CEIP Plurilingüe Virxe do Corpiño

Aberto o prazo para a presentación de solicitudes de uso do comedor escolar durante o vindeiro curso 2021/2022.

- As solicitudes pódense presentar de dúas maneiras:

a) PRESENCIALMENTE, na biblioteca da Casa da Cultura do Concello de Begonte en horario de 10:00 a 14:00 horas.

b) TELEMÁTICAMENTE, escaneada e enviada por correo electrónico á dirección do noso colexio: ceip.virxe.corpinho@edu.xunta.gal.

- PRAZO: Ata o 9 de xullo, incluido. (Non se admitirán solicitudes despois desa data)

- Unha vez rematado o prazo de presentación, publicarase a lista de admitidos no taboleiro de anuncios da Casa da Cultura de Begonte, coa única referencia do nome e os apelidos do alumno/a e a posición ocupada na lista de admitidos/as, dacordo co disposto no Regulamento 2016/678 do Parlamento Europeo e do Consello, de 27 de abril de 2016, relativo á protección das persoas físicas no que respecta ao tratamento dos datos persoais e á libre circulación de datos, e abrirase un prazo de presentación de alegacións de 5 días.

- De existir máis solicitudes que prazas de comedor autorizadas, o Consello Escolar baremará as solicitudes dacordo cos criterios establecidos no punto 5 da Instrución 2/2021 da Secretaría Xeral Técnica da Consellería de Cultura, Educación e Universidade, do 1 de xuño, sobre o funcionamento dos comedores escolares de xestión directa no curso escolar 2021/2022.

- De darse a anterior circunstancia, o alumnado que non resulte admitido no comedor escolar pasará inicialmente a unha lista de reserva. Seguidamente, o centro cursará á Secretaría Xeral Técnica a solicitude de ampliación do número máximo de prazas autorizadas no comedor escolar, a fin de que o alumnado en reserva poida quedar finalmente admitido.

- Nos primeiros días do mes de setembro abrirase o prazo para a presentación no centro do modelo de autodeclaración de prezos públicos por parte das familias do alumnado admitido como usuario do comedor.

- É necesaria a presentación da solicitude tanto para o alumnado xa matriculado no centro, como para o alumnado de nova incorporación.

- O alumnado procedente do CEIP de Baamonde tamén ten que presentar a solicitude.

- Pódese descargar a solicitude premendo AQUÍ

PRAZO: Do 21 ao 30 de xuño de 2021, ambos incluidos.

HORARIO: De 09:30 a 14:30 horas.

DOCUMENTACIÓN A PRESENTAR:

Alumnado que se escolariza por primeira vez (3 anos):

• Formulario de Matrícula cuberto e asinado (Descargar AQUÍ)
• Solicitude de Transporte Escolar (Descargar AQUÍ)
• DNI das persoas proxenitoras (fotocopia)
• Libro de vacinas (fotocopia)
• Tarxeta Sanitaria (fotocopia)
• 2 fotografías tamaño carné (co nome escrito no reverso)
• Elección sobre as ensinanzas de Relixión/Valores sociais e cívicos (Descargar AQUÍ)
• Elección sobre o uso da imaxe persoal (Descargar AQUÍ)

Alumnado que procede de outros centros educativos:

• Solicitude de Transporte Escolar (Descargar AQUÍ)
• Tarxeta Sanitaria (fotocopia)
• 2 fotografías tamaño carné (co nome escrito no reverso)
• Elección sobre as ensinanzas de Relixión/Valores sociais e cívicos (Descargar AQUÍ)
• Elección sobre o uso da imaxe persoal do alumno/a (Descargar AQUÍ)

Alumnado que procede do CEIP de Baamonde:

Os expedientes coa documentación escolar dos nenos e nenas de Baamonde que veñen para o CEIP Virxe do Corpiño, trasládanse automáticamente para este centro, polo que os pais e nais non teñen que formalizar ningún tipo de matrícula nin cubrir ningún tipo de impreso.

Publicada a LISTA DEFINITIVA DE ALUMNADO ADMITIDO PARA O CURSO 2021/2022 no taboleiro interior de anuncios do colexio. De acordo coas Instrucións da Dirección Xeral de Centros e Recursos Humanos sobre o Proceso de Admisión do Alumnado, e coa Lei de Protección de Datos, non podemos publicar nin trasladar información desta lista a través doutro medio.

A información sí chegará ás familias interesadas a través do medio que marcaron na solicitude para a recepción da resolución (electrónico ou postal).

Dada a incomodidade que a consulta presencial pode ocasionar para as familias, máis na situación de Alerta Sanitaria por COVID-19, querémosvos trasladar que a totalidade do alumnado que presentou solicitude de admisión no noso centro está admitido DEFINTIIVAMENTE.

O CEIP Virxe do Corpiño resulta seleccionado para implementar o Proxecto de Educación Dixital (EDixgal) a partir do vindeiro curso 2021/2022.

·  O alumnado de quinto e sexto de primaria cursará todas as materias en modalidade dixital, sen empregar libros en papel.

·  Para iso, as aulas serán dotadas con encerados dixitais interactivos e cada alumno/a recibirá un ordenador portátil para o seu emprego na aula e na casa durante todo o curso.

·  As nosas familias veranse beneficiadas cunha maior alfabetización dixital na súa contorna próxima ademais dos aforros en custos nos materiais educativos.

·  Novo paso adiante do noso centro en materia de innovación educativa cunha incorporación decidida das novas tecnoloxías ao proceso de ensino e aprendizaxe.