CEIP Plurilingüe Virxe do Corpiño

Estimadas familias: 

Como sabedes, achégase a festa máis terrorífica do ano: o Samaín. No colexio xa estamos comezando cos preparativos e precisamos da vosa inestimable colaboración. 

Para axudarnos coa ambientación propoñémosvos unha actividade para realizar en familia: decorar unha cabaza e que os nenos/a a traigan ao cole ao longo da semana próxima. A cabaza máis orixinal de cada clase levará un premio. 

A celebración do Samaín no colexio terá lugar o vindeiro venres día 30 de outubro. Ese día os nenos/as que o desexen, poderán vir caracterizados ao colexio con disfraces relativos ao Samaín.

Durante ese día, levaremos a cabo diferentes talleres, funcionando en grupos burbulla e coas mesmas medidas establecidas no protocolo de adaptación ao COVID-19: cociña terrorífica, manualidades de Samaín, contos de medo, Teatro do terror...

Mañá xoves día 1 de outubro comezaremos a funcionar co horario de dobre sesión, do seguinte xeito:

09:30 - 13:30: Clases de mañá.

13:30 - 15:00: Comedor.

15:00 - 16:00: Clase de tarde.

Recordamos que, aínda que este é o horario oficial aprobado para o centro, debido á situación excepcional que nos atinxe, as entradas no entorno das 09:30 e as saídas no entorno das 16:00 seguirán realizándose segundo o establecido no Plan de Adaptación á situación Covid 19 do noso centro.

Os nenos/as que NON fan uso do servizo de comedor escolar serán recollidos na primeira cancela do peche do recinto (ao lado do patio cuberto) por un responsable ás seguintes horas:

4º Educación Infantil (3 anos): 13:15 horas.

5º - 6º de Educación Infantil (4 -5 anos): 13:20 horas.

1º-2º-3º de Educación Primaria: 13:25 horas.

4º-5º de Educación Primaria: 13:30 horas.

6º de Educación Primaria: 13:35 horas.

Estes nenos/as volverán a acceder ao colexio para a clase da tarde pola mesma porta ás 15:05 horas.

Estimadas familias:

O vindeiro Xoves día 1 de outubro de 2020 comeza a funcionar o Plan Madruga, polo que, aqueles/as que estedes interesados/as, xa podedes deixar aos vosos fillos/as no colexio a partir das 08:30 horas.

Un saúdo

O director

Convócase ás familias do alumnado de 4º e 5º de Educación Primaria a unha reunión coa titora que terá lugar o mércores 16 de setembro ás 16:00 horas no patio cuberto do colexio.

NORMAS XERAIS

• Só poderá asistir unha persoa por familia. Os nenos/as non poden asistir.
• O uso de máscara protectora é obrigatorio.
• Desinfectar as mans co xel hidroalcohólico. 
• Manter a distancia interpersoal de 1,5 m en todo momento.

Comunicamos que durante o mes de setembro o horario lectivo do centro será de xornada única. Queda organizado do seguinte xeito:

09:30 - 14: 30: clases.

14:30 - 16:00: comedor escolar.

O alumnado que NON se quede ao comedor durante o presente mes de setembro, sairá a partir das 14:15 segundo o grupo estable de convivencia no que se atope.  Os responsables deberán agardar no exterior do recinto á altura da primeira cancela do peche (ao lado do patio cuberto) onde un mestre/a lle entregará ao seu fillo/a. Os horarios de saída serán:

4º Educación Infantil (3 anos) 14:15 horas

5º-6º Educación Infantil (4-5-anos): 14:20 horas

1º-2º-3º Educación Primaria: 14:25 horas

4º-5º Educación Primaria: 14:30 horas

6º Educación Primaria: 14:35 horas

O alumnado que SÍ se quede ao comedor durante o mes de setembro sairá despois de comer, no entorno das 16:00 horas, dependendo do grupo estable de convivencia no que se atope, tal e como establece o Plan de adaptación á situación COVID-19 do noso centro:

4º Educación Infantil: 15:45 horas

5º-6º Educación Infantil: 15:50 horas

1º-2º-3º Educación Primaria: 15:55 horas

4º- 5º Educación Primaria: 16:00 horas

6º Educación Primaria: 16:05 horas

Os autobuses de transporte escolar sairán do colexio ás 16:05 en dirección ás diferentes paradas.

**Aquelas familias que non vaian a facer uso do comedor escolar durante o mes de setembro deberán comunicalo ao centro na maior brevidade posible, chamando ao teléfono 982870089.