CEIP de Seixalbo

"Charla coas especialistas" é o título dunha das actividades de sensibilización que se están a realizar no centro para que todos sexamos conscientes da importancia que ten a reducción de lixo, así como a súa correcta reciclaxe para contribuír coas nosas pequenas accións a "Salvar o globo". "As especialistas" son as persoas que se encargan cada día da limpeza do noso cole, e as que mellor saben dos nosos comportamentos en relación ao lixo. Por ise motivo planificamos un encontro con elas, para que nos disen respostas ás diferentes preguntas que se lle plantexaron dende cada un dos cursos. A súa cercanía e amabilidade xunto coas respostas que nos diron conseguiron que nos fixésemos unha idea do que temos que mellorar, así como poñer en valor o labor que realizan. Grazas a Mary, Alejandra, Loli e Marcia por prestarvos a colaborar con nós. O vídeo que vedes a continuación foi o que serviu como presentación da actividade.

Durante estes días estanse levando a cabo no cole diferentes actividades de sensibilización sobre as actuacións humanas e as súas consecuencias no planeta. Unha desas actividades levárona acabo os alumnos de sexto que realizaron unha busca e recollida de imaxes na web que reflectisen por un lado paisaxes non contaminadas, e por outro lado  todo o contrario, paisaxes contaminadas debido á acción humana. Esa recollida de imaxes tiña como obxectivo a sensibilización e búsqueda de reflexións

Hoxe 25 de Novembro, no noso cole temos programadas unha serie de actividades para unirnos á loita contra a violencia de xénero.

Hoxe ponse o foco na eliminación da violencia, pero esta é unha loita que...

DEBE DE FACERSE ENTRE TODAS AS PERSOAS E DENDE TODOS OS ÁMBITOS!!!

Este ano celebramos a tradicional festa de samaín dun modo diferente. Fixemos tamén unha exposición, pero desta vez sen cabazas, senón con monstros que nós mesmos realizamos con materiais de refugallo xunto coas nosas familias. Foi moi orixinal e gustou a todo o mundo. Un bo traballo realizado entre todos e todas. Agradecer especialmente ás familias a súa implicación, clave para levar a cabo esta exposición que resultou ser un éxito. aquí podedes ver os vídeos.

O xoves 24 de outubro de 2019, celebramos un ano máis o Día da Biblioteca. Reunímonos no salón de actos e desfrutamos dunha dobraxe que fixeron os compañeiros de sexto dun corto titulado "Unha princesa en apuros" que pretende facernos reflexionar sobre o cambio climático que estamos a padecer, xa que este ano o noso proxecto leva por título "Salvemos o globo". Despois de ensaiar uns cantos recreos conseguiron facer un bo papel que todos aplaudimos. Remataron a súa actuación pedindo a colaboración de todos para acabar con monstro do cambio climático. Para iso cada cada neno/a escribirá unha acción que contribúa a acabar co cambio climático nunha estrela que se pegará na vindeira semana no mural da biblioteca. Aquí podedes ver o vídeo da actividade que rematou cantando o noso himno da biblioteca. Tamén podedes ollar o vídeo orixinal do que fixeron a dobraxe, e tamén as novidades deste mes de outubro!!

Este martes 15 de outubro tivemos a oportunidade de asistir a unha charla sobre enerxías renovables e biodiesel impartida polo mestre Rubén Garrido do IES Cidade de Antioquía. Falounos de moitas cousas interesantes relacionadas coas renerxías renovables, a contaminación, como se pode facer biodiesel e fíxonos algúns experimentos coa auga e o aceite. Tamén foi quen de facer maxia trasvasando unha botella chea de auga noutra chea de aceite. A que parece incrible? Pois mirade o vídeo e veredes como o fixo! Grazas Rubén pola sesión tan amena e interesante que nos ofreciches!

Mañá chegou o gran día... a ANPA do noso cole presenta un proxecto deseñado con moitas ganas e ilusión; un proxecto que axudará a acadar un dos obxectivos do centro.

ESTAMOS E ESTADES TODOS CONVIDADOS!!! VÉMONOS!!!

No seguinte enlace atoparedes toda a información relativa á solicitude de bolsas e axudas para alumnado con necesidade específica de apoio educativo.

O prazo de presentación de solicitudes é dendo o 28 de xullo ao 26 de setembro

Os gabinetes ou centros de reeducación aos que acoden os alumnos xa poden comezar a tramitar ditas solicitudes.

O Departamento de Orientación recollerá as solicitudes para proceder á súa validación dende o 2 ata o 26 de setembro ámbolos dous incluidos (prégase pedir cita con anterioridade para poder levar a cabo unha atención o máis áxil e individualizada posible); así como para informar e tratar de resolver todas as dúbidas que puideran xurdir.

