O alumnado de 6º A foi ao laboratorio para traballar distintas propiedades da materia como: a densidade e o volume. Tamén traballaron as mezclas e a súa separación.

A nai dunha alumna visitounos para facerlle unha entrevista sobre o seu traballo. Aproveitando que estabamos traballando o tema das enerxías renovables, puidemos facerlle un gran número de preguntas sobre a enerxía eólica, da que é gran coñecedora.

Aproveitando que o alumnado de 3ºB estaba estudando as diferentes propiedades dos materiais, decidimos investigar acerca da elaboración do papel e da súa reciclaxe.

Como a mellor forma de aprender é experimentando, decidimos reciclar nós memos o papel que tíñamos na clase para reciclar. Foi unha experiencia moi lúdica e súper divertida.

Este foi o resultado...

En 3ºB traballamos sobre a nosa historia persoal facendo unha liña do tempo.

Para elo fomos sinalando as datas importantes dende que nacemos e representámolas con debuxos, fotografías...

Finalmente expuxémolas diante dos nosos compañeiros. 

Experimento "Mans sucias, mans limpas"

Os alumnos de 3ºB de Educación Primaria investigamos acerca da importancia da hixiéne diaria das nosas mans. Para elo levamos a cabo o seguinte experimento:

Collemos unha mazá e partímola en dous trozos. Un deses trozos tocámolo despois de lavar concienzudamente as mans e metémolo nun dos tarros coa etiqueta de "Mans limpas". A outra parte da mazá tocámola coas mans despois de vir do patio para, a continuación, metela no segundo tarro coa etiqueta de "Mans sucias".

Os días sucesivos fomos anotando os cambios que ocorrían nas dúas metades das mazás e pudemos observar que na mazá que tocáramos coas mans sucias tiña peor pinta e medraban fungos con máis facilidade que na outra. Con este experimento descubrimos que nas mans temos moitas bacterias e que as transmitimos a aquelo que tocamos, de aí a necesidade de manter unha boa hixiene. 

O alumnado de 6ºA de Educación Primaria vén de escenificar a obra "Negros e brancos", de David McKee para oa alumnado de Educación Infantil, con motivo da celebración do Día Internacional da Paz.

Podes ver o resto das imaxes aquí.

Os alumnos e alumnas de 5ºA de Educación Primaria realizaron cadansúas maquetas do Sistema Solar e expuxeron o seu traballo na Biblioteca. Convidaron aos rapaces e rapazas de primeiro e segundo de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca sobre astronomía. Os pequenos estiveron moi atentos ás explicacións, preguntaron moitas dúbidas e disfrutaron moito da actividade.

Podes ver as imaxes da exposición aquí.

Os alumnos e alumnas de 5ºA de Educación Primaria realizaron cadansúas maquetas das células animais e vexetais e expuxeron o seu traballo na Biblioteca. Convidaron aos rapaces e rapazas de cuarto de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca que falan sobre as células. Foi a súa primeira exposición oral ante compañeiros e compañeiras doutras clases e, aínda que estaban algo nerviosos, fixeron un traballo realmente magnífico.

Podes ver as imaxes da exposición aquí.