Secretaría

Achégase información de interese sobre o alumnado que accederá no vindeiro curso escolar a 4º de EI (3 anos).

• Horario do período de adaptación (prema aquí)
• Folleto explicativo -o mesmo que foi entregado na reunión presencial- (prema aquí)
• Presentación explicativa -a mesma que foi visualizada na reunión presencial- (prema aquí)

Publicación das listaxes provisionais das axudas de libros, axudas de material e fondolibros no taboleiro do centro.

     > Listaxe provisional de axudas para a adquisición de libros (1º EP e 2º EP) e axudas para adquisición de material escolar (de1º EP a 6º EP)

     > Listaxe provisional de fondolibros (inclúe alumnado de 3º EP, 4º EP e 6º EP)

O prazo para a formalización da matrícula é do 20 ao 30 de xuño e é obrigatorio este proceso para o alumnado de nova incorporación ao centro educativo.

Documentación a entregar:

• Anexo III (prema aquí)
• 2 fotografías tamaño carné
• Fotocopia da tarxeta sanitaria
• Fotocopia do libro de vacinas ou informe médico que indique que están ao día
• Fotocopia dos documentos de identidade das persoas proxenitoras e do alumnado, no caso de que o teña
• Se é o caso, sentenza xudicial de separación ou divorcio e/ou convenio regulador da custodia da ou do menor

Xunto cos documentos fotocopiados deben vir os orixinais para que poidan ser cotexados.

Dende o vindeiro luns 1 de marzo e ata o día 22 do mesmo mes está aberto o prazo para a solicitude de praza escolar para o vindeiro curso académico. O cumprimento do formulario realizarase preferentemente na aplicación https://www.edu.xunta.es/admisionalumnado/.

• Alumnado ao que afecta este prazo:

- Alumnado que comeza a súa escolarización.

- Alumnado de 6º de EP que continúe os seus estudos de educación secundaria nun centro diferente ao adscrito.

- Alumnado que solicite cambio de colexio.

• Prazo de presentación das solicitudes: do 1 de marzo ao 22 de marzo

• Portas abertas. Se desexades vir coñecer o colexio, podedes facelo solicitando cita no 886 11 02 71 e atenderémosvos de xeito personalizado. Aquí tedes un adianto -> https://www.youtube.com/watch?v=M-V1Haz9lZI

• Presentación das solicitudes. Para presentar a solicitude deberá seguirse unha das opcións descritas a continuación.

- Preferentemente de xeito telemático na aplicación https://www.edu.xunta.es/admisionalumnado. É preciso ter certificado dixital ou Chave 365. As instrucións para cumprimentar están na propia páxina.

- Cubrir a solicitude telematicamente e presentala no noso colexio. As instrucións atópanse na páxina anteriormente citada: https://www.edu.xunta.es/admisionalumnado. É indispensable solicitar cita no teléfono 886 11 02 71 para a presentación da documentación. No caso de non poder presentarse a persoa solicitante, cubrirase o apartado "na súa representación".

- Cubrir a solicitude manualmente e presentala no noso colexio. Podedes descargar a solicitude (ver documento adxunto) ou solicitala ao correo electrónico do colexio (ceip.tiran@edu.xunta.gal) e vola enviaremos. É indispensable solicitar cita no teléfono 886 11 02 71 para a presentación da documentación. No caso de non poder presentarse a persoa solicitante, cubrirase o apartado "na súa representación".

Informamos ás familias de 6º de Educación Primaria que, o vindeiro xoves 28 de xaneiro ás 17.30 h, poderán acceder a unha videoconferencia para coñecer o funcionamento do IES Paralaia. Na mesma, que será a través da plataforma Webex, ofereceranlles un vídeo explicativo e a oportunidade de formular preguntas. Rógaselle que teñan a cámara encendida e o micro apagado. Poden formular as preguntas polo chat.

Deixámoslles o enlace da videoconferencia:

https://eduxunta.webex.com/eduxunta/j.php?MTID=mac71f54ccc70f6af68ad12ce3703af49