biblioteca.

Os profesores e profesoras que forman parte do Equipo de Biblioteca durante o curso académico 2019/20 son:

Silvia Blanco Barreiro

Eva Cancio Rascado

María Teresa Crende Alonso

Ana María Fernández Chacón

María Balbina Louro García

Pablo Mato Collazo

María Teresa Méndez Martínez

María Jesús Rodríguez Rey

María Sila Vázquez Pérez

Estaremos encantados de axudarche con calqueira dúbida e atender ás suxestións que queiras achegarnos.

O curso está xa a piques de rematar e por fin chegan as vacacións de verán e, con elas, máis tempo libre para gozar da praia, das actividades ao aire libre, da familia e amigos... e, como non, ¡dun bo libro! Velaquí algunhas recomendacións.

 (Fai clic na imaxe para acceder ao documento)

Aquí temos as imaxes dos premiados como lectores e lectoras excelentes do curso. ¡Noraboa! 

A última semana de maio aproveitamos para facer un expurgo de libros e moitos rapaces e rapazas achegáronse para darlles unha segunda vida a eses libros que xa van algo velliños. Como cada curso, ¡o evento é todo un éxito!

Despois de ler unha morea de libros durante todo o curso e facer as fichas de lectura e/ou vídeo-reseñas deles, de participar nos certames literarios e incluso, algúns deles, de superar o ambicioso reto do Libropoly, o alumnado dos cursos superiores de Educación Primaria desfrutaron enormemente da Tómbola Lectora.

Co gallo do Día das Letras Galegas 2019, celebramos o noso patrimonio lingüístico e cultural cunha exposición dedicada especialmente a Antonio Fraguas, non que non faltaron obras doutros autores e autoras galegas anteriormente homenaxeados nesta data.

Como cada mes, os padriños e madriñas de lectura dos cursos superiores de Educación Primaria desfrutan dun recreo léndolles contos aos seus afillados/as. Nesta ocasión foron os maiores os que elexiron os contos e a experiencia foi, coma sempre, entrañable, enriquecedora e divertida.