Este xoves realizamos unha saída para coñecer máis de preto o Cemiterio dos Ingleses e o faro de Cabo Vilán, ambos elementos relacionados coa traxedia do Serpent no ano 1890.
O venres 27 recibimos a visita da escritora Sabela Núñez Singala, autora do libro "O agasallo de Anya", que nos falou do seu libro e de como surxiu a idea de escribilo.
O venres día 9 de Marzo, as nenas e nenos de Infantil e Primaria reuníronse para celebrar xuntas/os o Día Internacional da Muller. Para isto, prepararon uns pequenos escritos, nos que tiveron que investigar sobre a vida dunha muller da súa contorna, que para elas e eles fose importante, por algún motivo. Sen dúbida, non tiveron que afondar moito, para atopar historias tan interesantes como as que podedes ver no vídeo seguinte.
O pasado 21 de febreiro os alumnos e alumnas de 1º a 4º de E.P. viaxaron á Coruña ao Palacio da Ópera, para ver un concerto da Orquesta Sinfónica de Galicia.
