Documentos de interese
BANCO DE LIBROS DA ANPA DO IES FRANCISCO AGUIAR
Esta información vai dirixida ás familias do alumnado de 6º de primaria do CEIP Vales Villamarín, que durante este curso 2022/23 foron socias da Anpa Brigantium e que para o vindeiro curso, teñen pensado seguir estudando no IES Francisco Aguiar.
A Anpa O Carregal (Anpa do IES Francisco Aguiar) xestiona un Banco de libros propio, se estades interesados en participar no mesmo para o curso 2023/24 deberedes facer o seguinte:
- Cubrir a ficha de inscrición que atoparedes no seguinte enlace da nosa páxina web Asóciate | Anpa O Carregal (sistemas6871.wixsite.com) (é moi importante que cubrades os datos do correo electrónico e do teléfono porque será a forma de comunicarnos con vos)
- Ter pagada a cota de socia da Anpa Brigantium do curso 2022/23.
- Facer o pago da Anpa O Carregal para o curso 2023/24.
- Enviar a ficha de inscrición cuberta e os 2 xustificantes de pago por correo electrónico a info@anpaocarregal.org antes do 9 de xullo do 2023.
Despois dese día debedes estar atentos/as porque PRONTO vos enviaremos a ficha para que solicitedes os libros que precisedes, xa que o reparto dos mesmos farase a finais de xullo.
Para calquera dúbida, podedes poñervos en contacto con nós a través do mesmo correo electrónico ou do teléfono 604 03 98 67.
PARABÉNS AO SERVIZO DE COMEDOR
O Servizo de Comedor Escolar do CEIP Francisco Vales Villamarín acaba de pasar unha auditoría interna cunha puntuación de sobresaliente (97,79 sobre 100) o que o sitúa na parte máis alta da clasificación en comedores escolares ( comedor azul).
PARABÉNS
CAMPAMENTO DE VERÁN DO CONCELLO DE BETANZOS
O Concello de Betanzos abre o prazo para solicitar o campamento de verán Betanzos Concilia 2023.
O prazo de inscrición vai estar operativo dende o luns 15 de maio ata o mércores 31 de maio. E as solicitudes deben realizarse de forma preferente na sede electrónica do Concello de Betanzos.
Pode ver a información completa premendo na imaxe e accedendo á páxina web do Concello de Betanzos.
AXUDAS PARA ALUMNADO CON NECESIDADE ESPECÍFICA DE APOIO EDUCATIVO
Asociada a discapacidade, trastornos graves de conduta ou trastornos graves da comunicación e da linguaxe, incluíndo ao alumnado con TDAH (Trastorno por déficit de atención por hiperactividade) o alumnado con TEA (Trastorno do espectro autista). Así como axudas para programas específicos complementarios á educación regrada para alumnado con necesidade específica de apoio educativo asociado a altas capacidades intelectuais.
>> Prazo de presentación de solicitudes: desde o día 8 de maio de 2023 ata o día 20 de setembro de 2023, ambos inclusive.
>> Acceso á solicitude: https://sede.educacion.gob.es/portada.html
ADMISIÓN DE NOVO ALUMNADO PARA O CURSO 2023-2024
Desde o vindeiro mércores día 1 ata o 20 de marzo de 2023 permanecerá aberto o prazo de solicitude de admisión para o vindeiro curso 2023/24, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para o alumnado de Educación Infantil e Educación Primaria que desexa cambiar de centro escolar sempre que haxa prazas dispoñibles.
Poden realizar as súas consultas no teléfono 881880237 ou no correo electrónico ceip.vales.villamarin@edu.xunta.gal
Publicación das listaxes provisionais de alumnado admitido: 25 de abril.
Publicación das listaxes definitivas de alumnado admitido: 15 de maio.
Formalización da matrícula: do 20 ao 30 de xuño.
INFORMACIÓN:
Información admisión alumnado.
Calendario procedemento admisión.
Tríptico PEC (Proxecto Educativo Centro).
IMPRESOS:
Documento de autorización de matrícula.
Solicitude de transporte normal (domicilio a máis de 2 km).
Solicitude de transporte excepcional
ENTROIDO
O vindeiro VENRES, 17 DE FEBREIRO, celebraremos o ENTROIDO no parque do Pasatempo. O alumnado sairá do centro a partir das 10:30 h. e o desfile dará comezo ás 11:00 h.
Na entrada ao Pasatempo, o alumnado realizará un pequeno e breve desfile que consistirá en dar unha volta ao patio central do parque e se colocará na súa zona.
A orde de entrada será: 6º / 5º / 4º / 3º / 2º / 1º de Educación Primaria – 6º / 5º / 4º de Educación Infantil.
Ao finalizar, volverán a saír na mesma orde facendo outra vez un pequeno desfile coa música correspondente.
As familias que queiran presencialo terán que colocarse nas gradas do parque. Se non é posible por falta de movilidade poderán situarse detrás das cintas de balizaxe nos laterais do recinto.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »