 |
 |
O edificio con planta baixa e 1º andar consta de dúas partes. A máis antiga foi construída no ano 1974 e nela están as aulas de primaria, de secundaria e o comedor. Na outra parte, construída no 1999, están as dependencias administrativas, a sala de profesores, o ximnasio, as aulas específicas e a biblioteca. O centro ten rampas de acceso, tanto no exterior coma no interior, e un ascensor, paliando así as barreiras arquitectónicas. Nun edificio anexo, moi próximo ao principal, están as aulas de infantil, a de atención a alumnos de primaria con necesidades específicas de apoio educativo, e a de audición e linguaxe. A carón dos edificios hai unha pista de tenis, un patio de columpios, dous patios de xogos con porterías de fútbol – sala e canastas de baloncesto, e unha pista de balonvolea. Conta tamén, cuns terreos anexos onde se sitúa o horto escolar e o "bosque dos nenos". A escasos metros atópase o polideportivo municipal que utilizan os alumnos do colexio en horario lectivo, e unha piscina descuberta con duchas, vestiarios e xardín, que funciona na época estival. Para os días de choiva hai dúas zonas de patios cubertos ademais da entrada principal do colexio que serve para tal fin. Todo o recinto escolar está totalmente pechado, contando con cámaras de seguridade e cun portón automático, que serve para a entrada e saída de vehículos, peóns e autobuses, con video-porteiro. No que se refire ás aulas o centro consta de: -25 aulas ordinarias. -1 aula de apio a alumnos con dificultades de primaria e infantil. -1 aula de audicción e linguaxe. -1 aula de apoio a alumnos con dificultades de secundaria. -1 aula para plástica. -1 aula de música. -1 aula de tecnoloxía. -1 laboratorio. -1 biblioteca. -1 aula de informática. -1 ximnasio. -despachos de dirección. -1 sala de profesores -1 departamento de orientación. - 2 conserxerías. - 3 departamentos -e 1 comedor escolar. Para casos de urxencia sanitaria existen 4 botiquíns (na cociña, na aula de tecnoloxía, saliña do encargado do comedor e no edificio de infantil), 1 camilla e 2 mantas. |
|||
Versión para impresora
