Admisión: reserva de praza en centros adscritos

Dende hoxe e ata o vindeiro 8 de febreiro está aberto o prazo para reservar praza nos centros adscritos. O cumprimento do formulario realizarase preferentemente na aplicación https://www.edu.xunta.gal/admisionalumnado.

  • Alumnado ao que afecta este prazo:

- Alumnado de 6º de EP que continúe os seus estudos no curso 2022-2023 no IES A Paralaia.

- Alumnado de 6º de EI da EEI O Con que continúe os seus estudos de educación primaria no noso centro educativo.

* O alumnado de 6º de EP que vaia continuar os seus estudos o vindeiro curso escolar noutro centro que non sexa o IES A Paralaia, debe esperar a apertura doutro prazo.

  • Prazo de presentación das solicitudes: do 11 de xaneiro ao 8 de febreiro
  • Presentación das solicitudes. Para presentar a solicitude deberá seguirse unha das opcións descritas a continuación:

- Preferentemente de xeito telemático na aplicación https://www.edu.xunta.gal/admisionalumnado. É preciso ter certificado dixital ou Chave 365. As instrucións para cumprimentar están na propia páxina.

- Cubrir a solicitude telematicamente e presentala no noso colexio se está cursando aquí 6º EP ou na EEI O Con se cursades alí 6º EI. As instrucións atópanse na páxina anteriormente citada: https://www.edu.xunta.gal/admisionalumnado. É indispensable solicitar cita no teléfono 886 11 02 71 para a presentación da documentación. No caso de non poder presentarse a persoa solicitante, cubrirase o apartado “na súa representación”.

- Cubrir a solicitude manualmente e presentala no noso colexio se está cursando aquí 6º EP ou na EEI O Con se cursades alí 6º EI. Podedes descargar a solicitude (premer aquí) ou solicitala ao correo electrónico do colexio (ceip.tiran@edu.xunta.gal) e vola enviaremos. É indispensable solicitar cita no teléfono 886 11 02 71 para a presentación da documentación. No caso de non poder presentarse a persoa solicitante, cubrirase o apartado “na súa representación”.

 

Axudas máscaras hixiénicas: procedemento

O venres 12 de novembro publicouse o procedemento polo cal serán distribuídas máscaras hixiénicas entre o alumnado de educacion primaria. Para ser beneficiaria ou beneficiario desta axuda, débese presentar o anexo I, anexo II e a copia do libro de familia.

Cómpre ter en conta que:

  • O prazo é ata o 26 de novembro.
  • A presentación das solicitudes será no propio colexio baixo CITA PREVIA.
  • O alumnado que recibiu a axuda de material escolar NON TEN QUE PRESENTAR SOLICITUDE, xa que de xeito autómatico se lle proporcionarán as máscaras.
  • A situación persoal e a composición da unidade familiar a ter en conta é a 31 de decembro de 2019.
  • A renda per cápita para a concesión da axuda debe ser igual ou inferior a 6.000 €.

 

Anexo I e II (descargar aquí)

Publicación no DOG (información extendida) (descargar aquí)

Reunións de titoría

Convócase ás familias dos distintos cursos ás reunións coas titorías. Por cuestións de aforo e protocolo, solicítase a asistencia á dita reunión dunha soa persoa da unidade familiar.

    * 3 anos: 28 de setembro ás 17:00

    * 4 anos: 14 de setembro ás 17:00

    * 5 anos: 21 de setembro ás 17:00

    * 1º EP: 14 de setembro ás 17:00

    * 2º EP: 14 de setembro ás 18:00

    * 3º EP: 21 de setembro ás 17:00

    * 4º EP: 21 de setembro ás 18:00

    * 5º EP: 21 de setembro ás 18:00

    * 6º EP: 21 de setembro ás 18:00

Listaxes de material (Educación Primaria)

Adxúntanse as listaxes de material de Educación Primaria:

     * 1º EP (prema aquí)

     * 2º EP (prema aquí)

     * 3º EP (prema aquí)

     * 4º EP (prema aquí)

     * 5º EP (prema aquí)

     * 6º EP (prema aquí)

 

* Todas as clases de Educación Primaria precisarán dunha axenda escolar. A vindeira semana estará dispoñible a axenda escolar do noso colexio, informarémosvos de cando a podedes solicitar.

Autorización para a saída do alumnado sen acompañante

Adxúntase a autorización para a saída do alumnado do centro educativo ou do servizo de transporte sen acompañante maior de idade (prema aquí).

Servizo de comedor

Adxúntase o modelo de autodeclaración para especificar a taxa correspondente do servizo de comedor (prema aquí).

Presentación do novo equipo directivo

Convócase ás familias interesadas a unha reunión informativa a vindeira semana para a presentación do novo equipo directivo e cuestións relativas de cara ao inicio de curso.

Luns 6:

       * 17:00 - 18:00 > Familias de Educación Infantil

       * 18:30 - 19:30 > Familias de 1º e 2º de Educación Primaria

Martes 7:

       * 17:00 - 18:00 > Familias de 3º e 4º de Educación Primaria

       * 18:30 - 19:30 > Familias de 5º e 6º de Educación Primaria

Por cuestións de aforo e protocolo, solicítase a asistencia á dita reunión dunha soa persoa da unidade familiar.

Axudas para alumnos con necesidades específicas de apoio educativo

Xa poden solicitar as axudas para alumnos con necesidades específicas de apoio educativo para o curso 2021-2022. Teñen toda a información no documento adxunto. O prazo de presentación de solicitudes é ata o 30 de setembro, inclusive.

Axudas de libros, axudas de material e fondolibros: listaxes definitvas

Publicación das listaxes definitivas das axudas de libros, axudas de material e fondolibros no taboleiro do centro.

     > Listaxe definitiva de axudas para a adquisición de libros (2º EP) e axudas para adquisición de material escolar (de1º EP a 6º EP)

     > Listaxe definitiva de fondolibros (inclúe alumnado de 3º EP, 4º EP e 6º EP)

 

A recollida das axudas e dos libros de texto correspondentes deberá ser do 20 ao 23 de xullo en horario de 10:00 a 13:00 baixo cita previa, ou no mes de setembro; esta recollida terá que ser efectuada pola persoa que fixo a solicitude.

Información de interese para o alumnado de 4ºEI do curso 2021-2022

Achégase información de interese sobre o alumnado que accederá no vindeiro curso escolar a 4º de EI (3 anos).

  • Horario do período de adaptación (prema aquí)
  • Folleto explicativo -o mesmo que foi entregado na reunión presencial- (prema aquí)
  • Presentación explicativa -a mesma que foi visualizada na reunión presencial- (prema aquí)
Distribuir contido