PREMER PARA ACCEDER A TODA A INFORMACIÓN

Xa están dispoñibles as listaxes definitivas do Fondo de Libros.

Os libros adxudicados serán entregados ao alumnado o 1º día de clase.

As clases darán comezo o Mércores 11 de Setembro.

No día de hoxe comunicóusenos oficialmente que a xornada única solicitada estaba concedida, polo que o vindeiro curso 2019/2020 o horario do centro sería TODO O CURSO o mesmo que tiñamos ata agora nos meses de setembro e xuño: de 9:30 a 14:30 horario lectivo e de 14:30 a 15:45 comedor, saíndo o transporte escolar ás !5:45. 

Grazas a todos os que o fixestes posible. Bo verán!!

Xa están dispoñibles as listaxes provisionais do Fondo de Libros e os Vales de Material e Libros de Texto.

O período de reclamación será ata o martes 9 de Xullo (inclusive).

Os Vales de Material e de Libros estarán dispoñibles para recoller na secretaría do centro desde o Luns 8 de Xullo ata o vindeiro Luns 15 de Xullo, en horario de mañá de 10:00 a 13:00 horas.

Xa temos listo o xornal escolar "Seixo Branco" deste curso. Non deixedes de ollar as súas páxinas con moitos e diversos contidos de todo tipo. Agora que se presenta un longo tempo de vacacións disporedes de moitas horas para saborear cada unha das súas páxinas. Esperamos que vos guste!

Hoxe, 14 de xuño, celébrase o Día Nacional das Linguas de signos, e os alumnos de 3º A e B e 1º B preséntannos un vídeo no que recollen o traballo realizado neste curso sobre este tema. Unha bonita canción que con moito esforzo, entrega e entusiasmo aprenderon na lingua de signos. Aquí vos queda o vídeo para que a disfrutedes! Noraboa a todos os que o fixeron posible! 

Estamos chegando ao final do curso e dende a Biblioteca vos amosamos as últimas novidades que pasan q formar parte dos nosos andeis. Tamén neste mes se deixará de facer o préstamo para pasar a organizar e preparar a biblioteca de cara ao curso que vén. Non esquezades devolver os libros que aínda tedes na casa! Non deixedes no verán de practicar ese hábito tan saudable e beneficioso e como non, pracentero como é a lectura. Pronto estaremos de volta con moitísimas novidades para xuntos seguir aprendendo e disfrutando das vantaxes da lectura. Bo verán!

Dende o Departamento de Orientación xunto co grupo de Dinamización da convivencia do centro ten organizada para a vindeira semana, do 10 ao 14 de xuño (ámbolos dous incluídos) unha semana chea de actividades de concienciación, sensibilización e reflexión en relación a algunhas das dificultades coas que se atopan as persoas con discapacidade.

Tamén pretendemos dar a coñecer medios. técnicas e/ou sistemas que utilizan as persoas con discapacidade no seu día a día.

Para a organización e posta en práctica das diferentes actividades contamos coa colaboración e apoio da mestra de Educación Física, a coordinadora de Educación Infantil e mestra de Psicomotricidade, a mestra de Relixión, os/as mestras de Valores dos diferentes grupos, a mestra de Ed. Musical, a mestra de atención educativa da ONCE, os/as titor/as dos diferentes grupos e de todo o claustro en xeral. SEN TODOS/AS ELES/AS NON SERÍA POSIBLE!!!

Damos comezo a unha semana, na que o fin último é aprender entre todos e para todos.

O pasado día 16 de Maio, tal como anunciamos na nosa web, conmemoramos o día mundial da CDG.

Realizamos unha actividade facilitada por FEDER (Federación Española De Enfermidades Raras).

A profe Belén contounos a historia de Federito, un trébol moi especial... TEN 4 FOLLAS!

Un trébol TAN ESPECIAL COMA O NOSO ALUMNO!!!

A Titora de 1ºB

Na seguinte presentación deixámosvos algunhas das últimas actividades realizadas no centro por diferentes cursos. Os nenos de 3º, o 30 de abril saíron de excursión a visitar as instalacións de Finsa e de Ambulancias Rodríguez. Os nenos de 1º e 2º disfrutaron dunha sesión de contacontos levada a cabo por Sabela grazas a editorial SM. Pola súa  parte en Infantil levouse a cabo unha actividade de saúde bucodental, na que os pequenos aprenderon a cepillarse os dentes correctamente. E xa para rematar deixámosvos algún exemplo dos traballos realizados con motivo do día do libro. Se pinchades nas imaxes, veredes máis fotos de cada actividade.

Xa están aquí os novos títulos do mes de maio para que poidades disfrutalos na nosa biblioteca.