CEIP Plurilingüe Virxe do Corpiño

O servizo de madrugadores comezará a funcionar o vindeiro xoves día 8 de setembro en horario de 08:30 a 09:30 horas.

As tarifas son as seguintes:

Día solto: 3 euros

Mes enteiro: 20 euros

É un programa xestionado polo Concello de Begonte polo que, para inscribirse e realizar os pagos deberán poñerse en contacto co mesmo.

As clases do presente curso escolar 2022/2023 darán comezo o vindeiro xoves día 8 de setembro.

ENTRADAS

Alumnado transportado: 09:20 horas

Alumnado non usuario de transporte escolar: 09:25 horas

Peche de portas: 09:35 horas

A partir desa hora, non se permite a entrada de ningún alumno/a ata o primeiro cambio de clase (10:25), a excepción de aqueles que teñan un xustificante médico.

*Queda prohibido o acceso de persoas alleas ao centro ás aulas, corredores e patio do centro durante as horas de clase sen autorización expresa (Artigo 8.2 da Orde do 22 de xullo de 1997 - DOG nª168 do 2/09/97)

Convócase ás familias beneficiarias do fondo solidario de libros de texto do alumnado de 3º e 4º de Educación Primaria para recoller os libros outorgados para o presente curso 2022/2023.

A recollida terá lugar o mércores día 7 de setembro no despacho de secretaría do colexio en horario de 10:00 a 13:30.

ANUNCIO DE APERTURA DO PRAZO DE ADMISIÓN DE MEMBROS DA COMUNIDADE EDUCATIVA DO CEIP PLURILINGÜE VIRXE DO CORPIÑO COMO COLABORADORES VOLUNTARIOS NAS TAREFAS DE ATENCIÓN E APOIO AO ALUMNADO USUARIO DO COMEDOR ESCOLAR DURANTE O CURSO 2022-2023.

As nais, os pais, os/as titores/a legais e familiares do alumnado do CEIP Plurilingüe Virxe do Corpiño, que desexen, ao longo do curso 2022-2023, colaborar de xeito altruísta nas tarefas de atención e apoio aos escolares usuarios do comedor escolar, poderán apuntarse nas listas de admisión, que, habilitadas para este fin, se atopan no despacho de secretaría do centro.

O prazo para presentar solicitudes permanecerá inicialmente aberto ata o día 7 de setembro de 2022 (incluido).

Durante o curso escolar 2022-2023 só se contará coa colaboración das persoas que figuren anotadas nestas listas.

O DIRECTOR

Aberto o prazo para a presentación de solicitudes de uso do comedor escolar durante o vindeiro curso 2022/2023.

- As solicitudes pódense presentar de dúas maneiras:

a) PRESENCIALMENTE, no despacho de secretaría do colexio en horario de 10:00 a 14:00 horas.

b) TELEMÁTICAMENTE, escaneada e enviada por correo electrónico á dirección do noso colexio: ceip.virxe.corpinho@edu.xunta.gal.

- PRAZO: Ata o 8 de xullo, incluido. (Non se admitirán solicitudes despois desa data)

- Unha vez rematado o prazo de presentación, publicarase a lista de admitidos no taboleiro de anuncios do colexio, coa única referencia do nome e os apelidos do alumno/a e a posición ocupada na lista de admitidos/as, dacordo co disposto no Regulamento 2016/678 do Parlamento Europeo e do Consello, de 27 de abril de 2016, relativo á protección das persoas físicas no que respecta ao tratamento dos datos persoais e á libre circulación de datos, e abrirase un prazo de presentación de alegacións de 5 días.

- De existir máis solicitudes que prazas de comedor autorizadas, o Consello Escolar baremará as solicitudes dacordo cos criterios establecidos no punto 5 da Instrución 2/2022 da Secretaría Xeral Técnica da Consellería de Cultura, Educación e Universidade, do 1 de xuño, sobre o funcionamento dos comedores escolares de xestión directa no curso escolar 2022/2023.

- De darse a anterior circunstancia, o alumnado que non resulte admitido no comedor escolar pasará inicialmente a unha lista de reserva. Seguidamente, o centro cursará á Secretaría Xeral Técnica a solicitude de ampliación do número máximo de prazas autorizadas no comedor escolar, a fin de que o alumnado en reserva poida quedar finalmente admitido.

- Nos primeiros días do mes de setembro abrirase o prazo para a presentación no centro do modelo de autodeclaración de prezos públicos por parte das familias do alumnado admitido como usuario do comedor.

- É necesaria a presentación da solicitude tanto para o alumnado xa matriculado no centro, como para o alumnado de nova incorporación.

- Pódese descargar a solicitude premendo AQUÍ